ഞായറാഴ്‌ച, മാർച്ച് 19, 2006

പ്രചരണത്തിന്റെ ഭാഷയില്‍ സത്യത്തിന്റെ ചോരക്കറ

പ്രചരണത്തിന്റെ ഭാഷയില്‍ സത്യത്തിന്റെ ചോരക്കറ
എസ്‌. എസ്‌. സതീശ്‌

പൂര്‍വ്വയൂറോപ്പില്‍ സോഷ്യലിസ്റ്റ്‌ ഭരണകൂടങ്ങള്‍ ഒന്നൊന്നായി തകര്‍ന്നശേഷം ഒരു അന്തര്‍ദ്ദേശീയ മാധ്യമ സെമിനാര്‍ നടക്കുകയുണ്ടായി. സോഷ്യലിസ്റ്റ്‌ ഭരണത്തിന്റെ തകര്‍ച്ച മാധ്യമങ്ങളില്‍ വരുത്തിയ മാറ്റങ്ങളെക്കുറിച്ചായിരുന്നു സെമിനാര്‍. ചെക്ക്‌ റിപ്പബ്‌ളിക്കിന്റെ തലസ്ഥാനമായ പ്രാഗില്‍ നടന്ന സെമിനാറില്‍ മുഖ്യപ്രഭാഷണം നടത്തിയത്‌ ചെക്ക്‌ പ്രസിഡന്റായിരുന്ന വക്‌ലാവ്‌
ഹാവലാണ്‌. അദ്ദേഹം പറഞ്ഞത്‌, പ്രചരണത്തിന്റെ ഭാഷയില്‍ നിന്ന്‌ സത്യത്തിന്റെ ഭാഷയെ മോചിപ്പിക്കാന്‍ കഴിഞ്ഞതാണ്‌ സോഷ്യലിസത്തിന്റെ പതനം മാധ്യമങ്ങള്‍ക്കു നല്‍കിയ ഏറ്റവും വലിയ സംഭാവന എന്നാണ്‌.സോഷ്യലിസത്തിന്റെ തകര്‍ച്ച ആഘോഷിക്കാന്‍ മുതലാളിത്ത ശക്തികള്‍ സംഘടിപ്പിച്ച കലാപരിപാടിയായിരുന്നു ആ സെമിനാറെന്നത്‌ ഒരു കാര്യം. എങ്കിലും ഹാവലിന്റെ വാക്കുകളിലെ ആര്‍ജ്ജവത്തെ ചോദ്യം ചെയ്യാനാവില്ല.ശരിയായാലും തെറ്റായാലും സര്‍വ്വ പ്രവൃത്തികളെയും സാധൂകരിക്കുന്നതാണ്‌ പ്രചരണത്തിന്റെ ഭാഷ. സൈദ്ധാന്തിക പരിവേഷം മുതല്‍ മേധാവിത്വത്തിന്റെ ധാര്‍ഷ്‌ട്യം വരെ പ്രചരണത്തിന്റെ ഭാഷയിലുണ്ടാകും. ചിലപ്പോള്‍ വാചകങ്ങള്‍ പരസ്‌പരവിരുദ്ധമാകും. വര്‍ത്തമാനകാലം മാത്രമേ ആ ഭാഷയ്ക്കുണ്ടാകൂ. ഭൂതകാലമോ ഭാവികാലമോ വച്ച്‌ ആ ഭാഷയെ പരിശോധനയ്ക്കു വിധേയമാക്കാനാവില്ല; പരിശോധിച്ചാല്‍ അര്‍ത്ഥമാകെ മാറിപ്പോകും. സൂക്ഷിച്ചുനോക്കിയാല്‍ ആ ഭാഷയില്‍ സത്യത്തെ ബലികഴിച്ചതിന്റെ ചോരപ്പാടുകള്‍ കാണാനാകും.
കാലം മാറിയിട്ടും പ്രചരണത്തിന്റെ ഭാഷ ഉപേക്ഷിക്കാന്‍ കഴിയാത്തതാണ്‌ കേരളത്തിലെ ചില കമ്മ്യൂണിസ്റ്റ്‌ നേതാക്കളുടെ ഒരു ദൌര്‍ബല്യം. കേള്‍ക്കുന്നവര്‍ വിഡ്ഢികളാണെന്ന വിശ്വാസത്തോടെ അവര്‍ പ്രചരണത്തിന്റെ ഭാഷ ഉപയോഗിച്ചുകൊണ്ടേയിരിക്കുന്നു.

സി.പി.എം. സംസ്ഥാന സെക്രട്ടറി പിണറായി വിജയന്‍ വെള്ളിയാഴ്ച നടത്തിയ വാര്‍ത്താസമ്മേളനത്തില്‍ മാധ്യമങ്ങളുടെ വിശ്വാസ്യതയെ അതിനിശിതമായി ചോദ്യം ചെയ്യുകയുണ്ടായി. സി.പി.എമ്മിലെ പ്രശ്നങ്ങളെക്കുറിച്ചും പ്രതിപക്ഷ നേതാവ്‌ വി. എസ്‌. അച്യുതാനന്ദന്റെ സ്ഥാനാര്‍ത്ഥിത്വത്തെക്കുറിച്ചും മാധ്യമങ്ങളില്‍ വന്നതു മുഴുവന്‍ നുണയാണെന്ന വാദഗതിയായിരുന്നു അദ്ദേഹത്തിന്റെ പ്രസ്താവനയുടെ ഇതിവൃത്തം.

സി.പി.എമ്മിന്റെ ഭൂതകാലം വച്ച്‌ ഈ ഇതിവൃത്തത്തെത്തന്നെ ആദ്യം പരിശോധിക്കേണ്ടതുണ്ട്‌. ജെ.എസ്‌.എസ്‌ നേതാവും മന്ത്രിയുമായ കെ.ആര്‍. ഗൌരിഅമ്മയെ പാര്‍ട്ടിയില്‍നിന്ന്‌ പുറത്താക്കുന്നതിന്‌ മുമ്പ്‌ സി.പി.എമ്മിലെ അന്നത്തെ ആഭ്യന്തരപ്രശ്നങ്ങളെക്കുറിച്ച്‌ വാര്‍ത്തകള്‍ വന്നിരുന്നു. പുറത്താക്കല്‍ നടപടിയുണ്ടാകുന്നതിന്‌ തൊട്ടുമുമ്പുവരെയും ആ വാര്‍ത്തകളെല്ലാം ശുദ്ധ നുണയാണെന്നാണ്‌ ഇ. എം. എസ്‌. നമ്പൂതിരിപ്പാട്‌ അടക്കമുള്ള അന്നത്തെ സി.പി.എം നേതാക്കള്‍ വാദിച്ചിരുന്നത്‌. മാധ്യമങ്ങള്‍ പക്ഷേ, ആ വാദഗതി നിരാകരിക്കുകയും സി.പി.എമ്മിലെ പ്രശ്നങ്ങളെപ്പറ്റി തുടര്‍ന്നും വാര്‍ത്തകള്‍ നല്‍കുകയും ചെയ്തു. ഒടുവില്‍, വാര്‍ത്തകള്‍ സത്യമായിരുന്നുവെന്നും നുണ പറഞ്ഞത്‌ നേതാക്കളാണെന്നും തെളിഞ്ഞു. ഇപ്പോള്‍ വീണ്ടും ഒരു നേതാവ്‌ പറഞ്ഞുനോക്കുകയാണ്‌, മാധ്യമങ്ങള്‍ മുഴുവന്‍ നുണ പ്രചരിപ്പിക്കുകയാണെന്ന്‌.യഥാര്‍ത്ഥത്തില്‍, എല്ലാം നുണയാണെന്ന വാദഗതിയിലൂടെ നുണ പ്രചരിപ്പിക്കാനുള്ള സാദ്ധ്യതയാണ്‌ സൃഷ്‌ടിക്കപ്പെടുന്നത്‌. എന്താണ്‌ യഥാര്‍ത്ഥ സ്ഥിതിയെന്ന്‌ തുറന്നുപറഞ്ഞാല്‍ നുണ പ്രചരിക്കാനുള്ള സാദ്ധ്യത കുറയുകയേയുള്ളൂ. കലാപം നടക്കുമ്പോള്‍ വിവരങ്ങള്‍ മൂടിവയ്ക്കുന്നത്‌ കൂടുതല്‍ അത്യാഹിതങ്ങള്‍ക്ക്‌ വഴിവയ്ക്കുമെന്ന്‌ തെളിഞ്ഞിട്ടുണ്ട്‌. സത്യസന്‌ധമായ വിവരങ്ങളുടെ അഭാവത്തില്‍ കെട്ടിച്ചമയ്ക്കുന്ന അഭ്യൂഹങ്ങള്‍ക്കായിരിക്കും ജനം കാതോര്‍ക്കുക.

ഇനി, പിണറായിവിജയന്റെ വാര്‍ത്താസമ്മേളനത്തിലെ ചില വാചകങ്ങള്‍ പരിശോധിക്കാം:
സി.പി.എം കേന്ദ്രകമ്മിറ്റി സമ്മേളിക്കും മുമ്പ്‌ വി.എസ്‌. അച്യുതാനന്ദന്‍ നിയമസഭാ തിരഞ്ഞെടുപ്പില്‍ മത്സരിക്കുമെന്ന തീരുമാനമോ അഭിപ്രായഗതിയോ പോളിറ്റ്ബ്യൂറോയിലുണ്ടായില്ല എന്നാണ്‌ അദ്ദേഹം അവകാശപ്പെട്ടത്‌. "വി. എസ്‌. മാത്രം" എന്ന തലക്കെട്ട്‌ ഒരു പത്രം വിശ്വാസ്യതയ്ക്കു നിരക്കാത്തവിധം നല്‍കിയെന്നും അദ്ദേഹം സൂചിപ്പിക്കുകയുണ്ടായി.
അച്യുതാനന്ദന്‍ മത്സരിക്കട്ടേയെന്ന അഭിപ്രായഗതിയോ തീരുമാനമോ പോളിറ്റ്‌ ബ്യൂറോ യോഗത്തിലുണ്ടായില്ലെങ്കില്‍ തൊട്ടടുത്ത ദിവസം (മാര്‍ച്ച്‌ 11) വൈകിട്ട്‌ നടന്ന കേന്ദ്രകമ്മിറ്റിയുടെ പ്രത്യേക യോഗത്തില്‍ കേരളത്തില്‍ നിന്നുള്ള ചില അംഗങ്ങള്‍ എന്തിന്‌ അദ്ദേഹത്തിനെതിരെ കടുത്ത വിമര്‍ശനം ഉന്നയിക്കണം? ന്യൂനപക്ഷവിരുദ്ധനും വികസനവിരോധിയുമെന്ന പേരുദോഷമുള്ള അദ്ദേഹത്തെ മത്സരത്തിനിറക്കിയാല്‍ തിരഞ്ഞെടുപ്പില്‍ പരാജയം നേരിടുമെന്ന്‌ എന്തിന്‌ വാദിക്കണം?പിണറായി വിജയന്‍ തന്നെ പറയുന്നത്‌ തിരഞ്ഞെടുപ്പുഫലം അറിഞ്ഞ ശേഷമേ ടീമിനെ ആരു നയിക്കണമെന്ന്‌ തീരുമാനിക്കൂവെന്നാണ്‌. ഒന്നിലേറെ പി.ബി അംഗങ്ങള്‍ മത്സരിക്കട്ടെ എന്നാണ്‌ പോളിറ്റ്‌ ബ്യൂറോയുടെ അഭിപ്രായഗതിയെങ്കില്‍ കേരളത്തില്‍ നിന്നുള്ള ചില കേന്ദ്രകമ്മിറ്റി അംഗങ്ങള്‍ എന്തിന്‌ ബേജാറായി? തിരഞ്ഞെടുപ്പുഫലം വന്നശേഷം ആര്‌ ടീമിനെ നയിക്കണമെന്ന്‌ തീരുമാനിച്ചാല്‍പ്പോരേ? പിന്നീട്‌ തീരുമാനിക്കാനുള്ള സാദ്ധ്യത അടയുന്നത്‌ ഒരേയൊരു സാഹചര്യത്തിലാണ്‌; ഒരു പി.ബി അംഗം മാത്രം മത്സരിക്കുമ്പോള്‍.

സാഹചര്യത്തെളിവുകള്‍ അനുസരിച്ച്‌ രണ്ടു കാര്യങ്ങള്‍ വ്യക്തമാണ്‌. ഒന്ന്‌: പി.ബി. യോഗം ചേര്‍ന്നതിന്റെ തൊട്ടടുത്ത ദിവസം കേന്ദ്രകമ്മിറ്റി അംഗങ്ങളില്‍ ചിലര്‍ക്ക്‌ അച്യുതാനന്ദനെ മത്സരിപ്പിക്കരുതെന്ന്‌ ശക്തിയായി വാദിക്കേണ്ട സ്ഥിതിയുണ്ടായി. രണ്ട്‌: ഒന്നിലേറെ പി.ബി അംഗങ്ങള്‍ മത്സരിക്കുകയും തിരഞ്ഞെടുപ്പുഫലം വന്നശേഷം ടീമിനെ ആരു നയിക്കണമെന്ന്‌ തീരുമാനിക്കുകയും ചെയ്യാവുന്ന സ്ഥിതിയായിരുന്നില്ല അപ്പോള്‍.ആ നിലയ്ക്ക്‌ 'വി. എസ്‌. മാത്രം' എന്ന തലക്കെട്ട്‌ നല്‍കിയതില്‍ വിശ്വാസ്യതയുടെ എന്തു പ്രശ്നമാണുള്ളത്‌.

സംഭവം നടന്ന്‌ രണ്ടോ മൂന്നോ ദിവസം കഴിഞ്ഞശേഷം വിവരം പുറത്തുവിടുന്നത്‌ പ്രചരണത്തിന്റെ ഭാഷയുടെ ഒരു അസുഖമാണ്‌. സോഷ്യലിസ്റ്റ്‌ രാജ്യങ്ങളില്‍ പരമോന്നത നേതാവ്‌ മരിച്ചാല്‍ രണ്ടോ മൂന്നോ ദിവസം കഴിയാതെ ആ വിവരം പുറത്തുവിടാറില്ല. പുതിയ നേതാവിനെ തിരഞ്ഞെടുത്ത ശേഷമേ വാര്‍ത്ത പുറത്തുവരൂ. വിവരവിപ്‌ളവത്തിന്റെ ഇക്കാലത്ത്‌ ഒരു വിവരം 'എംബാം' ചെയ്യേണ്ട പരുവത്തില്‍ എത്തിയ ശേഷമേ പുറത്തുവിടാവൂവെന്ന്‌ ശഠിച്ചാല്‍ എന്തു ചെയ്യും.സി.പി.എമ്മില്‍ ഗുരുതരമായ ഒരു പ്രശ്നവുമില്ലെന്നും പിണറായി വിജയന്‍ പറയുകയുണ്ടായി. അച്യുതാനന്ദന്‌ സ്ഥാനാര്‍ത്ഥിത്വം നിഷേധിച്ചുവെന്നുപറഞ്ഞ്‌ പ്രകടനം നടത്തിയവര്‍ സി.പി.എമ്മുകാരല്ലെന്നും അദ്ദേഹം അവകാശപ്പെട്ടു.ഇതു രണ്ടും നമുക്ക്‌ മുഖവിലയ്ക്ക്‌ എടുക്കാം. പക്ഷേ, വരുംനാളുകളില്‍ ഇതിന്റെ സത്യാവസ്ഥ ആരായേണ്ടിവരും. മാര്‍ച്ച്‌ 21 ന്‌ പോളിറ്റ്‌ ബ്യൂറോ യോഗം ചേരുന്നുണ്ട്‌. പാര്‍ട്ടി സംസ്ഥാന ഘടകത്തിലെ പ്രശ്നങ്ങള്‍ ആ യോഗത്തില്‍ ചര്‍ച്ചയ്ക്കേ വന്നില്ലെങ്കില്‍ തീര്‍ച്ചയായും സമ്മതിക്കാം, ഇവിടെ പാര്‍ട്ടിയില്‍ ഒരു പ്രശ്നവുമില്ലെന്ന്‌ പി.ബി. യോഗത്തില്‍ കേരളത്തിലെ പ്രശ്നങ്ങളാണ്‌ മുഖ്യ ചര്‍ച്ചാവിഷയമാകുന്നതെങ്കില്‍ അത്‌ എങ്ങനെ സമ്മതിക്കാനാകും പ്രതിഷേധപ്രകടനങ്ങളുടെ പേരില്‍ പാര്‍ട്ടിയുടെ ഒരു കീഴ്ഘടകവും അച്ചടക്കനടപടി സ്വീകരിക്കുന്നില്ലെങ്കില്‍ ബഹളമുണ്ടാക്കിയത്‌ സി.പി.എമ്മുകാരല്ലെന്ന്‌ ഉറപ്പിക്കാനാകും. എന്നാല്‍, കീഴ്ഘടകങ്ങള്‍ ആര്‍ക്കെങ്കിലുമെതിരെ അച്ചടക്ക നടപടി സ്വീകരിച്ചാല്‍, പ്രതിഷേധപ്രകടനങ്ങള്‍ നടത്തിയത്‌ സി.പി.എമ്മുകാരല്ലെന്ന വാദം വിശ്വസിക്കാനാവില്ല.നാളെ സത്യങ്ങളെല്ലാം പുറത്തുവരാനുള്ള സാദ്ധ്യതയെക്കുറിച്ച്‌ ഒരു വേവലാതിയും പ്രചരണത്തിന്റെ ഭാഷ പ്രകടിപ്പിക്കാറില്ല. ഭാവികാലം തുറിച്ചുനോക്കി നിന്നാലും പ്രചരണത്തിന്റെ ഭാഷ ഒരു കൂസലുമില്ലാതെ മുന്നോട്ടുപോകും.പ്രചരണത്തിന്റെ ഭാഷയ്ക്ക്‌ യഥേഷ്‌ടം മേയണമെങ്കില്‍ മാധ്യമരംഗത്ത്‌ പാര്‍ട്ടി ജിഹ്വകളേ പാടുള്ളൂ. ഇവിടെ അതല്ല സ്ഥിതി. അതാണ്‌ പ്രശ്നം. ഏതുപ്രശ്‌നവും കണ്ടില്ലെന്ന്‌ നടിക്കാന്‍ എളുപ്പമാണ്‌.

കടപ്പാട് : കേരളകൌമുദി ഓണ്‍ലൈന്‍

ശനിയാഴ്‌ച, മാർച്ച് 18, 2006

The great visa run

ഇവിടെ യു.ഏ.ഈയില്‍ വിസ ചെയ്ഞ്ച് ചെയ്യാനായിട്ടുള്ള പുതിയ പരിപാടിയാണ് മുസന്ദത്തില്‍ പോക്ക്. അത് ഈയടുത്ത കാലത്താണ് ഇത് തുടങ്ങിയത്. കിഷിലും ഖിഷത്തിലും ഒക്കെ പോയിട്ട് വരുന്നതിലും നല്ലതാണീ പരിപാടിയെന്ന് തോന്നുന്നു. ഇതെ കുറിച്ച് ഇന്നത്തെ (18 മാര്‍ച്ച് 2006) ഗള്‍ഫ് ന്യൂസ് ഓണ്‍ലൈനില്‍ വന്നൊരു കൌതുകകരമായ റിപ്പോറ്ട്ടാണിത്. വിസിറ്റ് വിസകളെ കുറിച്ചുള്ള ഒരു അനുബന്ധ റിപ്പോര്‍ട്ടും ഇതോടൊപ്പമുണ്ട്

The great visa run
By Mahmood Saberi, Staff Reporter

It's just before 9am. Chanine Mikdam, manager of Riverside Travel and Tourism, guides us hurriedly through the streets of Ras Al Khaimah to the port as we are running late.

We do not know of the Emirates Road connection that takes you directly to Ras Al Khaimah from Dubai. Instead we go through Sharjah and get caught in the early morning traffic in Ajman. The Emirates Road trip takes only 90 minutes.

The immigration officer stamps our passports and we pay Dh20 each. Mikdam had apparently advised the officer we are making the visa change run for a story.

All aboard

We are soon aboard Julfar 1, a Chinese-made boat that can seat 38 passengers. Julfar was the name given to Ras Al Khaimah many years ago.

The stewardess is dressed in a blazing red uniform. She welcomes us and offers us cups of Ras Al Khaimah spring water. Shortly after we set off from Ras Al Khaimah Port, she brings us a tray containing a cheese sandwich, a cupcake and fruit juice. "It will take one hour and 45 minutes," she announces over the public address system, referring to the time it will take to reach Oman.

Later, Jen tells us the boat is made in China. "I too am made in China," she says with a twinkle. She then puts a DVD in the player and for the rest of the trip we watch Steven Segal beat up a lot of baddies on the large TV screen in the passenger deck.

Difficult

As we set out, the captain points to the dozens of floating wooden buoys. "The fishermen's nets," he explains. "It is difficult (to manoeuvre the boat)," he says.

Around 10.40am, the first mate runs up the Oman flag. The boat is sleek and skims the waters gracefully. The Gulf News photographer has got Jen to hold on to the flag mast and pose like the heroine from the movie Titanic. We are trolling along at 20 knots and the wind makes it impossible for her to put on her cap and pose.

On the horizon we see huge ships which could be those cargo vessels that sail from ocean to ocean, ferrying everything from Japanese cars to American corn oil.

The approach to the Omani port of Khasab is spectacular from the sea, as tall, majestic, cliffs seem to surround it from all sides. The seagulls flying near the face of the craggy cliffs are barely visible and appear to be miles away.

The people

On board were two Moroccan girls, one Indian, two Palestinians and two other Arabs. The Gulf News photographer and I complete the passenger list. "You should have come yesterday," says Mikdam, the Moroccan businessman, who runs the boat service on behalf of the Ras Al Khaimah port. "We had to run both our boats," he says. The other boat is named Julfar 2.

But on the day we told Mikdam we would go on the trip, it started drizzling in Dubai in the early morning and a quick check with the met office said the sea was choppy. So we postponed the trip by a day. The Perfect Storm was not one of my favourite movies.

Two choices

Raju Ankush Sadekar who travels with us on that calm and sunny Sunday morning, stays the night over at Khasab. "I had a wonderful time," he says later by phone.

Raju's employer had two choices when he hired him locally in Dubai: send the Indian expatriate out of the country on a plane, or pay Dh1,000 to change his visit visa status.

But when he found he had a third choice and a cheaper way to change Raju's visa, he put him on a boat to Oman from Ras Al Khaimah.

About 40 minutes ago, the captain of the boat had ordered the first mate to run up the Omani flag on the ship's mast. "We are now in Omani territorial waters," says Emmad, the captain, whose earlier job was to ferry tourists to the many tiny islands of Indonesia, his home country.

"Some days you can see dolphins. I can keep track of them on the sonar," he says, pointing to the various sophisticated equipment on board.

Teeming

As he expertly steers the boat to the quay, a strong smell of gasoline wafts from the harbour. The harbour is teeming with small dinghies, which are operated by boys from Afghanistan as boisterously as the boys on the Dubai Creek riding water skis.

Many of the Afghan boys have just come back with sheep and goats after a short run to Iran and are refuelling their dinghies with petrol from jerry cans. "Iran is just there," says an Omani boy who came on board with the customs officials, pointing to the calm, blue waters beyond the towering cliffs.

Ebrahim, a truck driver from Kerala, India, watching the unloading from shore, says some of the produce the boys ferry across the waters like dried fruit and vegetables, is shipped to Dubai by road.

Customs

About 11.20am. An Omani customs official boards the craft and the captain hands him all our passports that were earlier taken from us. He says the passengers are not charged any fees. "The Dh60 is for the entry visa if you wish to stay the night at a hotel nearby," he says.

Except for Raju, the other passengers just wait around the harbour and take the return trip back after an hour.

The harbour is a beehive of activity that day. Nearby stand portakabins, with the Oman flag flying in front. A snack truck also stands nearby, with the driver selling hot tea and potato chips.

Huge potential

Mikdad sees huge potential for these visa runs. His visa run trips that started in February are already attracting customers from as far away as Al Ain.

12.30pm. Just before we sail back, Hilary, an Indian, boards the boat. He is followed by a young woman wearing an abaya. Hilary has come to Khasab to extend his visit visa.

"My wife had faxed me the visa at the hotel," he says. He cannot remember the name of the hotel he stayed in.

The sea is choppy on the return trip and it takes more than two hours to return to Ras Al Khaimah. But time flies as we watch another action-packed movie. Some of the passengers doze off.

Back home

A little after 3pm we reach Ras Al Khaimah port. Mikdam's future plans include buying bigger boats and making the visa runs to the tiny Iranian islands of Kish and Qeshm and to Bandar Abbas.

He is looking at ferries that can seat 250 passengers. Ras Al Khaimah port, which is located on the busy eastern part of the Gulf Coast, is already planning ahead and wants to build a five-star motel for boat passengers.

A Chinese entrepreneur tells Gulf News at the port that thousands of Chinese workers would take advantage of the boat runs.

But it takes quite a-while at the immigration desk. When the officer finally stamps my passport, he apologises for the delay. "The system is new," he said.

The cost

For the boat trip Raju's employer paid

For ticket: Dh350
RAK exit visa: Dh20
Oman visa: Dh60
Hotel room: Dh40
Total: Dh470

അടുത്ത അനുബന്ധ റിപ്പോര്‍ട്ട് :

Visit visa as an industry
By Mahmodd Saberi, Staff Reporter


As the UAE economy flourishes, it continues to attract thousands of people every month from various parts of the globe who are looking for a foothold in the burgeoning job market.

One way to enter the emirates and assess the market is through a visit visa.

The visa is valid for 60 days but it can be extended for another 30 days, giving you three months' time. If after this period you still need to extend it, the only way is to go out of the country on the visa change flights.

Many of the thousands of passengers boarding flights out of the country every day from the various airports in the UAE, have only one purpose: land at a nearby airport and wait for a fax that shows that you now have a new visit visa. Those offered jobs also have to fly out of the country and change the visit visa to an employment visa.

Special flights

It is a whole new industry by itself, requiring special flights out of the country to destinations such as Muscat, Bahrain, and the nearby Iranian islands.

Air Arabia, for instance, has a separate office in Sharjah just for visa runs. A visa coordinator says there are two daily flights from Sharjah to Kish and 10 flights from Dubai. The airline also runs three flights weekly to Muscat.

Oman Air also has a separate representative just to look after visa run passengers. It has two flights from Dubai to Muscat every day. The ticket costs Dh590 including taxes. The passenger gets down at Muscat, waits in the transit lounge and takes the next flight back.

With one airline, passengers do not even have to get down. They just wait in the plane and take the return flight back to Dubai.

Tourism

A Kish Airline representative said it is promoting the Iranian island as a tourist destination. It has purchased McDonnell Douglas aircraft for the popular visa runs. He said many African businessmen use these flights to extend their visas.

But such runs are laden with uncertainties. When Gulf News earlier visited Kish there were hundreds of expatriates waiting for their sponsors to send them faxes of their visas. Some had been waiting for months and were doing part-time jobs to sustain themselves.

The crash

When a Kish Airline plane crashed while returning to Sharjah in February 2004, the UAE changed its visa rules and allowed visitors to change their visas in the country itself, but at a cost.

According to a PRO of a company, you first pay Dh500 for the change in status; from a visit visa to an employment visa. Then another Dh500 for the residency visa.

Other way

The other way to enter the country is to get a hotel to sponsor your visit. But the transit visa will cost you Dh400 and is valid only for 15 days.

Mikdam believed visa change boat runs such as his will save huge sums of money for employers. "Imagine if you have hundreds of workers who need new visas," he said. His plans in the future include making runs to Khasab for tourists from the UAE.

കടപ്പാ‍ട് : ഗള്‍ഫ് ന്യൂസ് ഓണ്‍ലൈന്‍
ലിങ്ക്

ബുധനാഴ്‌ച, മാർച്ച് 15, 2006

ഹോളി: നിറങ്ങളുടെ പെരുമഴക്കാലം

ഹോളി: നിറങ്ങളുടെ പെരുമഴക്കാലം
മാനുവല്‍ ജോര്‍ജ്‌

നിറങ്ങളുടെ പെരുമഴ. അതാണ്‌ ഹോളി. എവിടെ നോക്കിയാലും നിറങ്ങള്‍. ഹോളി ഉത്തരേന്ത്യയില്‍ ഒരു പ്രണയകാലമാണ്‌. നിറങ്ങളെ പ്രണയിക്കുന്നവരുടെ ആഘോഷക്കാലം. ദക്ഷിണേന്ത്യയിലും ഇപ്പോള്‍ കേരളത്തിലും വരെ ഹോളി ആചരിച്ചു തുടങ്ങിയിട്ടുണ്ട്‌. ഗുജറാത്തികളും മാര്‍വാടികളും പഞ്ചാബികളുമാണ്‌ ഹോളി ആഘോഷത്തിനു മുന്‍പന്തിയില്‍ നില്‍ക്കുന്നവരെങ്കിലും മുംബൈ പോലുള്ള നഗരങ്ങളില്‍ ഹോളി ആഘോഷിക്കാത്തവര്‍ തന്നെ ചുരുക്കമാണെന്നു പറയാം. ജാതി മതഭേദമന്യേ ജനങ്ങള്‍ ഹോളി ആഘോഷങ്ങളില്‍ പങ്കുചേരുന്നു. യുവത്വം ഒരു ലഹരി പോലെ ഹോളി ആസ്വദിക്കുന്നു. പരസ്പരം നിറം പുരട്ടുമ്പോള്‍ ശത്രുത അകലുമെന്നതാണ്‌ വിശ്വാസം.

മാര്‍ച്ച്‌ മാസത്തില്‍ പൂര്‍ണചന്ദ്രന്‍ ഉദിക്കുന്ന രാത്രിയില്‍ ഹോളി ആഘോഷം തുടങ്ങുന്നു. പിറ്റേന്നാണ്‌ യഥാര്‍ഥ ഹോളി ദിവസം. ഇത്തവണ മാര്‍ച്ച്‌ 15 നാണ്‌ ഹോളി. ഇന്ത്യയുടെ പല ഭാഗത്തും പല ആചാരങ്ങളാണ്‌ ഹോളിയുമായി ബന്ധപ്പെട്ടുള്ളത്‌.
ഹോളി പണ്ട്‌ കര്‍ഷകരുടെ ആഘോഷമായിരുന്നു. സമൃദ്ധമായ വിളവ്‌ ലഭിക്കാനും മണ്ണിനെ ഫലഭൂയിഷ്ഠമാക്കാനുമായി തുടങ്ങിയ ആഘോഷം. എന്നാല്‍ പിന്നീട്‌ അതു പൂര്‍ണമായും ഹൈന്ദവ വിശ്വാസത്തിന്റെ ഭാഗമായി മാറി.

ഹിന്ദു പുരാണത്തിലുള്ള പ്രഹ്ലാദന്റെ കഥയാണ്‌ ഹോളിയുടെ അടിസ്ഥാനം. വേറെയുമുണ്ട്‌ കഥകള്‍. കൃഷ്ണനും രാധയും തമ്മിലുള്ള പ്രണയം, കാമദേവന്റെ ത്യാഗത്തിന്റെ കഥ അങ്ങനെയങ്ങനെ..ഃഓളിയുടെ വിവിധ ആഘോഷങ്ങളുമായി ഒരോ കഥയ്ക്കും ബന്ധമുണ്ടുതാനും.

എങ്കിലും കൂടുതല്‍ പേരും ഹോളിയുടെ കഥ പ്രഹ്ലാദനുമായി ബന്ധപ്പെട്ടുള്ളതാണെന്നു വിശ്വസിക്കുന്നു. പ്രഹ്ലാദന്റെ പിതാവ്‌ ഹിരണ്യകശ്യപുവിന്റെ സഹോദരിയാണു ഹോളിഗയില്‍ നിന്നാണ്‌ ഹോളി എന്ന പേരു തന്നെ കിട്ടിയതത്രേ.

ഹോളിഗയുടെ കഥ
പ്രഹ്ലാദന്റെ പിതാവ്‌ ഹിരണ്യകശ്യപുവിന്റെ സഹോദരിയായിരുന്നു ഹോളിഗ. മൂന്നു ലോകങ്ങളും കീഴടക്കിയ ഹിരണ്യകശ്യപു അഹങ്കാരെ കൊണ്ടു നിറഞ്ഞു ഭഗവാന്‍ വിഷ്ണുവിനെ വരെ തനിക്കു കീഴടക്കാനാകുമെന്നു വിശ്വസിച്ചു. ആരും വിഷ്ണുവിനെ ആരാധിക്കരുതെന്നും മൂന്നു ലോകത്തിലുമുള്ള സകലരും തന്നെ ആരാധിക്കണമെന്നും ഹിരണ്യകശ്യപു ഉത്തരവിട്ടു. എന്നാല്‍ തന്റെ അഞ്ചുവയസുകാരനായ മകന്‍ പ്രഹ്ലാദനെ മാത്രം അയാള്‍ക്കു ഭയപ്പെടുത്താനായില്ല. തികഞ്ഞ ഈശ്വര വിശ്വാസിയായിരുന്നു പ്രഹ്ലാദന്‍. വിഷ്ണുവിന്റെ ഉത്തമഭക്‌തന്‍. അച്ഛന്റെ ആജ്ഞയെ ധിക്കരിച്ചു പ്രഹ്ലാദന്‍ വിഷ്ണുവിനെ ആരാധിച്ചുകൊണ്ടിരുന്നു. തുടര്‍ന്നു പ്രഹ്ലാദനെ വധിക്കാന്‍ ഹിരണ്യകശ്യപു ഉത്തരവിട്ടു. എന്നാല്‍ വിഷ്ണുവിന്റെ ശക്‌തിയാല്‍ ആര്‍ക്കും അവനെ ഒന്നും ചെയ്യാനായില്ല.

ഒടുവില്‍, ഹിരണ്യകശ്യപു തന്റെ സഹോദരി ഹോളിഗയുടെ സഹായം അഭ്യര്‍ഥിച്ചു. അഗ്നിദേവന്‍ സമ്മാനിച്ച വസ്‌ത്രമണിഞ്ഞാല്‍ അഗ്നിക്കിരയാകില്ലെന്ന വരം ഹോളിഗയ്ക്കു കിട്ടിയിരുന്നു. അവര്‍ പ്രഹ്ലാദനെയും കൈകളിലെടുത്തു അഗ്നിയിലേക്കിറങ്ങി. എന്നാല്‍, ഒറ്റയ്ക്കു തീയിലിറങ്ങിയാല്‍ മാത്രമേ വരത്തിനു ശക്‌തിയുണ്ടാവൂ എന്നവര്‍ മനസിലാക്കിരുന്നില്ല. വിഷ്ണുവിന്റെ അനുഗ്രഹത്താല്‍ പ്രഹ്ലാദന്‍ ചെറിയൊരു പൊള്ളല്‍ പോലും ഏല്‍ക്കാതെ രക്ഷപ്പെട്ടു. ഹോളിഗ തീയില്‍ വെന്തുമരിക്കുകയും ചെയ്‌തു. ഹിരണ്യകശ്യപുവിനെ പിന്നീട്‌ വിഷ്ണുവിന്റെ അവതാരമായ നരസിംഹം കൊലപ്പെടുത്തി.
തിന്മയുടെ മേല്‍ നന്മ വിജയം നേടിയത്‌ ആഘോഷിക്കാന്‍ ഹോളിയുമായി ബന്ധപ്പെട്ടു ഹോളിഗയെ കത്തിക്കുന്ന ചടങ്ങുണ്ട്‌.

കാമദേവന്റെ ത്യാഗം
പരമശിവനുമായി ബന്ധപ്പെട്ടാണ്‌ ഹോളിയുടെ മറ്റൊരു കഥയുള്ളത്‌. ബ്രഹ്മാവിന്റെ മകനായിരുന്ന ദക്ഷന്റെ മകളായ സതി ശിവന്റെ ഭാര്യയായിരുന്നു. ഒരിക്കല്‍, ദക്ഷന്‍ തന്റെ കൊട്ടാരത്തില്‍ വലിയൊരു യാഗം നടത്തി. എന്നാല്‍ മകളെയും ഭര്‍ത്താവായ ശിവനെയും യാഗത്തെ പറ്റി അറിയിച്ചില്ല. തന്റെ അച്ഛന്റെ കൊട്ടാരത്തില്‍ നടക്കുന്ന യാഗത്തെ കുറിച്ചു കേട്ടറിഞ്ഞ്‌ സതി ശിവന്റെ അനുവാദമില്ലാതെ യാഗസ്ഥലത്ത്‌ എത്തി. എന്നാല്‍ അവിടെ തന്റെ ഭര്‍ത്താവിനെ അപമാനിക്കുന്നതായി സതിക്കു തോന്നി. ശിവന്റെ അനുവാദമില്ലാതെ യാഗസ്ഥലത്ത്‌ എത്തി അപമാനിതയായതില്‍ മനംനൊന്ത്‌ സതി യാഗാഗ്നിയില്‍ ചാടി മരിച്ചു. ഇതറിഞ്ഞ ശിവന്‍ കോപത്താല്‍ വിറച്ച്‌ തന്റെ ഭൂതഗണങ്ങളെ അയച്ചു യാഗവേദി മുഴുവന്‍ നശിപ്പിച്ചു.
എന്നിട്ടും കോപം തീരാതെ ശിവന്‍ കഠിനമായ തപസ്‌ ആരംഭിച്ചു. തപസിന്റെ ശക്‌തിയാല്‍ ലോകം തന്നെ നശിക്കുമെന്നു മനസിലാക്കിയ ദേവന്‍മാര്‍ കാമദേവനെ സമീപിച്ചു ശിവന്റെ തപസ്‌ മുടക്കാന്‍ അപേക്ഷിച്ചു. സതിയുടെ പുനര്‍ജന്മമായ പാര്‍വതി ശിവനെ പ്രീതിപ്പെടുത്താനായി അദ്ദേഹത്തെ ശുശ്രൂക്ഷിച്ചു വരികയായിരുന്നു. ശിവന്റെ തപസ്‌ നടക്കുന്ന സ്ഥലത്ത്‌ എത്തി മറഞ്ഞിരുന്ന്‌ കാമദേവന്‍ കാമാസ്‌ത്രം ശിവന്റെ നേരെ തൊടുത്തു. ക്ഷുഭിതനായ ശിവന്‍ തന്റെ തൃക്കണ്ണ്‌ തുറന്ന്‌ കാമദേവനെ ഭസ്മമാക്കി. പിന്നീട്‌ തെറ്റുമനസിലാക്കിയ ശിവന്‍ കാമദേവനു അനശ്വരത്വം നല്‍കുകയും ചെയ്‌തു.
ലോകത്തിന്റെ രക്ഷയ്ക്കു വേണ്ടി തന്റെ തന്നെ ജീവിതം സമര്‍പ്പിച്ച കാമദേവന്റെ സ്മരണയില്‍ ഹോളിയുടെ നിരവധി ആചാരങ്ങളുണ്ട്‌.

രാധാ-കൃഷ്ണ പ്രണയകാലം
ഭഗവാന്‍ കൃഷ്ണനും ഗോപസ്‌ത്രീയായ രാധയുമായി ബന്ധപ്പെട്ടാണ്‌ ഹോളിയുടെ മറ്റൊരു കഥ. ബാലനായ കൃഷ്ണന്‍ തനിക്കു മാത്രം കാര്‍മേഘത്തിന്റെ നിറം എങ്ങനെ ലഭിച്ചുവെന്നു വളര്‍ത്തമ്മയായ യശോധയോടു ചോദിച്ചു. രാധയും മറ്റു ഗോപസ്‌ത്രീകളും വെളുത്തു സുന്ദരികളായി ഇരിക്കുന്നതെന്തു കൊണ്ടാണെന്നായിരുന്നു കൃഷ്ണന്‌ അറിയേണ്ടത്‌. യശോധ കൃഷ്ണനു ഒരു ഉപായം പറഞ്ഞുകൊടുത്തു. രാധയുടെ ദേഹത്ത്‌ കൃഷ്ണനു ഇഷ്ടമുള്ള നിറങ്ങള്‍ കലക്കിയൊഴിക്കുക എന്നതായിരുന്നു അത്‌. കൃഷ്ണന്‍ അങ്ങനെ ചെയ്‌തു.
ഹോളിയില്‍ നിറങ്ങള്‍ വാരിവിതറുന്നത്‌ കൃഷ്ണന്റെ ഈ കഥയുമായി ബന്ധപ്പെട്ടിരിക്കുന്നുവെന്നാണ്‌ വിശ്വാസം.

കടപ്പാട്‌ : മനോരമ ഓണ്‍ലൈന്‍

ജീ. ദേവരാജന്‍ - മോഹനരാഗത്തില്‍ 32 പാട്ടുകള്‍

ജീ. ദേവരാജന്‍ - മോഹനരാഗത്തില്‍ 32 പാട്ടുകള്‍

വിജയരാഗങ്ങളായിരുന്നു ദേവരാജന്‍ മാഷിനു എന്നും പ്രിയം. അത്‌ അദ്ദേഹം തുറന്നു പറഞ്ഞു . 96 രാഗങ്ങളില്‍ അദ്ദേഹം പാട്ടുകള്‍ ചിട്ടപ്പെടുത്തിയിട്ടുണ്ട്‌. അതില്‍ തന്നെ മോഹന രാഗത്തിലായിരുന്നു 32 പാട്ടുകള്‍. പക്ഷേ ഒരു പാട്ടിനും തമ്മില്‍ ബന്ധമുണ്ടാകാതെ വ്യത്യസ്‌തത പുലര്‍ത്താന്‍ ദേവരാജന്‍ മാഷിലെ സംഗീതപ്രതിഭയ്ക്കു സാധിച്ചിരുന്നു എന്നതിന്‌ കാലം സാക്ഷി യാണ്‌. രാഗങ്ങളുടെ നദിയിലൂടെ അദ്ദേഹം പൂര്‍ണതയിലേക്കു സഞ്ചരിച്ചു. ഒരു രാഗത്തിന്റെ സാധ്യതയെ പൂവിടരലാക്കി. രാഗത്തെ കേള്‍വിക്കാരനു തൊടാന്‍ കഴിയുന്ന അരികിലാക്കി. സ്വയം ഒരു ദേവരാഗവുമായി..

ഇഷ്ടഗാനം: 'തൊട്ടേനേ ഞാന്‍..
'കൊട്ടാരം വില്‍ക്കാനുണ്ട്‌ എന്ന ചിത്രത്തിലെ 'തൊട്ടേനേ ഞാന്‍ മനസ്സുകൊണ്ട്‌.. എന്ന ഗാനമാണു തനിക്ക്‌ ഏറ്റവും പ്രിയപ്പെട്ടതെന്നു ദേവരാജന്‍ സ്വകാര്യ സംഭാഷണങ്ങളില്‍ പറഞ്ഞിരുന്നതായി പ്രമുഖ കാരിക്കേച്ചര്‍ കലാകാരനും സംഗീതാന്വേഷകനുമായ ജയരാജ്‌ വാരിയര്‍ ഓര്‍ക്കുന്നു. "പാട്ടിന്റെ ദേവരാഗം പോയി-അര്‍ധരാത്രിക്കു ശേഷം ഞെട്ടിച്ച ആ വാര്‍ത്തയുടെ ഹൃദയഭേദകമായ ഈണം മനസ്സില്‍ നിറച്ചുകൊണ്ടു ജയരാജ്‌ പറഞ്ഞു.

ഭരത്‌ ഗോപി സംവിധാനം ചെയ്‌ത 'ഉല്‍സവപ്പിറ്റേന്ന്‌, ജേസിയുടെ 'നീയെത്ര ധന്യ, ഗോപിയുടെ തന്നെ 'യമനം തുടങ്ങിയവയാണു ദേവരാജന്‍ സംഗീതം നല്‍കിയ അവസാന ചലച്ചിത്രങ്ങള്‍. 'ഉല്‍സവപ്പിറ്റേന്നിലെ 'പുലരിത്തൂമഞ്ഞു തുള്ളിയില്‍.. എന്ന ഗാനമാണെന്നു പറയാം അദ്ദേഹത്തിന്റെ മധുരസംഗീത ശേഖരത്തിലെ അവസാന തുള്ളികളിലൊന്ന്‌. പക്ഷേ, അവസാനിക്കാത്ത നാദധാരയായി മലയാളി ഹൃദയങ്ങള്‍ ദേവരാജന്റെ ദേവരാഗങ്ങള്‍ ഓരോന്നും ഹൃദയത്തിലേറ്റുന്നു, കാറ്റില്‍ ഇളംകാറ്റില്‍ ഒഴുകിവരും ഗാനം പോലെ....

മധുരിക്കും ഓര്‍മകളേ..
ഓര്‍മകളുടെ മധുരിക്കുന്ന മലര്‍മഞ്ചലിലാണു ദേവരാജന്റെ ഓരോ നാടകഗാനത്തെയും മലയാളി കിടത്തിയിരിക്കുന്നത്‌. സ്മരണകളുടെ പുഷ്പമഞ്ചത്തില്‍നിന്ന്‌ ഒരിക്കലും മറക്കാതെ സൂക്ഷിക്കാവുന്ന ഒരുപിടി നാടകഗാനങ്ങളിതാ.
തുഞ്ചന്‍ പറമ്പിലെ തത്തേ,
പൊന്നരിവാളമ്പിളിയില്‌ കണ്ണെറിയുന്നോളേ,
വെള്ളാരംകുന്നിലെ പൊന്‍മുളംകാട്ടിലെ,
മാരിവില്ലിന്‍ തേന്‍മലരേ,
മാമ്പൂക്കള്‍ പൊട്ടിവിരിഞ്ഞു,
ചെപ്പുകിലുക്കണ ചങ്ങാതി,
ചക്കരപ്പന്തലില്‍ തേന്‍മലര്‍ ചൊരിയും,
എന്തിനു പാഴ്ശ്രുതി,
മധുരിക്കും ഓര്‍മകളേ,
വരിക ഗന്ധര്‍വഗായകാ വീണ്ടും.
ഒരു നോട്ടീസും ഒരു പാട്ടുപുസ്‌തകവും ഒരായിരം ഹൃദയങ്ങളിലെ വികാരവുമായി നാടകഗാനങ്ങളെ മലയാളി സ്വന്തമാക്കിയതു ദേവരാജന്റെയും ഒ.എന്‍.വിയുടെയും കൂട്ടുകെട്ടില്‍ വിരിഞ്ഞ മധുരമനോജ്ഞച്ചിന്തുകളിലൂടെയാണ്‌. ദേവസംഗീതത്തിന്റെ നാള്‍വഴിയിലെ ആദ്യ കുസുമങ്ങള്‍ ഇവിടെ സൌരഭ്യം വിതറിക്കിടക്കുന്നു.

പൂവണിഞ്ഞ സ്വപ്നം
ജി. ദേവരാജന്റെ ജീവിതത്തിലെ ഏറ്റവും വലിയ സ്വപ്നമായിരുന്നു ഷഡ്കാല പല്ലവി അവതരണം. അദ്ദേഹത്തിന്റെ 75-ാ‍ം പിറന്നാള്‍ ആഘോഷത്തോടനുബന്ധിച്ച്‌ എറണാകുളത്തു 2002 സെപ്റ്റംബര്‍ എട്ടിനായിരുന്നു ഒന്നാമത്തെ പല്ലവി അവതരണം.
രണ്ടു വര്‍ഷം മുന്‍പു ജന്‍മനാട്ടില്‍ ഷഡ്കാല പല്ലവി അവതരിപ്പിക്കാന്‍ ഏറെ ആഗ്രഹിച്ചെങ്കിലും പാട്ടുകാരന്‍ സമയത്തു വരാതിരുന്നതിനാല്‍ നടന്നില്ല. എന്നാല്‍, കഴിഞ്ഞ വര്‍ഷം നിറഞ്ഞ സദസ്സിനു മുന്നില്‍ കടപ്പാക്കട സ്പോര്‍ട്സ്‌ ക്ലബ്ബില്‍ ഷഡ്കാല പല്ലവി വീണ്ടും അവതരിപ്പിക്കപ്പെട്ടു.

ജി. ദേവരാജന്‍: അഞ്ജലി

ജി. ദേവരാജന്‍: അഞ്ജലി

നിത്യം, ഈ ദേവരാഗം
പാട്ടില്ലാത്തൊരു ജീവിതം ശരാശരി മലയാളിക്ക്‌ സങ്കല്‍പ്പിക്കാനാവില്ല. ശ്വാസത്തിന്റെ താളം പോലെ അയാള്‍ ചിലപ്പോള്‍ ചില ഗാനങ്ങളെ സ്നേഹിക്കുന്നു. ജീവിതത്തില്‍നിന്നു വേറിട്ടുനിറുത്താനാവില്ല അയാള്‍ക്കാ പാട്ടുകളെ. അപ്പോഴും അത്യധികം സ്വകാര്യമാണീ ഇഷ്ടങ്ങള്‍; വ്യക്‌തിപരവും. പലരുടെയും ഒാ‍ര്‍മയിലും ഇഷ്ടത്തിലും എപ്പോഴുമുള്ള കുറെ പാട്ടുകള്‍ തന്നിട്ടുണ്ട്‌ ജി. ദേവരാജന്‍ . മലയാളിയുടെ ഓ‍ര്‍മയുടെയും ഇഷ്ടത്തിന്റെയും പാട്ടുകാരന്‍. പാട്ടിനോടൊപ്പം പാട്ടിനീണമിട്ടയാളും ചരിത്രത്തിലെത്തുന്നതെങ്ങനെയെന്ന്‌ സ്വജീവിതം കൊണ്ട്‌ ദേവരാജന്‍ കാട്ടിത്തന്നു.

എത്രയെത്ര പാട്ടുകള്‍. എത്രയെത്ര ഭാവപ്രകാശങ്ങള്‍. എത്രയെത്ര കേള്‍വിയനുഭവങ്ങള്‍. മലയാളി കേട്ട ഏറ്റവും മനോഹരമായ പാട്ടുകളിലൊന്നിന്റെ പേരാണ്‌ ദേവരാജന്‍. നമ്മുടെ ഒാ‍ര്‍മയും സ്വപ്നവും ഗൃഹാതുരതയും ചാലിച്ച ഒരു സുന്ദരഗാനം..കേട്ടുകൊണ്ടേയിരിക്കാം. ഈ നല്ല പാട്ടുകള്‍ പിറന്ന ഒരു കാലത്തെ ജന്മം കൊണ്ടു പങ്കുവയ്ക്കാനായതില്‍ സന്തോഷിക്കാം.

ദേവരാജന്‍ എന്നും അജയ്യനായിരുന്നു. തെ‍ന്‍റ മനസ്സില്‍ രാഗങ്ങള്‍ ഒഴുകിയെത്തും പോലെ ചിന്തകളും അദ്ദേഹത്തിന്‌ ലോകത്തെ അറിയിക്കാന്‍ മുഖംമൂടികളില്ലായിരുന്നു. എന്തും തുറന്നു പറയുന്ന പ്രകൃതം.

ചില മൊഴികള്‍ :

'മൊത്തം 337 ചിത്രങ്ങള്‍ക്ക്‌ ഞാന്‍ സംഗീതസംവിധാനം നല്‍കിയതാണ്‌. എന്നിട്ട്‌ ഈ കാശൊക്കെ എവിടെപ്പോയെന്നാവും നിങ്ങളുടെ ചിന്ത. കൃത്യമായി പ്രതിഫലം കിട്ടിയിരുന്നെങ്കില്‍ ഞാന്‍ ബംഗാവു വച്ച്‌ കഴിഞ്ഞേനെ. ചില പാവങ്ങളായ നിര്‍മാതാക്കള്‍ കാശ്‌ തന്നു. ഓരോ കട്ടയായി വച്ച്‌ നാലു വര്‍ഷംകൊണ്ടാണ്‌ ഞാന്‍ ഒടുവില്‍ വീടു തീര്‍ത്തത്‌. ജീവിതത്തില്‍ എനിക്കിങ്ങനെ അബദ്ധങ്ങളേ പറ്റിയിട്ടുള്ളൂ
'കൊട്ടാരക്കരയില്‍ ഒരിക്കല്‍ പോയപ്പോള്‍ എനിക്കു വച്ചിരുന്ന ചോറ്‌ കാക്ക കൊത്തി. കാക്കയില്‍നിന്ന്‌ തട്ടിപ്പറിച്ചാണ്‌ ഒടുവില്‍ ആ ചോറെനിക്കു മടക്കിത്തന്നത്‌. ഇങ്ങനെ ജീവിതത്തിലാകെ തട്ടിപ്പറിച്ചു നല്‍കിയ അവസരങ്ങളായിരുന്നു ഏറെയും. അവിടെനിന്നാണ്‌ എല്ലാം ചെയ്‌തത്‌.

'ഞാന്‍ സംഗീതസംവിധാനം ചെയ്‌ത 31 ചിത്രങ്ങള്‍ക്കു പ്രതിഫലം തരാത്ത നിര്‍മാതാവ്‌ ഇന്നും ചെന്നൈയില്‍ വെള്ളയും വെള്ളയുമിട്ട്‌ സിഗററ്റും വലിച്ച്‌ മിടുക്കനായി ജീവിക്കുന്നുണ്ട്‌. കാശ്‌ തരാതിരുന്നിട്ടും ഞാന്‍ പിന്നെയും എന്തിന്‌ ചെയ്‌തു എന്നു ചോദിച്ചാല്‍ എനിക്കുത്തരമില്ല. പക്ഷേ, നല്ലതു ചെയ്യരുത്‌. ദ്രോഹമാണു നല്ലത്‌ എന്ന്‌ ഈ അനുഭവങ്ങള്‍ എന്നെ പഠിപ്പിച്ചു.

"സിനിമയിലേക്ക്‌ ഇനിയില്ല. എന്നെ വേണ്ടെന്ന്‌ അവര്‍ക്ക്‌ തോന്നിയിട്ടുണ്ടാവും ഇനി വിളിച്ചാലും പോവില്ല. എനിക്കതില്‍ താല്‍പര്യമില്ല കെ. പി. എ. സിയുടെ ഏതെങ്കിലും പുതിയ നാടകമുണ്ടെങ്കില്‍ അതിന്‌ സംഗീതം പകരാന്‍ താന്‍ തയാറാണ്‌. '

'പുതിയ സിനിമകള്‍ ടെലിവിഷനില്‍ പോലും കാണാറില്ല. അവയിലെ ഗാനങ്ങള്‍ നല്ലതാണോ ചീത്തയാണോ എന്ന്‌ അക്കാരണത്താല്‍ തന്നെ അഭിപ്രായം പറയാനും കഴിയില്ല. ഇപ്പോഴത്തെ സംഗീതസംവിധായകരുടെ നിരയില്‍ ജോണ്‍സന്റെ ഗാനങ്ങള്‍ മാത്രമെ കേട്ടിട്ടുള്ളൂ. ഗായകരെക്കുറിച്ചും അഭിപ്രായം പറയാന്‍ കഴിയില്ല ' .
'ഗായിക എന്ന നിലയ്ക്ക്‌ പി. സുശീലയ്ക്ക്‌ ഏറെ അവസരങ്ങള്‍ നല്‍കിയിരുന്നു. 'ജാനകി വളരെ നല്ല സ്‌ത്രീയാണ്‌ '

'പഴയ ഗാനങ്ങളെ വികലമായി അവതരിപ്പിക്കരുത്‌. ഗാനങ്ങളുടെ ഉടമസ്ഥവിതരണാവകാശമുള്ളവര്‍ അവ വാണിജ്യ ആവശ്യങ്ങള്‍ക്ക്‌ ഉപയോഗിക്കുമ്പോള്‍ തങ്ങളില്‍ നിന്നു കൂടി അനുവാദം വാങ്ങണം. ഗാനം സൃഷ്ടിച്ച ആളുകള്‍ വെറുതെ വീട്ടിലിരിക്കുന്നു. അവര്‍ (വിതരണാവകാശമുള്ളവര്‍) മാളികകള്‍ നിര്‍മിക്കുന്നു '

ജി. ദേവരാജന്‍ സംഗീതം നല്‍കിയ ആദ്യ ചിത്രത്തിന്റെ പേരു തന്നെ അദ്ദേഹത്തിന്റെ സംഗീതസംഭാവനയുടെ ചരിത്രത്തിലേക്കുള്ള ദിശാസൂചിയാണ്‌-കാലം മാറുന്നു. 1955 ല്‍ തുടങ്ങിയ ആ ചലച്ചിത്രഗാന സപര്യ അര നൂറ്റാണ്ടു കടന്നെത്തി. 'പൊന്നരിവാളമ്പിളിയില്‍ കണ്ണെറിയുന്നോളേ.. എന്ന ദേവരാജന്റെ ആദ്യഗാനം മുഴങ്ങിക്കേട്ടതു കൊല്ലം എസ്‌.എന്‍. കോളജിലാണ്‌. എ.കെ.ജിക്കു നല്‍കിയ സ്വീകരണ മായിരുന്നു വേദി. നിത്യസതീര്‍ഥന്‍ ഒ.എന്‍.വി. കുറുപ്പിന്റെ രചനയ്ക്കു ദേവരാജന്റെ ആദ്യ ഈണം. പിന്നീടു 'നിങ്ങളെന്നെ കമ്യൂണിസ്റ്റാക്കി എന്ന നാടകത്തിലൂടെ ഈ ഗാനം അനശ്വരമായി.

ദേവരാജന്റെ ചലച്ചിത്രസംഗീതലോകത്തേക്കുള്ള കടന്നുവരവിന്റെ രണ്ടാം വര്‍ഷം തന്നെ മാന്ത്രികമായ ആ കൂട്ടുകെട്ടു പിറന്നു. 'ചതുരംഗത്തിലൂടെ തുടക്കമിട്ട ദേവരാജന്‍-വയലാര്‍ സഖ്യം 121 സിനിമകളിലേക്കു നീണ്ടു. 'വാസന്തരാവിന്റെ വാതില്‍ തുറന്നു.. വന്ന ആ ഗാനസൌരഭ്യം മലയാളി ഉള്ളിടത്തോളം മായില്ല, മറയില്ല.
1962 ലാണു ദേവരാജന്‍ മലയാള ചലച്ചിത്ര സംഗീതത്തിലെ ചക്രവര്‍ത്തി സ്ഥാനം ഉറപ്പിക്കുന്നത്‌. നഗരം കാണാത്ത, നാണം മാറാത്ത മലയാള ഗാനത്തെ 'ഭാര്യ എന്ന ചിത്രത്തിലെ പടുകൂറ്റന്‍ ഹിറ്റുകളിലൂടെ അദ്ദേഹം തിരശ്ശീലയ്ക്കു പുറത്തേക്കു കൊണ്ടുവന്നു. 'പെരിയാറേ.., 'പഞ്ചാരപ്പാലുമിഠായി.., 'മുള്‍ക്കിരീടമിതെന്തിനു നല്‍കീ.., 'കണ്ണുനീര്‍മുത്തുമായ്‌.. എന്നീ ഗാനങ്ങള്‍ ആരു മറക്കും?

പാട്ടിന്റെ പഞ്ചാരപ്പാലുമിഠായി കൊടുത്തു ദേവരാജന്‍ കൊണ്ടുവന്ന ചെറുപ്പക്കാരനാണു യേശുദാസ്‌. 1961 ല്‍ ചലച്ചിത്ര ലോകത്തെത്തി 62 ല്‍തന്നെ ദേവരാജന്റെ ഈണത്തില്‍ പാടാന്‍ ഭാഗ്യം സിദ്ധിച്ച ദാസ്‌, ദേവരാജന്‍ സംഗീതമിട്ട 12 ചിത്രങ്ങളൊഴികെ എല്ലാത്തിലും പാടി. 63 ല്‍ 'നിത്യകന്യകയിലെ 'കണ്ണുനീര്‍മുത്തുമായ്‌.. എന്ന ഗാനം ദാസിന്റെ ശബ്ദം മലയാളി മനസ്സുകളിലെ നിത്യസാന്നിധ്യമാക്കി. ഗാനവേദികളില്‍ യേശുദാസിന്റെ സ്ഥിരം തുടക്ക ഗാനമായ 'ഇടയകന്യകേ പോവുക നീ..യും ദേവരാജന്റെ ഈണം തന്നെ. 66 ല്‍ 'കളിത്തോഴനിലെ 'മഞ്ഞലയില്‍ മുങ്ങിത്തോര്‍ത്തി.. വന്ന ശബ്ദമായി പി. ജയചന്ദ്രനെ അവതരിപ്പിച്ചതും ദേവരാജന്‍ തന്നെ.

പ്രിയ ചങ്ങാതിയുടെ വരികള്‍ക്കിട്ട ഈണം തന്നെയാണു മലയാളത്തിലെ ആദ്യ സംസ്ഥാന ചലച്ചിത്ര അവാര്‍ഡും ദേവരാജനും നേടിക്കൊടുത്തത്‌. ഒ.എന്‍.വിയുടെ വരിയില്‍ 'കുമാരസംഭവത്തിനു വേണ്ടി ദേവരാജന്‍ സംഗീതം നല്‍കിയ 'പൊല്‍ത്തിങ്കള്‍ക്കല പൊട്ടുതൊട്ട ഹിമവല്‍ശെയിലാദൃ സാനുക്കളില്‍.. എന്ന ഗാനം 69 ലെ സംസ്ഥാന അവാര്‍ഡ്‌ നേടി. 'കളിയോടത്തിലെ 'മാതളമലരേ.., 'കാട്ടുപൂക്കളിലെ 'മാണിക്യവീണ.. തുടങ്ങി 'നീയെത്ര ധന്യ വരെയുള്ള ചലച്ചിത്രങ്ങള്‍... , 'ഒന്നിനി ശ്രുതി താഴ്ത്തി പാടുക പൂങ്കുയിലേ.. വരെയുള്ള ലളിതഗാനങ്ങള്‍-ഒരിക്കലും പിരിയാത്ത സംഗീത കൂട്ടുകെട്ടിന്റെ അസുലഭ സംഭാവനകള്‍.

"അരികില്‍ നീ ഉണ്ടായി രുന്നെങ്കില്‍... ദശാബ്ദ ങ്ങള്‍ക്കും ശതവര്‍ഷ ങ്ങള്‍ക്കും ശേഷം മലയാള സിനിമ ജി. ദേവരാജനു വേണ്ടി ഇങ്ങനെ കേഴും. 'നീയെത്ര ധന്യയിലെ ഈ‍ ഗാനത്തിന്റെ ആദ്യവാക്കായ 'അരികില്‍ എന്ന ഒറ്റ വാക്കിനായ്‌ വേദവരാജന്‍ നടത്തിയ സംഗീത ധ്യാനത്തിന്‌ ഒരാഴ്ച ദൈര്‍ഘ്യമുണ്ടായിരുന്നു. ഒരു ദേവരാജ ഗാനത്തിലെങ്കിലും നീരാടിപ്പോകാത്ത മലയാളി മനസുണ്ടോ? ദക്ഷിണാ മൂര്‍ത്തിയും കെ.രാഘവനും ബാബുരാജിനും ഒപ്പമാണ്‌ ദേവരാജന്‍ മലയാള ചലച്ചിത്ര ഗാനസാമ്രാജ്യത്തിലേക്ക്‌ എത്തുന്നത്‌.

ഒരേ സമയം ദക്ഷിണാമൂര്‍ത്തിയുടെ ശാസ്‌ത്രീയ സംഗീത ഗാംഭീര്യവും കെ.രാഘവന്റെ നാടോടിപ്പാട്ടുകളുടെ തെളിമയും ബാബുരാജിന്റെ ഹിന്ദുസ്ഥാനി മാധുര്യവും അദ്ദേഹത്തില്‍ ഒത്തിണങ്ങി വന്നു. മാണിക്യവീണയുമായെന്‍, സ്വര്‍ഗപുത്രീ നവരാത്രീ, സന്യാസിനീ നിന്‍ പുണ്യാശ്രമത്തില്‍, ഒാ‍രോ തുള്ളിച്ചോരയില്‍ നിന്നും, കാറ്റടിച്ചു കൊടുങ്കാറ്റടിച്ചു, കൈതപ്പുഴ ക്കായലിലെ, റംസാനിലെ ചന്ദൃകയോ, ചെത്തിമന്ദാരം തുളസി, ഉണ്ണിക്കൈ വളരൂ, ഇന്നെനിക്ക്‌ പൊട്ടുകുത്താന്‍, സമയമാം രഥത്തില്‍, തേടിവരും കണ്ണുകളില്‍, കിനാവിന്റെ കുഴിമാടത്തില്‍, മംഗളം നേരുന്നു ഞാന്‍, ആകാശങ്ങളിലിരിക്കും, ഇനിയെന്റെ ഇണക്കിളിക്കെന്തു വേണം, അമ്പലക്കുളങ്ങര, അമ്മേ അമ്മേ അമ്മേ നമ്മുടെ അമ്പിളി അമ്മാവന്‍, വണ്ടി വണ്ടീ നിന്നെപ്പോലെ, പത്മരാഗപ്പടവുകള്‍, പ്രാണനാഥനെനിക്കു നല്‍കിയ, മുള്‍ക്കിരീടമിതെന്തിനു നല്‍കി, ശംു‍പുഷ്പം കണ്ണെഴുതുമ്പോള്‍, പത്മതീര്‍ഥമേ ഉണരൂ, പെരിയാറേ, പതിനാലാം രാവുദിച്ചത്‌, താഴംപൂ മണമുള്ള, കല്യാണീ കളവാണീ, പൊല്‍ത്തിങ്കള്‍ക്കല, കല്‍പനയാകും യമുനാനദിയുടെ, കറുത്ത പെണ്ണേ കരിങ്കുഴലീ, ഇടയകന്യകേ, കസ്‌തൂരി തെയിലമിട്ട്‌, നാദബ്രഹ്മത്തിന്‍, ഒാ‍മലാളേ കണ്ടൂ ഞാന്‍, പ്രിയ സഖി ഗംഗേ, രാജശില്‍പീ, ഹൃദയേശ്വരീ, കായാമ്പൂ, പൂവും പ്രസാദവും, ആയിരം പാദസരങ്ങള്‍, എല്ലാരും ചൊല്ലണ്‌, ഒന്നിനി ശ്രുതി താഴ്ത്തി, വാസന്തരാവിന്റെ, കാറ്റേ വാ കടലേ വാ, മഞ്ഞലയില്‍ മുങ്ങിത്തോര്‍ത്തി , ദേവദാരു പൂത്ത, ഉജ്ജയിനിയിലെ ഗായിക, ഈകടലും മറുകടലും തുടങ്ങിയ അദ്ദേഹത്തിന്റെ വൈവവിധ്യമാര്‍ന്ന ഗാനശേരം മലയാളിയുടെ സംഗീതപാരമ്പര്യത്തിന്റെ ആസ്‌തിയാണ്‌. വയലാര്‍-ദേവരാജന്‍ ടീമിന്റെ ഒന്നിച്ചുള്ള ഗാനങ്ങളുടെ എണ്ണം ഇനിയും തകര്‍ക്കപ്പെടാത്ത റെക്കോഡാണ്‌.

നിങ്ങളെന്നെ കമ്യൂണിസ്റ്റാക്കി, സര്‍വേക്കല്ല്‌, മുടിയനായ പുത്രന്‍, പുതിയ ആകാശം പുതിയ ഭൂമി, ഡോക്ടര്‍, കതിരുകാണാക്കിളി തുടങ്ങിയ നാടകങ്ങള്‍ക്കു വേണ്ടി അദ്ദേഹം ചിട്ടപ്പെടുത്തിയ ഗാനങ്ങള്‍ നാടകഗാനങ്ങളുടെ മുഖഛായ തന്നെ മാറ്റി. പൊന്നരിവാളമ്പിളിയില്‍ കണ്ണെറിയുന്നോളേ, ഇല്ലിമുളം കാടുകളില്‍, പാല്‍ക്കുടമൊക്കത്തേന്തിക്കൊണ്ടേ, അമ്പിളി അമ്മാവാ മാനത്തെ കുമ്പിളിലെന്തുണ്ട്‌, പാമ്പുകള്‍ക്ക്‌ മാളമുണ്ട്‌, മധുരിക്കും ഓര്‍മകളേ, ചക്കരപ്പന്തലില്‍ തേന്‍മഴ ചൊരിയും, തലയ്ക്കുമമീതെ ശൂന്യാകാശം..ഠുടങ്ങി കെ.പി.എ.സി.സുലോചനയും കെ.എസ്‌.ജോര്‍ജും എ.പി.കോമളയും സി.ഒ.ആന്റോയും പാടിയ പാട്ടുകള്‍ സുപ്രസിദ്ധങ്ങളായിത്തീര്‍ന്നു. ഇൌ‍ മനോഹരതീരത്തു തരുമോ ഇനിയൊരു ജന്മം കൂടി എന്നു ചോദിച്ചുകൊണ്ടായിരിക്കും അദ്ദേഹം നാദബ്രഹ്മത്തിന്റെ സാഗരം കടന്നുപോയിരിക്കുക.

ഇന്നെനിക്കു പൊട്ടുകുത്താന്‍..
സ്വന്തം ലേഖകന്‍ 'ഗുരുവായൂര്‍ കേശവന്‍ എന്ന സിനിമ ഇന്നും നിങ്ങളുടെ ഒാ‍ര്‍മയില്‍ തുമ്പിക്കൈയുയര്‍ത്തുന്നതെന്തുകൊണ്ട്‌? മലയാളത്തിലെ ഏറ്റവും മികച്ച ഗാനങ്ങളിലൊന്ന്‌ ഈ സിനിമയിലേതാണെന്നതുതന്നെ പ്രധാന കാരണം. 'ഇന്നെനിക്കു പൊട്ടുകുത്താന്‍ സന്ധ്യകള്‍ ചാലിച്ച സിന്ദൂരം എന്നു തുടങ്ങി, ഉയര്‍ന്നുയര്‍ന്ന്‌ ആകാശം തൊടുന്ന ആ പാട്ട്‌ മലയാളിയുടെ അഭിമാനമാണ്‌. സ്വകാര്യ അഹങ്കാരമാവുമാണ്‌.

ഒരു ഗായിക പാടിയ ഏറ്റവും മനോഹരഗാനമാണത്‌. ആ പാട്ടുകാരിയെ ഗാനചരിത്രത്തിലെത്തിച്ച പാട്ട്‌. ഇനി ഫ്‌ളാഷ്ബാക്ക്‌: വളരെ മുന്‍പാണ്‌. ജി. ദേവരാജന്റെ മദ്രാസിലെ വീട്‌. ഒരു ദിവസം രാവിലെ വാതില്‍ക്കല്‍ നീണ്ടുമെലിഞ്ഞൊരു തമിഴ്പെണ്‍കുട്ടി. അവള്‍ക്കു മലയാള സിനിമയില്‍ പാടണം. ' മലയാളം എഴുതാനും വായിക്കാനുമറിയാമോ? ദേവരാജന്‍ ചോദിച്ചു. അവള്‍ ഇല്ലെന്നു തലകുലുക്കി. ' പിന്നെയെങ്ങനെ പാടും? പെണ്‍കുട്ടി മറുപടി പറഞ്ഞില്ല.

' പോയി മലയാളം പഠിച്ചിട്ടു വാ. മലയാളം പഠിച്ചിട്ട്‌ സ്വന്തം കൈപ്പടയില്‍ എനിക്കെഴുത്‌. അന്നാലോചിക്കാം. വീടിന്റെ വാതിലടഞ്ഞു. പാട്ടുകാരിയാവാന്‍ വന്നവള്‍ തിരിച്ചുനടന്നു. മാസങ്ങള്‍ കഴിഞ്ഞപ്പോള്‍ ദേവരാജന്‍ മാസ്റ്റര്‍ക്കൊരു കത്തുകിട്ടി. പഴയ പാട്ടുകാരി പെണ്‍കുട്ടിയുടേത്‌. സ്വന്തം കയ്യക്ഷരത്തില്‍ അവള്‍ മലയാളത്തിലെഴുതിയ കത്ത്‌. അങ്ങനെ പി. മാധുരി മലയാളത്തിലൊരു പാട്ടുപാടി. മലയാളി പിന്നീടൊരുകാലം പാടിയ ആ പാട്ട്‌: കസ്‌തൂരിത്തെയിലമിട്ടു മുടിമിനുക്കി.. ചിത്രം: കടല്‍പാലം.

'കടല്‍പാലംതൊട്ട്‌ 'ഊട്ടിപ്പട്ടണം വരെയുള്ള സിനിമകള്‍ക്കുവേണ്ടി അയ്യായിരത്തോളം പാട്ടുകള്‍. ആ സ്വരം മലയാളിയുടെ നൊസ്റ്റാള്‍ജിയയുടെ ഒരു അടരായി.
ഇന്നെനിക്കു പൊട്ടുകുത്താന്‍, കല്യാണി കളവാണി ( അനുഭവങ്ങള്‍ പാളിച്ചകള്‍), പ്രിയസഖി ഗംഗേ (കുമാരസംഭവം), ചന്ദ്രകളഭം( കൊട്ടാരം വില്‍ക്കാനുണ്ട്‌), ഏഴരപൊന്നാന (അക്കരപച്ച), അമ്പാടി തന്നിലൊരുണ്ണി (ചെമ്പരത്തി), പ്രാണനാഥനെനിക്കു നല്‍കിയ (ഏണിപ്പടികള്‍), താളത്തില്‍ താളത്തില്‍( ചെണ്ട), മണ്ടച്ചാരേ ( സിന്ദൂരച്ചെപ്പ്‌) തുടങ്ങിയ എത്രയെത്ര അനശ്വരഗാനങ്ങള്‍.
ഇനി മാധുരിയുടെ ഇഷ്ടഗാനവുമറിയുക: പതിനാലാം രാവുദിച്ചത്‌...

കടപ്പാട് : മനോരമ ഓണ്‍ലൈന്‍

ബയോ ഇന്‍ഫര്‍മാറ്റിക്സ്‌

ബയോ ഇന്‍ഫര്‍മാറ്റിക്സ്‌
ആനയറ ജയകുമാര്‍

ഐ.ടിയും ബയോടെക്നോളജിയും പരസ്പര പൂരകങ്ങളായി വര്‍ത്തിക്കുന്ന നൂതന വൈദ്യശാസ്‌ത്രാനുബന്ധ ശാഖയാണ്‌ ബയോ ഇന്‍ഫര്‍മാറ്റിക്സ്‌. ഭാവിയില്‍ സജീവ സാന്നിധ്യം പ്രകടമാക്കുന്ന തരത്തില്‍ വിപ്ലവകരമായ പുരോഗതി ബയോ ഇന്‍ഫര്‍മാറ്റിക്സ്‌ നേടിത്തരുമെന്നതില്‍ സംശയമില്ല. ആധുനികവും മെച്ചപ്പെട്ടതുമായ ഔഷധങ്ങളുടെ രൂപകല്‍പ്പനയിലും പൂര്‍ണതോതിലുള്ള രോഗശമനം സാധ്യമാക്കുന്ന ചികില്‍സാ രീതികള്‍ പ്രാവര്‍ത്തികമാക്കുന്നതിലും മാത്രമല്ല ജീവനെ സംബന്ധിച്ച അടിസ്ഥാന ധാരണ രൂപപ്പെടുത്തുന്നതില്‍ പോലും ഒട്ടേറെ സംഭാവനകള്‍ നല്‍കുവാന്‍ ഈ വിഷയത്തിനു കഴിയും.

ഈ നൂറ്റാണ്ടിന്റെ മുന്നേറ്റം ജൈവ സാങ്കേതിക വിദ്യയുടെ സംയോജിത ഗവേഷണങ്ങളുടെ പരിണതഫലമായിരിക്കും. ഗണിതശാസ്‌ത്രം, കംപ്യൂട്ടര്‍ സയന്‍സ്‌ ആന്‍ഡ്‌ ഇന്‍ഫര്‍മേഷന്‍ ടെക്നോളജി, ജീവശാസ്‌ത്രം എന്നീ പ്രധാന ശാസ്‌ത്രശാഖകളുടെ സംഭാവനകളെ കൂട്ടിയിണക്കുകയാണ്‌ ബയോ ഇന്‍ഫര്‍മാറ്റിക്സ്‌. അതായത്‌ ഇത്‌ ഒരു ഇന്റര്‍ ഡിസിപ്ലിനറി മേഖലയാണ്‌. ജീവശാസ്‌ത്രത്തില്‍ തന്നെ ഇവിടെ പ്രാധാന്യമര്‍ഹിക്കുന്നത്‌ ബയോ കെമിസ്ട്രി, മോളിക്കുലര്‍ ബയോളജി, ജനിറ്റിക്‌ എന്‍ജിനീയറിങ്‌, ബയോ- സ്റ്റാറ്റിസ്റ്റിക്സ്‌, ബയോ ടെക്നോളജി തുടങ്ങിയ വിഷയങ്ങളാണ്‌. വിടേശ രാജ്യങ്ങളിലെ കംപ്യൂട്ടേഷണല്‍ ബയോളജിയും ബയോ ഇന്‍ഫര്‍മാറ്റിക്സിനു തുല്യം തന്നെ.ജൈവ വിവരശേഖരണത്തിലും അപഗ്രഥനത്തിലും ക്ലോണിങ്‌ മുതല്‍ ജീവജാലങ്ങളില്‍ ഉപകാരപ്രദമായ മാറ്റങ്ങള്‍ വരുത്തുവാനും ജാനസ്സുകള്‍ കൂടിക്കലര്‍ത്തുവാനുമുള്ള സാധ്യതകള്‍വരെ ഈ രംഗത്ത്‌ തെളിയിക്കപ്പെട്ടുകഴിഞ്ഞു.

മണിപ്പാല്‍ സെന്റര്‍ ഫോര്‍ ഇന്‍ഫര്‍മേഷന്‍ സയന്‍സ്‌ 24 ആഴ്ചകളിലായി സയന്‍സ്‌ - എന്‍ജിനീയറിങ്‌ ബിരുദക്കാര്‍ക്ക്‌ ബയോ ഇന്‍ഫര്‍മാറ്റിക്സില്‍ സര്‍ട്ടിഫിക്കറ്റ്‌ കോഴ്സ്‌ നടത്തുന്നു. കല്‍പിത സര്‍വകലാശാലയായ ഇന്ത്യന്‍ ഇന്‍സ്റ്റിറ്റിയൂട്ട്‌ ഓഫ്‌ ഇന്‍ഫര്‍മേഷന്‍ ടെക്നോളജി (അലഹബാദില്‍) പ്രസ്‌തുത വിഷയത്തിലെ ബിരുദമോ എന്‍ജിനീയറിങ്‌ ബിരുദമോ വിജയിച്ചവര്‍ക്ക്‌ എം.ടെക്‌ ബയോ ഇന്‍ഫര്‍മാറ്റിക്സ്‌ കോഴ്സിന്‌ വര്‍ഷത്തില്‍ പതിനഞ്ചുപേര്‍ക്കു വീതം അഡ്മിഷന്‍ നല്‍കുന്നു. മീററ്റിലെ ചൌധരി ചരണ്‍സിങ്‌ യൂണിവേഴ്സിറ്റിയുടെ എം. എസ്‌ സി. ബയോ ഇന്‍ഫര്‍മാറ്റിക്സ്‌ കോഴ്സും പ്രശസ്‌തമാണ്‌. കല്‍പിത സര്‍വകലാശാലയായ അമൃത വിശ്വവിദ്യാപീഠത്തില്‍ നടത്തുന്ന എം. എസ്സി. ബയോ ഇന്‍ഫര്‍മാറ്റിക്സ്‌ കോഴ്സിന്‌ എന്‍ജിനീയറിങ്ങിലോ മെഡിസിനിലോ പ്രഥമിക വിദ്യാഭ്യാസം നേടിയ 30 പേര്‍ക്കു വീതം പ്രവേശനം നല്‍കുന്നു.

എം. ജി യൂണിവേഴ്സിറ്റിയുടെ ചില അഫിലിയേറ്റഡ്‌ കോളജുകളില്‍ ഈ വിഷയത്തില്‍ എം. എസ്സി. നടത്തിവരുന്നു. ഗണിതശാസ്‌ത്രം, സ്റ്റാറ്റിസ്റ്റിക്സ്‌, ബയോ കെമിസ്ട്രി, ബയോ ടെക്നോളജി, സുവോളജി, ബോട്ടണി എന്നിവയില്‍ പി. ജി. ബിരുദം നേടിയവര്‍ക്കും എന്‍ജിനീയറിങ്ങിന്റെ ഏതെങ്കിലും ശാഖയില്‍ എം.ടെക്‌ നേടിയവര്‍ക്കും കംപ്യൂട്ടര്‍ സയന്‍സില്‍ എം. എസ്സിയോ എം.സി.എയോ നേടിയവര്‍ക്കും കേരള യൂണിവേഴ്സിറ്റിയില്‍ ബയോ ഇന്‍ഫര്‍മാറ്റിക്സില്‍ എം.ഫില്‍ പ്രവേശനത്തിന്‌ യോഗ്യതയുണ്ട്‌. അഗ്രികള്‍ച്ചര്‍, മെഡിസിന്‍ പി.ജി വിജയികള്‍ക്കും ഇതിന്‌ അപേക്ഷിക്കാം. ബീറ്റ്സ്‌- പിലാനിയിലെ ബയോ ഇന്‍ഫര്‍മാറ്റിക്സ്‌ കോഴ്സും വളരെ ശ്രദ്ധേയമാണ്‌. ഗ്വാളിയറിലെ കല്‍പിത സര്‍വകലാശാലയായ അടല്‍ബിഹാരി വാജ്പേയ്‌ ഇന്ത്യന്‍ ഇന്‍സ്റ്റിറ്റിയൂട്ട്‌ ഓഫ്‌ ഇന്‍ഫര്‍മേഷന്‍ ടെക്നോളജി ആന്‍ഡ്‌ മാനേജ്മെന്റില്‍ എന്‍ജിനീയറിങ്‌ ബിരുദധാരികളായ ഗേറ്റ്‌ സ്കോര്‍ ചെയ്‌ത വിദ്യാര്‍ഥികള്‍ക്ക്‌ എം.ടെക്‌ ബയോ ഇന്‍ഫര്‍മാറ്റിക്സിന്‌ ചേരാവുന്നതാണ്‌.

ഇംഗണ്ടിലെ യൂണിവേഴ്സിറ്റി ഓഫ്‌ ലീഡ്സ്‌, യൂണിവേഴ്സിറ്റി ഓഫ്‌ മാഞ്ചസ്റ്റര്‍, അയര്‍ലന്‍ഡിലെ യൂണിവേഴ്സിറ്റി ഓഫ്‌ ഡബ്ലിന്‍, കാലിഫോര്‍ണിയയിലെ സ്റ്റാഫോര്‍ഡ്‌ യൂണിവേഴ്സിറ്റി, യൂണിവേഴ്സിറ്റി ഓഫ്‌ മിസ്സോറി, യൂണിവേഴ്സിറ്റി ഓഫ്‌ ടെക്സാസ്‌, ഇസ്രയേലിലെ ടെല്‍ അവീവ്‌ യൂണിവേഴ്സിറ്റി, ഓസ്ട്രേലിയയിലെ യൂണിവേഴ്സിറ്റി ഓഫ്‌ മെല്‍ബണ്‍ എന്നിവിടങ്ങളിലെ ബയോ ഇന്‍ഫര്‍മാറ്റിക്സ്‌ കോഴ്സിന്‌ രാജ്യാന്തര അംഗീകാരമാണുള്ളത്‌. ഇംഗണ്ടിലെ ഓക്സ്ഫഡ്‌ യൂണിവേഴ്സിറ്റിയില്‍ പാര്‍ട്ട്‌-ടൈം ആയി എം. എസ്സി. ചെയ്യാവുന്നതാണ്‍്‌.

യൂറോപ്യന്‍ ബയോ ഇന്‍ഫര്‍മാറ്റിക്സ്‌ ഇന്‍സ്റ്റിറ്റിയൂട്ട്‌, ഓസ്ട്രേലിയന്‍ നാഷനല്‍ ജീനോമിക്‌ ഇന്‍ഫര്‍മേഷന്‍ സര്‍വീസസ്‌, ഫ്രാന്‍സിലെ പാസ്റ്റര്‍ ഇന്‍സ്റ്റിറ്റിയൂട്ട്‌, സൌത്ത്‌ ആഫ്രിക്കന്‍ നാഷനല്‍ ബയോ ഇന്‍ഫര്‍മാറ്റിക്സ്‌ ഇന്‍സ്റ്റിറ്റിയൂട്ട്‌, ന്യൂയോര്‍ക്കിലെ റോച്ചെസ്റ്റര്‍ ഇന്‍സ്റ്റിറ്റിയൂട്ട്‌ ഓഫ്‌ ടെക്നോളജി തുടങ്ങിയ പ്രശസ്‌ത വിടേശ സ്ഥാപനങ്ങളില്‍ ജോലി നേടാവുന്നതാണ്‌. ഫാര്‍മസ്യൂട്ടിക്കല്‍സ്‌ മേഖലയില്‍ ബയോ ഇന്‍ഫര്‍മാറ്റിക്സിന്റെ സഹായം ഇന്നിപ്പോള്‍ തീര്‍ത്തും ഒഴിവാക്കുവാനാകുന്നില്ല. സ്മിത്ത്‌ ക്ലീന്‍ ബീച്ചം (Smith Kline Beecham), മെര്‍ക്ക്‌ (Merck), ജോണ്‍സണ്‍ ആന്‍ഡ്‌ ജോണ്‍സണ്‍ (J&J), ഗാക്സോ വെല്‍കം(Glaxo Wellcom), നെറ്റ്ജീനിയസ്‌ (Netgenius), ഓക്സജന്‍ (Oxyagen) തുടങ്ങിയ ഫാര്‍മസ്യൂട്ടിക്കല്‍ കമ്പനികള്‍ ഈ മേഖലയിലെ തൊഴില്‍ ദാതാക്കളായി വളര്‍ന്നുകഴിഞ്ഞു.

കടപ്പാട് : മനോരമ ഓണ്‍ലൈന്‍

ബാലാമണി അമ്മയെ ആരോര്‍ത്തു?

ബാലാമണി അമ്മയെ ആരോര്‍ത്തു?

സ്‌ത്രീ മാറി, സംസ്കാരത്തിനും കാലത്തിനുമൊപ്പം. മാറ്റങ്ങള്‍ ആരെയും സ്‌പര്‍ശിക്കാതിരിക്കുന്നില്ല. കാലം തന്റെ മാറ്റങ്ങളുടെ ഒരു പങ്ക്‌ സ്‌ത്രീക്കും പകുത്ത്‌ നല്‍കി. അവഗണന, പീഡനം എന്നൊക്കെ പറയുമ്പോഴും അവളെ പ്രാന്തവത്കരിക്കാനോ, ബോധപൂര്‍വ്വം അടിച്ചമര്‍ത്താനോ ആരും ശ്രമിച്ചിട്ടില്ല.

അതേസമയം വീട്ടമ്മയില്‍ നിന്ന്‌ ഉദ്യോഗസ്ഥയായി വളര്‍ന്ന സ്‌ത്രീക്ക്‌ സ്വാതന്ത്യത്തില്‍ ചിലതെങ്കിലും നഷ്‌ടപ്പെടുത്തേണ്ടി വരുന്നു. മുമ്പ്‌ പെണ്ണുങ്ങള്‍ ജോലിക്ക്‌ പോയി കുടുംബം പുലര്‍ത്തേണ്ടെന്ന്‌ കാരണവന്മാര്‍ വീമ്പു പറഞ്ഞിരുന്നു. ഇന്ന്‌ താത്‌പര്യമില്ലാത്ത സ്‌ത്രീകള്‍ക്ക്‌ പോലും ജോലി ചെയ്യേണ്ടതായി വരുന്നു. വേണമെങ്കില്‍ വീട്ടിലിരിക്കാമെന്ന 'ചോയ്‌സ്‌' അവള്‍ക്ക്‌ നഷ്‌ടമായി. സാമ്പത്തികഭദ്രയ്ക്ക്‌ അവളും പണിയെടുത്തേ മതിയാകൂ. വ്യക്‌തിസത്തയ്ക്ക്‌ അനുസരിച്ച്‌ ജീവിതം തിരഞ്ഞെടുക്കാനുള്ള അവസരവും ഇല്ലാതായി. ഏതെങ്കിലും മേഖലയില്‍ നിന്ന്‌ മറ്റൊന്നിലേക്ക്‌ ചേക്കേറാന്‍ പോലും കുടുംബവും കുട്ടികളും അവളെ അനുവദിക്കുന്നില്ല. എന്നാല്‍ ഏത്‌ അവസ്ഥയിലുള്ള സ്‌ത്രീക്കും ജീവിക്കാനുള്ള സാഹചര്യം ഇന്ന്‌ നമ്മുടെ നാട്ടിലുണ്ട്‌. പഠിപ്പ്‌ കുറഞ്ഞവര്‍ക്കും തൊഴിലുണ്ട്‌. അതേസമയം സ്വന്തം കാര്യത്തില്‍ കരുതല്‍ നഷ്‌ടമാകുമ്പോഴാണ്‌ സ്‌ത്രീക്ക്‌ അപകടങ്ങള്‍ സംഭവിക്കുന്നത്‌. വീട്ടില്‍ നിന്ന്‌ മാറി താമസിക്കേണ്ടി വരുന്ന പെണ്‍കുട്ടികള്‍ എങ്ങോട്ട്‌ പോകുന്നുവെന്നോ എപ്പോള്‍ വരുമെന്നോ ഒപ്പമുള്ളവരോട്‌ പലപ്പോഴും പറയാറില്ല. ഒരു കൂട്ട്‌ ആവശ്യപ്പെടുന്നതുപോലും നാണക്കേടായി പുതിയ തലമുറയിലെ പെണ്‍കുട്ടികള്‍ കരുതുന്നു.

അടുക്കളയില്‍ നിന്ന്‌ സമൂഹത്തിന്റെ ഉമ്മറത്തേക്ക്‌ വരുന്ന സ്‌ത്രീക്ക്‌ പല പരിവേഷങ്ങളും നഷ്‌ടപ്പെടുകയാണ്‌. "കുട്ടികള്‍ക്ക്‌ വേണ്ടി ജീവിച്ചു" എന്നൊക്കെ വരും തലമുറയിലെ സ്‌ത്രീകളെക്കുറിച്ച്‌ ആരും പറഞ്ഞെന്ന്‌ വരില്ല. അല്‌പായുസുള്ള അത്തരം പരിവേഷങ്ങള്‍ക്ക്‌ വേണ്ടി സ്വയം നഷ്‌ടപ്പെടാന്‍ ഒരുപക്ഷേ ഇനി സ്‌ത്രീകള്‍ തുനിഞ്ഞെന്നും വരില്ല. സ്‌ത്രീയുടെ തിരക്കുകളോട്‌ പൊരുത്തപ്പെടാന്‍ സമൂഹത്തിന്‌ ഇനിയും കഴിഞ്ഞിട്ടില്ല. ബന്‌ധങ്ങളെല്ലാം ഉലച്ചില്‍ തട്ടാതെ നിലനിറുത്താന്‍ കഴിയാത്ത സ്‌ത്രീയോട്‌ നമ്മുക്ക്‌ അനുകമ്പയില്ല. അത്തരം ആനുകൂല്യങ്ങള്‍ ആണുങ്ങള്‍ക്ക്‌ മാത്രമായി സംവരണം ചെയ്യപ്പെട്ടിരിക്കുന്നു. എല്ലാവരെയും എല്ലാം ബോധിപ്പിക്കണമെന്ന്‌ ശാഠ്യംപിടിക്കാതിരിക്കുകയാണ്‌ ഇത്തരം സാഹചര്യ ത്തില്‍ സ്‌ത്രീകള്‍ ചെയ്യേണ്ടത്‌. ഉപേക്ഷിക്കല്‍ നല്ലതുതന്നെ. അത്‌ എന്തിനുവേണ്ടിയാണെന്നതാണ്‌ പ്രധാനം.

ഇതൊന്നും അധികമാരും തിരിച്ചറിയാത്തതാണ്‌ കഷ്‌ടം. സ്‌ത്രീധനത്തിലൂടെ ആണ്‍കുട്ടികളെയാണ്‌ വില്‍ക്കുന്നത്‌. 'നല്ലൊരെണ്ണം നോക്കി' അച്ഛന്മാര്‍ പെണ്‍കുട്ടികള്‍ക്ക്‌ വാങ്ങിക്കൊടുക്കുന്നു. ഞങ്ങളെ വില്‍ക്കരുതെന്ന്‌ പറയാനുള്ള തിരിച്ചറിവ്‌ എന്തുകൊ ണ്ടോ ആണ്‍കുട്ടികള്‍ക്കില്ല. കാശുകൊടുത്ത്‌ കെട്ടിക്കേണ്ടെന്ന്‌ പെണ്‍കുട്ടികള്‍ പറഞ്ഞുതുടങ്ങി. ഡിവോഴ്‌സുകളുടെ എണ്ണം കൂടുന്നതിനും ഈ 'വാങ്ങല്‍' കാരണമാണ്‌. ഇത്രയുമൊക്കെ കൊടുത്തതും പിന്നെ ഒരുപാടങ്ങ്‌ അഡ്ജസ്റ്റ്‌ ചെയ്യുന്നത്‌ എന്തിനാണെന്നാണ്‌ പെണ്‍കുട്ടികള്‍ ചിന്തിക്കുന്നത്‌. മാത്രമല്ല, പുറംലോകവുമായി ഇടപെടുന്ന സ്‌ത്രീക്ക്‌ ധാരാളം സൌഹൃദങ്ങളും ബന്‌ധങ്ങളുമുണ്ട്‌. വൈകാരിക പിന്തുണയ്ക്കായി ഭര്‍ത്താവിനെ മാത്രം ആശ്രയിക്കേണ്ടതില്ല അവള്‍ക്ക്‌. ഇത്തരം സാംസ്കാരിക മാറ്റങ്ങളാണ്‌ ഒറ്റയ്ക്ക്‌ ജീവിക്കാന്‍ പോലും സ്‌ത്രീയെ പ്രാപ്‌തയാക്കുന്നത്‌. എങ്കിലും ചിലയിടങ്ങളിലെങ്കിലും സ്‌ത്രീക്ക്‌ മാറി നില്‍ക്കേണ്ടി വരുന്നു. അവളെ ആരും കാണാതെ പോകുന്നു. എഴുത്തിലും ഇത്‌ സംഭവിച്ചു. കൊച്ചുബാവയും രാമനുണ്ണിയും പി. വത്‌സലയും സ്വവര്‍ഗ്‌ഗ രതിയെക്കുറിച്ച്‌ എഴുതി. എന്നാല്‍ വത്‌സല എഴുതിയത്‌ എത്രപേര്‍ ശ്രദ്ധിച്ചു? ബാലാമണിഅമ്മയുടെ ചരമവാര്‍ഷികം എത്രപേര്‍ ഓര്‍ത്തു? ഒരു വര്‍ഷം കഴിഞ്ഞോട്ടെ എസ്‌. ഗുപ്‌തന്‍നായരുടെയും എം. കൃഷ്‌ണന്‍നായരുടെയും ചരമവാര്‍ഷികം ഒരോരുത്തരും മത്‌സരിച്ച്‌ ഓര്‍ക്കുന്നത്‌ കാണാം. ബാലാമണി അമ്മ റാഗിംഗിനെക്കുറിച്ച്‌ എഴുതിയത്‌ എത്രപേര്‍ക്കറിയാം? അവരെ ഭക്‌തിയുടെയും മാതൃത്വത്തിന്റെയും കവയിത്രിയായി നമ്മള്‍ വേര്‍തിരിച്ചു.

ഇത്തരം വേര്‍തിരിവുകള്‍ സ്‌ത്രീ എഴുത്തുകാരെയാണ്‌ കൂടുതല്‍ ബാധിക്കുക. എഴുത്തുകാരന്മാരെപ്പോലെ അവര്‍ക്കൊരു കൂട്ടായ്‌മയില്ല. അവര്‍ക്ക്‌ പരസ്‌പരം പ്രമോട്ട്‌ ചെയ്യാനാവുന്നില്ല ഏതെങ്കിലും പ്രസിദ്ധീകരണങ്ങളുടെ വിശേഷാല്‍ പ്രതി ഇന്ന്‌ സ്‌ത്രീ എഴുത്തുകാരെകൊണ്ട്‌ മാത്രം നിറയ്ക്കാന്‍ കഴിയും. അതും അറിയപ്പെടുന്നവരെ കൊണ്ട്‌. എന്നിട്ടും അതിനൊന്നും നമ്മള്‍ മുതിരുന്നില്ലല്ലോ. വനിതാ പ്രസിദ്ധീകരണങ്ങളുടെ തലപ്പത്തുപോലും എത്ര സ്‌ത്രീകളുണ്ട്‌? എഴുതുന്ന പെണ്‍കുട്ടികള്‍ എത്രകാലം നില്‍ക്കുമെന്നതാണ്‌ എന്നെ ആശങ്കപ്പെടുത്തുന്നത്‌. പല മേഖലകളിലും ഒന്ന്‌ മിന്നിത്തിളങ്ങി പെണ്‍കുട്ടികള്‍ പിന്‍വാങ്ങുന്നു. ഇതിന്റെ കാരണം അന്വേഷിക്കാന്‍ ആരും മെനക്കെടാറില്ല. എങ്കിലും വേര്‍തിരിവുകള്‍ അവളെ തളര്‍ത്താതിരിക്കട്ടെയെന്ന്‌ പ്രതീക്ഷിക്കാം.

തയ്യാറാക്കിയത്‌ : സരിത എസ്‌. ബാലന്‍

കടപ്പാട്‌ : കേരളകൌമുദി ഓണ്‍ലൈന്‍

ചൊവ്വാഴ്ച, മാർച്ച് 14, 2006

മധുരം മലയാളം - മാതൃഭൂമി ഓണ്‍ലൈന്‍

മധുരം മലയാളം - മാതൃഭൂമി ഓണ്‍ലൈന്‍

കുത്തനാശാരിയുടെ പേരു പറഞ്ഞാല്‍....

മലയാളിയുടെ സാമൂഹ്യ ജീവിതത്തിന്റെയും പദസ്വാധീനത്തിന്റെയും പാദമുദ്രകള്‍ പതിഞ്ഞുകിടക്കുന്ന കടംകഥകളില്‍ പദാര്‍ത്ഥഭേദങ്ങളുടെ അപൂര്‍വസുന്ദരങ്ങളായ പ്രയോഗങ്ങള്‍ കണ്ടെത്തുക കൌതുകകരമാണ്‌. 'അടിക്കാത്ത മുറ്റത്തെ ആയിരംവിളക്ക്‌' ആകാശവും നക്ഷത്രങ്ങളുമാണ്‌. ഇതിലെ 'അടി' മുറ്റമടിയാണ്‌. ഏഴരവെളുപ്പിനെഴുന്നേല്‍ക്കുന്ന മലയാളിമങ്കമാര്‍ ചൂലുകൊണ്ട്‌ മുറ്റത്തെ ചപ്പുചവറുകള്‍ തൂത്തുകളയുന്ന ജോലി. എന്നാല്‍, 'അടിയിലും മോളിലും തട്ടിട്ടിരിക്കുന്ന കുത്തനാശാരിയുടെ പേരുപറഞ്ഞാല്‍, നാടുതരാം, നഗരിതരാം, രാജാവിന്റെ മോളെതരാം' എന്നായാലോ? ഉത്തരം 'ആമ'യാണ്‌. പക്ഷേ, അടിപാറ നടുവടി തലകാട്‌ (ചേന) എന്നതിലെ അടിഭാഗം അഥവാ കീഴ്ഭാഗം ആണ്‌ ഇവിടെ 'അടി'യുടെ പ്രയോഗാര്‍ത്ഥം. 'കിണര്‍' ഉത്തരമാകുന്ന 'അടിയില്ലാത്തൊരു നീളം ഭരണി'യിലേയും 'പൂവന്‍കോഴി' ഉത്തരമാകുന്ന 'അടിമുള്ള്‌ നടുകാട്‌ തലപൂവി'ലേയും 'അടി'യും ഇതുതന്നെ. 'അടിക്കു കൊടുത്താല്‍ മുടിക്കു കാണാം' എന്ന തെങ്ങിനെപ്പറ്റിയുള്ള കടംകഥയിലെ അടിയും സമാനാര്‍ത്ഥത്തില്‍ തന്നെ. (കൊച്ചിലേ മെച്ചപ്പെടുത്തിയാല്‍ വലുതായാല്‍ തിളങ്ങും എന്ന ആലോചനാമൃതമായ ആശയവും ഈ കടംകഥയില്‍ കാണാം).

'അടികിട്ടിയാല്‍ കരയും ചെക്കന്‌ ആഹാരം വേണ്ടേ വേണ്ട' എന്നതിലെ അടി ചെണ്ടപ്പുറത്തുള്ള 'താഡന'മാണ്‌. കാലടിയില്ലാത്ത കോലുനാരായണനാര്‌' എന്ന ചോദ്യത്തിനുത്തരം പാമ്പാണ്‌. ഇതിലെ അടി, കാലടി അഥവാ പാദം ആണെന്നുമാത്രം. എന്നാല്‍ 'ഒരടി മുന്നോട്ടോടിയാല്‍ ഒരടി പിന്നോട്ടോടും' എന്നതിലെ അടി ഒരളവു മാനദണ്ഡം മാത്രമാണ്‌. പന്ത്രണ്ട്‌ ഇഞ്ച്‌ എന്ന ഒരടി. അങ്ങോട്ടുമിങ്ങോട്ടും അടിവെച്ചോടുന്നത്‌ അമ്മിക്കുട്ടി. ഭാഷയുടെ മര്‍മ്മമറിഞ്ഞ്‌ കെട്ടിയുണ്ടാക്കിയ കടംകഥകള്‍ മലയാളത്തിന്റെ തനിമയോലുന്നതും മറ്റൊരു ഭാഷയ്ക്ക്‌ കടംകൊടുക്കാന്‍ പറ്റാത്തതുമാണെന്നത്‌ ശ്രദ്ധേയമത്രേ!

-വത്സന്‍ അഞ്ചാംപീടിക

വാക്യഭേദം

തന്നറതാനേ തിണ്ടുമ്മല്‌


കണ്ണൂര്‍ ജില്ലയിലെ ചരിത്രപ്രസിദ്ധമായ പുരളിമലയുടെ താഴ്‌വാരത്ത്‌ പ്രായംചെന്നവര്‍ക്കിടയില്‍ ഇന്നും നിലനില്‍ക്കുന്ന സംസാരഭാഷയാണിത്‌. പ്രത്യേകിച്ചും സ്ത്രീകള്‍ക്കിടയിലാണ്‌ കൂടുതലുള്ളത്‌. ശരിയായ പ്രയോഗം-തന്നറ്‌-വെള്ളം, ആനേ-മോനേ, തിണ്ടുമ്മല്‌-തിണ്ടിന്റെ മുകളില്‍, തിണ്ട്‌-കല്ലുകൊണ്ടോ, മണ്ണുകൊണ്ടോ ഉണ്ടാക്കുന്ന വരമ്പ്‌. 'മോനേ വെള്ളം വരമ്പില്‍ എടുത്തുവച്ചിട്ടുണ്ട്‌ '.

-സനേഷ്‌, മുഴക്കുന്ന്‌

പദപരിചയം

അക്കള

കോഴിക്കോട്‌ ജില്ലയിലെ വടകര താലൂക്കിലെ നാട്ടിന്‍പുറങ്ങളിലെ പഴമക്കാരായ ചില സ്ത്രീകള്‍ അടുത്തകാലംവരെ സംഭാഷണ വേളയില്‍ അപൂര്‍വമായി ഉപയോഗിച്ചിരുന്ന ഒരു പദമാണ്‌ 'അക്കള'. ഇന്നും ചിലര്‍ സംഭാഷണത്തില്‍ അപൂര്‍വമായി ഈ പദം ഉപയോഗിച്ചുകാണുന്നുണ്ട്‌. 'അക്കള' എന്ന പദത്തിനു അവര്‍ കല്‍പിക്കുന്ന അര്‍ത്ഥം എടോ, മോളേ എന്നൊക്കെയായിരിക്കാമെന്നു തോന്നുന്നു. ചില ഉദാഹരണങ്ങളിതാ: ഇഞ്ഞ്യേടാക്ലേപോണ്‌-നീ എവിടെക്കാണെടോ പോകുന്നത്‌. അല്ല ക്ലേ ഓന്റെബരുത്തേങ്ങനീണ്ട്‌ - അല്ലെടോ (അല്ല മോളെ) അവന്റെ അസുഖം എങ്ങിനെയുണ്ട്‌. ഇനിക്കെന്താക്ലെ പെരാന്താ-നിനക്കെന്താണെടോ ഭ്രാന്താണോ.

-ബാലന്‍ കുറുങ്ങോട്ട്‌, കുറിഞ്ഞാലിയോട്‌

പറഞ്ഞതും കേട്ടതും

മലയാളഭാഷയില്‍ മധുരിമ കണ്ടെത്തുന്ന ഒരുപാട്‌ മുഹൂര്‍ത്തങ്ങളുണ്ട്‌. ചില ഇരട്ടവാക്കുകള്‍ തിരിച്ചുപറയുമ്പോഴുണ്ടാകുന്ന വലിയ അര്‍ത്ഥവ്യത്യാസം അവയിലൊന്ന്‌ മാത്രമാണ്‌. അവയില്‍ ചിലത്‌.

പറഞ്ഞുതീര്‍ത്തു-തീര്‍ത്തുപറഞ്ഞു.
കാളവണ്ടി-വണ്ടിക്കാള
ചാടിപിടിച്ചു-പിടിച്ചുചാടി
പറഞ്ഞുകേട്ടു-കേട്ടുപറഞ്ഞു
കോഴിമുട്ട-മുട്ടക്കോഴി
മുങ്ങിക്കപ്പല്‍-കപ്പല്‍മുങ്ങി
കുടിവെള്ളം-വെള്ളംകുടി
കോഴി ഇറച്ചി-ഇറച്ചിക്കോഴി
വേട്ടമൃഗം-മൃഗവേട്ട
പറഞ്ഞുപോയി-പോയി പറഞ്ഞു
പറഞ്ഞുകേട്ടു-കേട്ടുപറഞ്ഞു.

-പി.പി. ഗോവിന്ദന്‍, കണ്ണപ്പിലാവ്‌, കണ്ണൂര്‍

പരിചയം

ബരു, ബട്ട

നാട്ടുഭാഷകള്‍ നാടുനീങ്ങുകയാണ്‌. പണ്ട്‌ നിത്യോപയോഗത്തില്‍ ഉണ്ടായിരുന്ന പല സാധനസാമഗ്രികളും ഇപ്പോഴില്ല. അത്തരം പേരുകള്‍ കേട്ടാല്‍ പുതുതലമുറ ആശ്ചര്യപ്പെടും. ചില വടക്കന്‍വാക്കുകള്‍:

കൊമ്മ (നെല്ല്‌ സൂക്ഷിക്കാന്‍ പത്തായത്തിന്‌ പകരം ഉപയോഗിച്ചിരുന്ന മുളകൊണ്ടുണ്ടാക്കിയ വലിയ കുട്ട)

ബരു (അടുപ്പിന്‌ മുകളില്‍ കെട്ടിയിരുന്ന നെല്ല്‌ ഉണക്കുന്നതിനുള്ള മുളംപായ)

ഊവ്വേണി (വയലില്‍ വെള്ളം
തേകാന്‍ മുക്കാലിയില്‍ കെട്ടുന്നത്‌)
ബട്ട (കഞ്ഞികുടിക്കാന്‍
ഉപയോഗിക്കുന്ന വലിയപാത്രം)

മങ്ങണം (കഞ്ഞികുടിക്കാനും മൂടിയായി ഉപയോഗിക്കാനും പറ്റുന്ന പാത്രം)

കുര്യ (ചോറ്‌ കോരിയിടാന്‍ ഉപയോഗിക്കുന്ന മുളകൊണ്ടുണ്ടാക്കിയ പാത്രം. കല്യാണത്തിനും മറ്റും കുര്യയില്‍ ചോറ്‌ നിറച്ച്‌ ഇലയിലേക്ക്‌ നേരിട്ട്‌ തട്ടിയിടും. കോരിയിടാന്‍ പ്ലേറ്റോ തവിയോ ഉപയോഗിക്കാറില്ല)

തെര്യ (വാഴയില കൊണ്ടോ വൈക്കോലുകൊണ്ടോ ഉണ്ടാക്കുന്ന ചുമ്മാട്‌. തലയില്‍ ഭാരം എടുക്കുമ്പോഴും മണ്‍കലത്തിനടിയിലും തെര്യ ഉപയോഗിക്കും)

-പ്രഭ അജാനൂര്‍

മലയാളം; ഇക്കേരിനായ്ക്കന്‍ വക

കേരളത്തിന്റെ ഏറ്റവും വടക്ക്‌ കാസര്‍കോട്‌ ജില്ല ഭാഷകളുടെ സങ്കലന സംസ്കാരകേന്ദ്രം.

അതിര്‍ത്തിഗ്രാമങ്ങളായ മഞ്ചേശ്വരം, ഹൊസങ്കടി, കുമ്പള, തലപ്പാടി, സ്വര്‍ഗ്ഗ, മിയാപദവ്‌ എന്നിവിടങ്ങളിലെല്ലാം ഒരവിയല്‍ ഭാഷാസംസ്കാരം തന്നെ.

മലയാളം, കന്നട, തുളു, കൊങ്കണി, ഹിന്ദുസ്ഥാനി, മറാഠി, ബ്യാരി എന്നീ സപ്തഭാഷകള്‍ കൂടാതെ, തമിഴുംഅറബിയും ഹിന്ദിയും തെലുങ്കുമൊക്കെ ഇപ്പോള്‍ വേണ്ടുവോളമുണ്ട്‌.

'ഊണ്‌ കഴിച്ചോ' എന്ന്‌ കാസര്‍കോടിന്റെ ഉള്‍നാടന്‍ ഗ്രാമത്തില്‍ നിന്നൊരാള്‍ നിങ്ങളോട്‌ ചോദിക്കുമ്പോള്‍ അതേ ഗ്രാമത്തിലെ മറ്റ്‌ ചിലര്‍ പറയുന്ന ഭാഷ കേള്‍ക്കണോ.

ഊട്ട ആയ്ത്ത (കന്നട)
ജേവണ്‍ ജാലെ (മറാഠി)
കാനാകായാ (ഹിന്ദുസ്ഥാനി)
ഇന്ത്‌ ഹക്കല്‍ (അറബി)
ഒണശാ ആണ്ടാ (തുളു)
ജാവണ്‍ ജല്ലവേ (കൊങ്കണി)

ഇതെല്ലാം ഒരേചോദ്യം തന്നെ; ഊണ്‌ കഴിച്ചോ എന്ന്‌.
പണ്ട്‌ ഇക്കേരി നായ്ക്കന്മാരുടെ കൂടെ (ഇക്കിരീയന്‍ കാലത്ത്‌ എന്നൊരു ശെയിലിതന്നെയുണ്ട്‌) അവരുടെ കോട്ടകളുടെ കാവലിനും അനുബന്ധ ജോലികള്‍ക്കുമായി കര്‍ണാടകത്തില്‍ നിന്നും കുറെ ജാതി സമൂഹങ്ങള്‍ വന്നു. രാമക്ഷത്രിയ, കുമാരക്ഷത്രിയ, മാദിഗര്‍, അഗസറു, മല്ലറു, വാദ്യക്കാറു, കോട്ടിയാര്‍, കുറുമ്പറു, ശൌരേക്കാര്‍ തുടങ്ങിയവര്‍. ഇപ്പോഴും ദേശം കൊണ്ട്‌ മലയാളക്കാരാണെങ്കിലും ഭാഷയും ആചാരാനുഷ്ഠാനങ്ങളും കൊണ്ട്‌ കര്‍ണാടകക്കാരുമാണ്‌. പലരുടെയും ഭാഷ മലയാളവും കന്നടയും തുളുവും കൂടിക്കലര്‍ന്ന ഒരവിയല്‍ ഭാഷതന്നെ.

ചില ജാതിസമൂഹങ്ങള്‍ക്ക്‌ അവരുടെ സ്വന്തം ഭാഷയുണ്ട്‌. ഇന്ത്യയുടെ ഉത്തരദേശത്ത്‌ നിന്നും ഇവിടെ എത്തിയവരാണ്‌ യോഗികള്‍. യോഗികളില്‍ രണ്ട്‌ വിഭാഗമുണ്ട്‌. ചോയികളും യോഗികളും. ഇതില്‍ യോഗികളുടെ തെലുങ്ക്‌ കലര്‍ന്ന ഭാഷ ഇപ്പോള്‍ ഉപയോഗത്തിലില്ല. പക്ഷേ, പഴയ ആളുകള്‍ക്ക്‌ അറിയാം. ചില പ്രയോഗങ്ങള്‍ ഇതാ.

ചിരിക്കി = സ്ത്രീ
തിലുശുക = മനസ്സിലാവുക
ദൊങ്ക = കളവ്‌
ചെപ്പുക = പറയുക

പുതിയ തലമുറ ഈ ഭാഷ ഉപയോഗിക്കുന്നില്ല.

വ്യത്യസ്ത ഭാഷകളുടെ കൂടിച്ചേരലുകളിലൂടെ പുതിയ പുതിയ വാക്കുകള്‍ കാസര്‍കോടിന്‌ ഉണ്ടായിട്ടുണ്ട്‌. കന്നടയും തുളുവുമാണ്‌ മലയാളത്തോട്‌ കൂടിക്കലര്‍ന്ന്‌ പുതിയ വാക്കുകള്‍ക്ക്‌ രൂപംനല്‍കിയത്‌.

ഉദാ: ബെതത്തംസുഖമില്ലായ്മ. മുസ്‌ലിം സമൂഹത്തില്‍ ചില അറബി വാക്കുകള്‍ മലയാളീകരിച്ചു കഴിഞ്ഞു. സുബീക്ക്‌-രാവിലെ, സല്ലാജ-ഐസ്‌പെട്ടി, മുസീബത്ത്‌-ശല്യം തുടങ്ങി നിരവധി ഉദാഹരണങ്ങളുണ്ട്‌.

ഏത്‌ ഭാഷയായാലും മനസ്സിലാവണം. കൊയക്ക്‌ ആയാലെ പ്രശ്നമുള്ളൂ....." ഓ കൊയക്ക്‌ മനസ്സിലായില്ലെ".കൊയക്ക്‌-ബുദ്ധിമുട്ട്‌.

- പ്രഭ അജാനൂര്‍, മാണിക്കോത്ത്‌

പരിചയം

കുറത്തിയാട്ടം

കുറവന്‍, കുറത്തി, മുത്തിയമ്മ എന്നിവരാണ്‌ കുറത്തിയാട്ടത്തിലെ കഥാപാത്രങ്ങള്‍. ആണുങ്ങള്‍ സ്ത്രീവേഷം കെട്ടുന്നു. മൃദംഗവും കൈമണിയുമാണ്‌ വാദ്യങ്ങള്‍. പിന്‍പാട്ടുകാരുമുണ്ട്‌. അവര്‍ ആദ്യം ഗണപതിയേയും സരസ്വതിയേയും സ്തുതിച്ചുള്ള പാട്ടുകള്‍ പാടുന്നു. പിന്നീട്‌ കുറത്തികളുടെ നൃത്തമാണ്‌. മഹാവിഷ്ണുവിന്റെയും പരമശിവന്റെയും പത്നിമാരായി (ലക്ഷ്മിയും പാര്‍വതിയും) അഭിനയിക്കുന്ന ഇവര്‍ തമ്മിലുള്ള വാഗ്വാദങ്ങളും നൃത്തങ്ങളും കുറേ നേരത്തേയ്ക്കുണ്ടാകും. പാര്‍വതി വിഷ്ണുവിനെ കുറ്റംപറയുമ്പോള്‍ ലക്ഷ്മി ശിവന്റെ കുറ്റങ്ങള്‍ ചൂണ്ടിക്കാട്ടി കണക്കിന്‌ മറുപടി കൊടുക്കുന്നു. ഒടുവില്‍ സരസ്വതിയുടെ വേഷം ധരിച്ച മറ്റൊരു കുറത്തി വന്ന്‌ വഴക്ക്‌ അവസാനിപ്പിക്കുന്നു. പിന്നീട്‌ കുറവന്റെ പുറപ്പാടാണ്‌. അയാള്‍ ഞാണിന്മേല്‍കളി മുതലായി പലതും കാണിക്കുന്നു. ഒടുവില്‍ കുറവന്റെ അമ്മയായ മുത്തിയുടെ നൃത്തമാണ്‌. ജനങ്ങളെ പൊട്ടിച്ചിരിപ്പിക്കുന്ന നൃത്തവും പാട്ടുമാണ്‌ മുത്തിയുടെ കളികളിലുള്ളത്‌.

-വേലൂര്‍ പരമേശ്വരന്‍നമ്പൂതിരി, കുട്ടമ്പേരൂര്‍.

പദകൌതുകം

മന്നെ സുല്‍ത്താന്‍ മഹാരാജ

കേരളത്തിലെ രാജാക്കന്മാര്‍ ഉപയോഗിച്ചിരുന്ന സ്ഥാനപ്പേരാണിത്‌. ഇത്‌ ആദ്യമായി ഉപയോഗിച്ചത്‌ കൊല്ലവര്‍ഷം 933 ല്‍ ആയിരുന്നു. തിരുവിതാംകൂറില്‍ കാര്‍ത്തികതിരുനാള്‍ രാമവര്‍മ്മയായിരുന്നു അന്നത്തെ രാജാവ്‌. മാര്‍ത്താണ്ഡവര്‍മ്മ രാജാവിനുശേഷം വന്നതാണ്‌ ഈ രാജാവ്‌.

ഇദ്ദേഹം ജനങ്ങള്‍ക്ക്‌ വേണ്ടി ഊട്ടുപുരകളും സത്രങ്ങളും നിര്‍മ്മിച്ചുകൊടുത്ത്‌ ജനങ്ങളുടെ ഇടയില്‍ നല്ല പ്രശസ്തി നേടി. ജനങ്ങള്‍ ധര്‍മ്മരാജാവെന്ന്‌ ഇദ്ദേഹത്തെ വിളിച്ചു. ഇത്‌ കൂടാതെ കര്‍ണ്ണാടക നവാബ്‌ മഹാരാജാവിനോടുള്ള ഭക്തിയും വാത്സല്യവും കാണിക്കാനായി 'മന്നെ സുല്‍ത്താന്‍ മഹാരാജ രാജ രാമ രാജാ ബഹദൂര്‍ ഷംഷര്‍ജംഗ്‌ ' എന്ന സ്ഥാനപ്പേരും കൊടുത്തു. അദ്ദേഹം അത്‌ 'ശ്രീപത്മനാഭ ദാസ വഞ്ചി ബാലരാമവര്‍മ്മ കുലശേഖര കിരീടപതി മന്നെ സുല്‍ത്താന്‍ മഹാരാജ രാമരാജാ, ബഹദൂര്‍, ഷംഷര്‍, ജംഗ്‌' എന്ന്‌ ഉപയോഗിച്ചു തുടങ്ങി. രാജാക്കന്മാരുടെ പേരിന്റെ മുമ്പില്‍ അങ്ങനെ സ്ഥാനപ്പേരുകള്‍ സ്ഥലംപിടിച്ചു.

-റവ. ഡോ.ജി.എസ്‌. ഫ്രാന്‍സിസ്‌ തലശ്ശേരി.

പദപരിചയം

കോടതിക്കാര്യം

മജിസ്ട്രേട്ട്‌ കോടതികളില്‍ സര്‍വസാധാരണമായി ഉപയോഗിച്ചുവരുന്ന ഇംഗ്ലീഷ്‌ വാക്കുകളുടെ മലയാള പദങ്ങള്‍.

ചാര്‍ജ്‌ ഷീറ്റ്‌: കുറ്റപത്രം.

ബെയിലബിള്‍ ഒഫന്‍സ്‌: ജാമ്യത്തില്‍ വിടാവുന്ന കുറ്റം.

നോണ്‍ബെയിലബിള്‍ ഒഫന്‍സ്‌: ജാമ്യമില്ലാത്ത കുറ്റം.

ബെയില്‍ ബോണ്ട്‌: ജാമ്യക്കച്ചീട്ട്‌.

നോണ്‍കോഗ്‌നൈസബിള്‍ ഒഫന്‍സ്‌: പോലീസിന്‌ നേരിട്ടെടുക്കാന്‍ പാടില്ലാത്ത കുറ്റം.

ക്ലയന്റ്‌: കക്ഷി.

ബിഫോര്‍ ദി കോര്‍ട്ട്‌: കോടതിസമക്ഷം.

ബ്രീച്ച്‌ ഓഫ്‌ ട്രസ്റ്റ്‌: വിശ്വാസവഞ്ചന.

കോമ്പീറ്റന്റ്‌ കോര്‍ട്ട്‌: അധികാരമുള്ള കോടതി.

കോമ്പൌണ്ടബിള്‍ ഒഫന്‍സ്‌: രാജിയാക്കാവുന്ന കുറ്റം.

-സുബ്രഹ്മണ്യന്‍ അമ്പാടി, വൈക്കം

കടപ്പാട്‌ : മാതൃഭൂമി ഓണ്‍ലൈന്‍

അജ്ഞത ആഘോഷമാക്കി മാററിയാല്‍

അജ്ഞത ആഘോഷമാക്കി മാററിയാല്‍
എസ്‌.എസ്‌. സതീശ്‌

ഉരുണ്ടുകൂടുന്ന അശുഭചിന്തകള്‍ അവഗണിച്ചുകൊണ്ട്‌ സംസ്ഥാന രാഷ്‌ട്രീയം അതിന്റെ പ്രയാണം തുടരവെ, ചരിത്രത്തിന്റെ ചില പാഠങ്ങള്‍ ഓര്‍ത്തുപോവുകയാണ്‌.ഇന്ത്യാ - പാക്‌ വിഭജനവും സംസ്ഥാന രൂപീകരണവും കഴിഞ്ഞതോടെ ആസാമില്‍ ബംഗാളികള്‍ ഒരു ന്യൂനപക്ഷമായി മാറി. പുരാണത്തിലെ നരകാസുരന്റെ പിന്‍ഗാമികളെന്ന്‌ കരുതുന്നവര്‍ അടക്കമുള്ള വിവിധ ഗോത്രങ്ങളും വിഭാഗങ്ങളുമായിരുന്നു ഭൂരിപക്ഷം. അവരുടെ പരമ്പരാഗതമായ മൌഢ്യവും അലസതയും മുതലെടുത്തുകൊണ്ട്‌ പല ഉന്നത സ്ഥാനങ്ങളും ബുദ്ധിശാലികളായ ബംഗാളികള്‍ കൈയടക്കി. വളരെക്കാലം ആരും അത്‌ തിരിച്ചറിഞ്ഞില്ല. എന്നാല്‍, എണ്‍പതുകളുടെ ആദ്യം കാമ്പസുകളില്‍ അതിനെതിരായ പ്രതിഷേധം രൂപംകൊള്ളുകയും സംസ്ഥാനമൊട്ടാകെ ഒരു കലാപമായി അത്‌ പടരുകയുമുണ്ടായി. അനധികൃത കുടിയേറ്റക്കാര്‍ക്ക്‌ പൌരത്വം നല്‍കാനുള്ള നീക്കം അതിന്‌ ചൂട്‌ പകര്‍ന്നു. ആസാം ഗണപരിഷത്ത്‌ എന്ന രാഷ്‌ട്രീയ പാര്‍ട്ടി ആ കലാപത്തില്‍ നിന്ന്‌ ഉടലെടുത്തതാണ്‌. 'ഉള്‍ഫ'യെ പോലുള്ള തീവ്രവാദി ഗ്രൂപ്പുകള്‍ കൂടി സജീവമായതോടെ ആസാമിന്റെ സ്വൈരം നഷ്‌ടമായി.

ന്യൂനപക്ഷങ്ങളുടെ സാമര്‍ത്ഥ്യം വികൃതമായ തിരിച്ചടികള്‍ക്കും അശാന്തിക്കും ഇടയാക്കുന്നത്‌ ആദ്യമായല്ല. ഇന്ത്യയില്‍ മാത്രവുമല്ല.
വിഭജനത്തെ തുടര്‍ന്ന്‌ പാകിസ്ഥാന്‍ ഉടലെടുത്തപ്പോള്‍ ഔദ്യോഗിക ഭാഷയായി സ്വീകരിച്ചത്‌ ഉറുദുവാണ്‌. പശ്ചിമ പാകിസ്ഥാനിലെ മുഖ്യഭാഷകള്‍ അപ്പോള്‍ പഞ്ചാബിയും സിന്ധിയും പുഷ്‌തുവും ബലൂചിയുമായിരുന്നു. വിഭജനവേളയില്‍ ഇന്ത്യയില്‍ നിന്ന്‌ കുടിയേറുകയും കറാച്ചിയിലും പരിസരങ്ങളിലും താവളം തേടുകയും ചെയ്‌ത ബീഹാറികളുടെ ഭാഷയായിരുന്നു ഉറുദു. ഔദ്യോഗിക ഭാഷയെ പ്രോത്‌സാഹിപ്പിക്കാന്‍ പാക്‌ സര്‍ക്കാര്‍ ഉറുദു അറിയാവുന്നവര്‍ക്ക്‌ ഉദ്യോഗ നിയമനങ്ങളില്‍ പ്രത്യേക പരിഗണന അനുവദിച്ചപ്പോള്‍ അതിന്റെ പ്രയോജനം ലഭിച്ചത്‌ ബീഹാറികള്‍ക്കാണ്‌. ഉദ്യോഗങ്ങള്‍ അഭയാര്‍ത്ഥികളായി (മുഹാജിര്‍) എത്തിയ ന്യൂനപക്ഷം തട്ടിയെടുക്കുന്നുവെന്ന പരാതി ക്രമേണ അമര്‍ഷവും പകയുമായി പരിണമിച്ചു. ബീഹാറികള്‍ക്ക്‌ ലഭിച്ചിരുന്ന പ്രത്യേക പരിഗണനകളെല്ലാം അതോടെ നഷ്‌ടമായി. അവജ്ഞയ്ക്കും പീഡനങ്ങള്‍ക്കും ഇരയായി മൂന്നാംതരം പൌരന്മാരായി കഴിയുകയാണ്‌ പാകിസ്ഥാനില്‍ ഇന്ന്‌ ബീഹാറി കുടിയേറ്റക്കാരുടെ പിന്‍മുറക്കാര്‍.

ശാസ്‌ത്ര വിഷയങ്ങളില്‍ ജന്മസിദ്ധമായി തന്നെ പ്രാവീണ്യമുള്ളവരാണ്‌ ശ്രീലങ്കയിലെ തമിഴ്‌ വംശജര്‍. ന്യൂനപക്ഷമാണെങ്കിലും ഉദ്യോഗങ്ങളില്‍ വലിയൊരു പങ്ക്‌ നേടിയെടുക്കാന്‍ അത്‌ അവരെ പ്രാപ്‌തരാക്കി. അതിനെതിരായ സിംഹളരുടെ പ്രതിഷേധമാണ്‌ ആദ്യം തമിഴ്‌ വംശജരോടുള്ള വിവേചനത്തിനും പിന്നീട്‌ കലാപത്തിനും ആഭ്യന്തര യുദ്ധത്തിനുമൊക്കെ വഴിവച്ചത്‌. എത്രയോപേര്‍ അരുംകൊലയ്ക്കു ഇരയായി. ശ്രീലങ്കയിലെ അശാന്തിക്കു ഇനിയും ശമനമായിട്ടില്ല. വീണ്ടും ചോരപ്പുഴകള്‍ക്കായി കാത്തിരിക്കുംപോലെ അസ്വസ്ഥതകള്‍ അവിടെ നീറി നില്‍ക്കുകയാണ്‌.

വിയന്നയിലെ ചിത്രപാഠശാലയില്‍ പ്രവേശനം തേടി എത്തുമ്പോള്‍ അഡോള്‍ഫ്‌ ഹിറ്റ്‌ലറുടെ മനസ്സില്‍ ഒരേയൊരു ആഗ്രഹമേയുണ്ടായിരുന്നുള്ളൂ - ഒരു ചിത്രകാരനാകണമെന്ന്‌. യഹൂദരുടെ നിയന്ത്രണത്തിലായിരുന്നു അന്ന്‌ ആ ചിത്രപാഠശാല. യഹൂദ വിദ്യാര്‍ത്ഥികള്‍ക്കേ പ്രവേശനം കിട്ടിയുള്ളൂ. പ്രവേശനം നിഷേധിക്കപ്പെട്ട്‌ വിയന്നയില്‍ അരപ്പട്ടിണിയുമായി അലയേണ്ടി വന്ന ഹിറ്റ്‌ലറുടെ മനസ്സില്‍ അന്ന്‌ തുടങ്ങിയതാണ്‌ യഹൂദരോടുള്ള പക. ജര്‍മ്മനിയില്‍ യഹൂദര്‍ ന്യൂനപക്ഷമായിരുന്നു എങ്കിലും തന്ത്രശാലികളും സമര്‍ത്ഥരുമായിരുന്ന അവര്‍ക്കായിരുന്നു പല മേഖലകളിലും ആധിപത്യം. തന്റെ മനസ്സില്‍ ഉടലെടുത്ത പകയ്ക്കു ഹിറ്റ്‌ലര്‍ ആര്യപരിവേഷം നല്‍കി ഭൂരിപക്ഷത്തിന്റെ വികാരങ്ങള്‍ക്ക്‌ തീകൊളുത്തി. ലക്ഷക്കണക്കിന്‌ യഹൂദരുടെ ജീവനാണ്‌ ആ തീയില്‍ ഹോമിക്കപ്പെട്ടത്‌.

ചരിത്രത്തിലെ തീരാകളങ്കമായി നാസികള്‍ നടത്തിയ കൂട്ടക്കുരുതി ഇടം നേടി. എന്നാല്‍, ആഫ്രിക്കന്‍ രാജ്യമായ റുവാണ്ടയില്‍ നടന്ന കലാപങ്ങളും കൂട്ടക്കുരുതികളും ശ്രദ്ധിക്കപ്പെടാതെ പോയി,റുവാണ്ടയില്‍ 15 ശതമാനത്തിലും താഴെ മാത്രം അംഗസംഖ്യയുള്ള ടൂട്ട്‌സി ഗോത്രക്കാര്‍ക്കായിരുന്നു ആധിപത്യം. ഭൂരിപക്ഷം വരുന്ന ഹൂതു ഗോത്രക്കാര്‍ പൊതുവേ പൊക്കം കുറഞ്ഞവരാണ്‌. കോളനി വാഴ്ചക്കാലത്തുപോലും ഉയരം കൂടിയവരാണെന്ന നിലയില്‍ ടൂട്ട്‌സികള്‍ക്കാണ്‌ പ്രത്യേക പരിഗണന ലഭിച്ചത്‌. ഹൂതു ഗോത്രക്കാരുടെ പ്രതിഷേധം കാലാകാലങ്ങളില്‍ കലാപവും ആഭ്യന്തര യുദ്ധവുമായി മാറി. എട്ടുലക്ഷത്തോളം പേരാണ്‌ എല്ലാ കലാപങ്ങളിലും കൂടി കൂട്ടകശാപ്പിന്‌ ഇരയായത്‌.

അവഗണനയ്ക്കും മണ്ടന്മാരാക്കുന്നതിനുമെതിരായ ഭൂരിപക്ഷത്തിന്റെ ക്ഷോഭം പൊട്ടിത്തെറികളില്‍ എത്തിയതിന്‌ ചരിത്രമാണ്‌ സാക്ഷി. ലോകത്ത്‌ എവിടെയും അത്‌ സംഭവിക്കാം. സാഹചര്യങ്ങളാവാം പലപ്പോഴും വികാരങ്ങള്‍ക്കു തീ കൊളുത്തുക. താല്‍ക്കാലിക നേട്ടങ്ങള്‍ക്കു വേണ്ടി രാഷ്‌ട്രീയ തീരുമാനങ്ങള്‍ കൈക്കൊള്ളുംമുമ്പ്‌ ചരിത്രത്തിന്റെ പാഠങ്ങള്‍ ഗ്രഹിക്കേണ്ടതുണ്ട്‌. ചരിത്രത്തെക്കുറിച്ചുള്ള അജ്ഞത ഒരു ആഘോഷമാക്കി മാറ്റിയാല്‍ അപകടമാണ്‌.

കടപ്പാട്‌ : കേരളകൌമുദി ഓണ്‍ലൈന്‍

തിങ്കളാഴ്‌ച, മാർച്ച് 13, 2006

രാഷ്‌ട്രീയ പ്രബുദ്ധതയും പഴത്തൊലിയും

രാഷ്‌ട്രീയ പ്രബുദ്ധതയും പഴത്തൊലിയും
എസ്‌.എസ്‌. സതീശ്‌
രാഷ്‌ട്രീയ അതികായനായിരുന്ന പനമ്പിള്ളി ഗോവിന്ദ മേനോന്‍ 1957-ല്‍ കൊടകരയില്‍ സി.ജി. ജനാര്‍ദ്ദനനോട്‌ തോറ്റു. കോണ്‍ഗ്രസ്‌ സ്ഥാനാര്‍ത്ഥിയായിരുന്നു പനമ്പിള്ളി. എസ്‌.ആര്‍.പി നേതാവായി മാറിയ ജനാര്‍ദ്ദനന്‍ അന്ന്‌ പി. എസ്‌.പിയിലാണ്‌. ഫലം പുറത്തുവന്നപ്പോള്‍ പ്രതികരണം ആരാഞ്ഞ പത്രലേഖകരോട്‌ പനമ്പിള്ളി പരിഹാസത്തോടെയും ഒട്ടൊരു നിരാശയോടെയും പറഞ്ഞത്‌ "രാഷ്‌ട്രീയത്തിലെ ഒരു പഴത്തൊലിയില്‍ ചവിട്ടി ഞാന്‍ വീണുപോയി" എന്നാണ്‌.
രാഷ്‌ട്രീയ പ്രബുദ്ധതയില്‍ ഒരു മത്‌സരം നടത്തിയാല്‍ ഒന്നാംസമ്മാനം തന്നെ വേണമെന്ന്‌ മലയാളി ശഠിക്കും. ആദ്യത്തെ കമ്മ്യൂണിസ്റ്റ്‌ മന്ത്രിസഭയുടെ പിറവിയെക്കുറിച്ചും മറ്റും വാചാലരാകും. പഴത്തൊലിയെക്കുറിച്ചൊക്കെ ഇങ്ങനെ പറയിപ്പിക്കുന്നത്‌ എന്തെന്ന്‌ ചോദിച്ചാല്‍ മാത്രമേ ഉത്തരം കിട്ടാതെ വരൂ.
ആര്‍. ശങ്കര്‍, എം.എന്‍. ഗോവിന്ദന്‍ നായര്‍ തുടങ്ങി മാരാരിക്കുളത്ത്‌ വി.എസ്‌. അച്യുതാനന്ദന്‍ വരെ പരാജയപ്പെട്ടത്‌ ഓര്‍മ്മിപ്പിക്കുന്നത്‌ പുറത്തു പറയാന്‍ കൊള്ളാത്ത കാരണങ്ങളാല്‍ സംസ്ഥാനത്ത്‌ സങ്കുചിതമായിപ്പോകുന്ന രാഷ്‌ട്രീയ പ്രബുദ്ധതയുടെ അശ്‌ളീല ചിത്രമാണ്‌.
ചിന്തിക്കാനും നിഗമനങ്ങളില്‍ എത്താനും പരസഹായം വേണ്ടെന്ന്‌ ഭാവിക്കുന്ന മലയാളിയെ ജാതിയും മതവും മുതല്‍ സഹതാപവും പ്രചരണ കോലാഹലവും വരെ സ്വാധീനിക്കാറുണ്ടെന്നതാണ്‌ സത്യം. അടിയന്തരാവസ്ഥയിലെ ഏകാധിപത്യ വാഴ്ചയ്ക്കെതിരെ ഉത്തരേന്ത്യയിലെ നിരക്ഷരരായ ഗ്രാമീണര്‍ പോലും പ്രതികരിച്ചപ്പോള്‍ അച്ചടക്കം വന്നതിന്റെ ആഹ്‌ളാദ മൂര്‍ച്ഛയിലായിരുന്നു മലയാളി എന്നതും ചരിത്രം. തമിഴനെയോ തെലുങ്കനെയോ പോലെ വെള്ളിത്തിരയിലെ താരത്തിളക്കം കണ്ട്‌ ഭ്രമിച്ചിട്ടില്ലെന്ന വീമ്പിന്റെ കഥയും കഴിഞ്ഞ നിയമസഭാ തിരഞ്ഞെടുപ്പോടെ കഴിഞ്ഞു.
തിരഞ്ഞെടുപ്പില്‍ രാഷ്‌ട്രീയത്തേക്കാള്‍ പ്രധാനമാണ്‌ മതമെന്ന സത്യം പ്രബുദ്ധ കേരളം അംഗീകരിച്ചിട്ട്‌ കാലമേറെയായി. ജാതിയും ഇടപെടുന്നുണ്ട്‌. രാഷ്‌ട്രീയ നേതൃത്വങ്ങള്‍ക്കും അതില്‍ സംശയമില്ല. അപൂര്‍വമായി മാത്രമേ രാഷ്‌ട്രീയ നേതൃത്വങ്ങളുടെ കണക്കുകൂട്ടലുകളെ മറികടന്നുകൊണ്ട്‌ ജനം ജാതിയുടെയും മതത്തിന്റെയും അവിഹിതവും ശുദ്ധവുമായ ആഹ്വാനങ്ങളെ നിലംപരിശാക്കിയിട്ടുള്ളൂ.
മരിച്ച സാമാജികന്റെ ഭാര്യയുടെയോ മക്കളുടെയോ കണ്ണീരിനും തേങ്ങലിനും വോട്ട്‌ ചെയ്യുന്ന ഏര്‍പ്പാട്‌ മറ്റ്‌ സംസ്ഥാനങ്ങളില്‍ പണ്ടേയുണ്ട്‌. ഗോത്ര വികാരത്തിന്റെ അദൃശ്യ സ്വാധീനവും ആ സമ്മതിദാനത്തിലുണ്ടാകും.
സഹതാപത്തിന്റെ ഈ രാഷ്‌ട്രീയവും കേരളത്തിന്റെ പ്രബുദ്ധതയിലേക്ക്‌ കടന്നുവന്നു കഴിഞ്ഞു. കരച്ചിലിനും തേങ്ങലിനുമൊക്കെ നിയമ നിര്‍മ്മാണ സഭയില്‍ എന്ത്‌ പ്രസക്‌തി? അസുഖകരമായ ഒരു ചോദ്യമാണ്‌ അത്‌.
രാജീവ്‌ഗാന്‌ധിയുടെ കാര്യത്തിലെന്നപോലെ സഹതാപം സാര്‍ത്ഥകമായ സന്ദര്‍ഭങ്ങളുമുണ്ട്‌.
പ്രചരണ കോലാഹലം വിധിയെഴുത്തില്‍ ചെലുത്തുന്ന സ്വാധീനമാണ്‌ ഏറ്റവും അപഹാസ്യം. ശബളാഭമായ പോസ്റ്ററുകളും നാടുനീളെയുള്ള ചുവരെഴുത്തുകളും മണ്‌ഡലത്തില്‍ സ്ഥാനാര്‍ത്ഥിക്കുള്ള സ്വാധീനത്തിന്റെയും ജനപിന്തുണയുടെയും അടയാളങ്ങളായി പരിഗണിച്ചാല്‍ എന്തു ചെയ്യും? ഏതു കാര്യത്തിനും പ്രൊഫഷണലുകളുടെ സേവനം വിലയ്ക്കു വാങ്ങാന്‍ കിട്ടുന്ന കാലമാണ്‌. പ്രചരണം കൊഴുപ്പിക്കാന്‍ കള്ളപ്പണത്തിന്റെ ഊര്‍ജ്ജം മാത്രം മതി. ജയിച്ചാല്‍ ഭാവിയില്‍ ബുദ്ധിമുട്ടാകുമെന്ന്‌ തോന്നുന്ന സ്ഥാനാര്‍ത്ഥികള്‍ക്കെതിരെ സ്ഥാപിത താത്‌പര്യക്കാരായ കള്ളപ്പണക്കാര്‍ ഇതൊക്കെ ചെയ്യാറുമുണ്ട്‌. മണ്‌ഡലത്തിലെമ്പാടും ബഹുവര്‍ണ്ണ പോസ്റ്ററുകള്‍ കണ്ടില്ലെങ്കില്‍ ആ സ്ഥാനാര്‍ത്ഥിയോടൊപ്പം ആളില്ലെന്ന മുന്‍വിധിയില്‍ എത്തുകയാണ്‌ ഇപ്പോള്‍ പതിവ്‌. വിമത ഗ്രൂപ്പ്‌ ഇടഞ്ഞു നില്‍ക്കുകയാണെന്ന അഭ്യൂഹം പോസ്റ്ററുകള്‍ക്ക്‌ പണം മുടക്കിയവര്‍ തന്നെ പ്രചരിപ്പിച്ചുകൊള്ളും. മാധ്യമങ്ങളില്‍ രാഷ്‌ട്രീയ നിരീക്ഷകരുടെ വിലയിരുത്തലും ചിലപ്പോള്‍ ആ അഭ്യൂഹത്തിന്റെ അടിസ്ഥാനത്തിലായിരിക്കും.
ഓസോണ്‍ പാളിയെപ്പോലെ തുളവീണ നിലയിലാണ്‌ മലയാളിയുടെ രാഷ്‌ട്രീയ പ്രബുദ്ധത. നഗ്‌ന നേത്രങ്ങള്‍ക്കു കാണാനാവില്ല. ആ തുള വലുതാകാതെ നോക്കേണ്ടതുണ്ട്‌. ഇല്ലെങ്കില്‍ ദുരന്തമായിരിക്കും ഫലം.

കടപ്പാട്‌: കേരളകൌമുദി ഓണ്‍ലൈന്‍

കെന്നഡിയെ വധിച്ചതും വാര്‍ത്തയെ മുക്കിയതും

കെന്നഡിയെ വധിച്ചതും വാര്‍ത്തയെ മുക്കിയതും
എന്‍. രാമചന്ദ്രന്‍

പത്രപവര്‍ത്തന രംഗത്ത്‌ ഗ്‌ളാമര്‍ ബോയ്‌സ്‌ റിപ്പോര്‍ട്ടര്‍മാരാണ്‌. അവരുടെ പേരില്‍ റിപ്പോര്‍ട്ടുകള്‍ പ്രസിദ്ധീകരിക്കും. അവരെ ആളുകള്‍ അറിയും. അവരുടെ പേരില്‍ സ്കൂപ്പുകള്‍ പ്രസിദ്ധീകരിച്ചുവരും. അതിന്‌ അവാര്‍ഡുകള്‍ കിട്ടിയെന്നുംവരും. അവര്‍ക്ക്‌ ഉദ്യോഗസ്ഥ പ്രമുഖരുമായി ബന്‌ധങ്ങളുണ്ടാകും. മന്ത്രിമാരുമായി അടുപ്പം ഉണ്ടാകും. അവര്‍ പത്രപ്രവര്‍ത്തന രംഗത്തെ പ്രമാണിമാരാകും.

എന്നാല്‍ പത്രത്തിന്റെ 'സ്റ്റീല്‍ ഫ്രെയിം' ഓഫീസിലിരിക്കുന്നവരാണ്‌. സബ്‌ എഡിറ്റര്‍മാര്‍, സീനിയര്‍ സബ്‌ എഡിറ്റര്‍മാര്‍, ചീഫ്‌ സബ്‌ എഡിറ്റര്‍മാര്‍, ഡെപ്യൂട്ടി എഡിറ്റര്‍മാര്‍, ന്യൂസ്‌ എഡിറ്റര്‍മാര്‍, അസോസിയേറ്റ്‌ എഡിറ്റര്‍മാര്‍ ഇങ്ങനെ ഒരുകൂട്ടം ആള്‍ക്കാര്‍ അടങ്ങുന്നതാണ്‌ ആ സ്റ്റീല്‍ ഫ്രെയിം. അവരാണ്‌ പത്രത്തിന്‌ രൂപം നല്‍കുന്നത്‌. റിപ്പോര്‍ട്ടര്‍മാര്‍ അഭ്യാസമൊക്കെ കാണിച്ച്‌ വാര്‍ത്ത കൊണ്ടുവരുമെങ്കിലും ആ വാര്‍ത്ത പ്രസിദ്ധീകരിക്കണമോ എന്ന്‌ തീരുമാനിക്കുന്നതും ആവശ്യമെങ്കില്‍ വെട്ടിച്ചുരുക്കുന്നതും എഡിറ്റ്‌ ചെയ്‌ത്‌ തലക്കെട്ട്‌ നിശ്ചയിക്കുന്നതും ന്യൂസ്‌ റൂമിലിരിക്കുന്നവരാണ്‌. അവരെ അധികംപേര്‍ അറിയുകയില്ല.സമയവുമായി യുദ്ധം ചെയ്യുന്നവരാണവര്‍. അവര്‍ അനുഭവിക്കുന്ന സംഘര്‍ഷങ്ങള്‍ പുറത്താര്‍ക്കും അറിയില്ല. എല്ലാ വാര്‍ത്തയും പത്രത്തില്‍ വരണം. പത്രം സമയത്തിന്‌ അച്ചടിക്കണം. തെറ്റ്‌ കൂടാതെ അച്ചടിക്കണം. വാര്‍ത്തകളുടെ കാര്യത്തില്‍ ഒരു പത്രത്തിന്റെയും പിന്നിലായിപ്പോകരുത്‌ - എന്നിങ്ങനെയുള്ള ചിന്തകള്‍ സൃഷ്‌ടിക്കുന്ന സംഘര്‍ഷം അനുഭവിക്കുന്നവരാണവര്‍. അവരെ സംബന്‌ധിച്ച്‌ സമയം വലിയൊരു 'ടെറര്‍' പോലെ നില്‍ക്കും. അവര്‍ക്ക്‌ ലഭിക്കുന്ന പ്രശംസ പത്രം ഓഫീസില്‍ ഒതുങ്ങിനില്‍ക്കും.

മറക്കാത്ത പല അനുഭവങ്ങളുമുണ്ട്‌. ഒന്ന്‌ ഞാന്‍ പറയാം. ഞാന്‍ കേരളകൌമുദിയില്‍ ഒരു ഷിഫ്റ്റിന്റെ ചുമതലക്കാരനായ അസിസ്റ്റന്റ്‌ എഡിറ്ററായിരുന്ന കാലത്താണ്‌ ആ സംഭവം നടന്നത്‌. ഒരുദിവസം രാത്രി ഓഫീസിലെ ജോലിയൊക്കെ കഴിഞ്ഞ്‌ ഞാന്‍ ഇറങ്ങാന്‍ തുടങ്ങുകയായിരുന്നു. പ്രിന്റിംഗ്‌ നടക്കുന്നു. രാത്രി ഒരു മണിയാകും. അപ്പോള്‍ ടെലിപ്രിന്ററിന്റെ മണിയൊച്ച കേട്ടു. ഫ്‌ളാഷ്‌ ന്യൂസ്‌ വരുമ്പോഴാണ്‌ അതറിയിച്ചുകൊണ്ട്‌ പ്രത്യേക ബെല്‍ ടെലിപ്രിന്റര്‍ പുറപ്പെടുവിക്കുന്നത്‌. ഞാന്‍ ചെന്നുനോക്കിയപ്പോള്‍ “Flash : President Kennedy shot at. A clergy man coming out of theatre said he is still living” എന്ന ഞെട്ടിക്കുന്ന വാക്കുകള്‍. അമേരിക്കന്‍ പ്രസിഡന്റിന്‌ വെടിയേറ്റിരിക്കുന്നു. ഞാന്‍ ഫോര്‍മാനെ വിളിച്ച്‌ അച്ചടി നിര്‍ത്താന്‍ പറഞ്ഞു. ഉടനെ മണിയെ (എം.എസ്‌. മണി) വിളിച്ചുണര്‍ത്തി. മണി വന്നു. ഡല്‍ഹിയിലെ അന്നത്തെ ഞങ്ങളുടെ ലേഖകനായിരുന്ന കെ. ഗോപിനാഥനും ഒപ്പമുണ്ടായിരുന്നു. എല്ലാവര്‍ക്കും അമ്പരപ്പ്‌. മണി കട്ടന്‍കാപ്പി ഓര്‍ഡര്‍ ചെയ്‌തു.

കൂടുതല്‍ വിവരങ്ങള്‍ ടെലിപ്രിന്റര്‍ തുടരെ തന്നുകൊണ്ടിരുന്നു. അതൊക്കെ ഞാന്‍ എഴുതി കമ്പോസിംഗിന്‌ കൊടുത്തുകൊണ്ടിരുന്നു. കമ്പോസിംഗ്‌ തീരുംമുമ്പേ അമേരിക്കന്‍ പ്രസിഡന്റ്‌ കെന്നഡി വെടിയേറ്റ്‌ മരിച്ചു എന്ന ഫ്‌ളാഷ്‌ വന്നു. ആദ്യത്തെ ഇന്‍ട്രോ മാറ്റി എഴുതി നേരത്തെ എഴുതിയ വിവരങ്ങള്‍ ആദ്യം കിട്ടിയ വാര്‍ത്ത എന്ന തലക്കെട്ടില്‍ ചേര്‍ത്തുകൊണ്ട്‌ മെയിന്‍ സ്റ്റോറി തയ്യാറാക്കി.
ഒരു ഹെലികോപ്റ്റര്‍ അപകടത്തില്‍ ഇന്ത്യയുടെ ആറ്‌ പ്രധാനപ്പെട്ട സൈനിക ഉദ്യോഗസ്ഥന്‌മാര്‍ മരിച്ച വാര്‍ത്ത വലിയ തലക്കെട്ടില്‍ മെയിന്‍ സ്റ്റോറിയായി കൊടുത്തിരിക്കുകയായിരുന്നു. ആ വാര്‍ത്ത താഴോട്ടിറക്കി പേജ്‌ റീമേക്ക്‌ ചെയ്യാന്‍ ഫോര്‍മാനോട്‌ പറഞ്ഞു. ഏത്‌ അടിയന്തരാവസ്ഥയെയും പുഞ്ചിരിയോടെ നേരിടാന്‍ കരുത്തുള്ള കുഞ്ചുഫോര്‍മാന്‍ (ശ്രീധരന്‍ നായര്‍) പേജ്‌ അഴിച്ച്‌ പുതിയ പേജ്‌ ഉണ്ടാക്കി തുടങ്ങി. താമസിച്ചെത്തിയ വാര്‍ത്ത എട്ട്‌ കോളം തലക്കെട്ടില്‍ പ്രസിദ്ധീകരിച്ച അപൂര്‍വ്വ സംഭവമായിരുന്നു അത്‌.
എട്ടുകോളം (മത്തങ്ങ വലിപ്പത്തില്‍) 'കെന്നഡിയെ വെടിവച്ചുകൊന്നു" എന്ന തലക്കെട്ടുള്ള വാര്‍ത്തയുമായി പത്രം അച്ചടിച്ചു. വൈകിയാണ്‌ അച്ചടി തീര്‍ന്നത്‌. ഏജന്റുമാര്‍ക്ക്‌ പത്രം എത്തിക്കുന്നതിനൊക്കെ മണി വണ്ടി ഏര്‍പ്പാടുചെയ്‌തു.

തിരുവനന്തപുരത്തുവന്ന മറ്റു മലയാളം പത്രങ്ങളില്‍ ആ വാര്‍ത്ത കണ്ടില്ല. കേരളകൌമുദിയുടെ എക്‌സ്ക്‌ളൊോസെവ്‌ വാര്‍ത്തപോലെയായി അത്‌. അതും എട്ടുകോളം തലക്കെട്ടില്‍. ഇംഗ്‌ളീഷ്‌ പത്രങ്ങളുടെ കൂട്ടത്തില്‍ ഇന്ത്യന്‍ എക്‌സ്‌പ്രസില്‍ സ്റ്റോപ്പ്‌ പ്രസ്‌ വാര്‍ത്തയായി സിംഗിള്‍ കോളത്തില്‍ പ്രസിദ്ധീകരിച്ചിരുന്നു. സ്റ്റേറ്റ്‌സ്‌മാന്‍ പത്രം അത്‌ പ്രധാന വാര്‍ത്തയായി പ്രസിദ്ധീകരിച്ചുവെന്ന്‌ പിന്നീടറിഞ്ഞു.

രാവിലെ ഞാന്‍ ഓഫീസിലെത്തി. എല്ലാവരും അഭിനന്ദിച്ചു. പത്രാധിപര്‍ മുറിയിലേക്ക്‌ എന്നെ വിളിച്ച്‌ നേരിട്ട്‌ അനുമോദിച്ചു. ഒരു കവര്‍ എനിക്ക്‌ തന്നു. അങ്ങനെയൊരു സംഭവം ഓഫീസില്‍ ആദ്യമായിരുന്നു. അവാര്‍ഡുകളില്ലാത്ത കാലത്ത്‌ എനിക്ക്‌ കിട്ടിയ അവാര്‍ഡായിരുന്നു അത്‌.

ഒരു വാര്‍ത്ത കൈയില്‍ കിട്ടിയിട്ടും അച്ചടിക്കാതിരുന്നത്‌ വാര്‍ത്തയായ ഒരനുഭവവും എനിക്കുണ്ടായി.ന്യൂസ്‌ റൂമിനകത്തെ സംഘര്‍ഷത്തിന്റെ ഒരു ഉദാഹരണമാണത്‌.വൈകിട്ട്‌ നാലുമണിക്ക്‌ കിട്ടിയ വാര്‍ത്ത പ്രസിദ്ധീകരിക്കേണ്ടെന്ന തീരുമാനമെടുത്ത ദിവസം അനുഭവിച്ച മാനസികമായ പിരിമുറുക്കം ഇന്നും മറന്നിട്ടില്ല.

ന്യൂസ്‌ ഏജന്‍സി (യു.എന്‍. ഐ) ഒരു ഫ്‌ളാഷ്‌ അടിച്ചു. ഒറ്റവരി ഫ്‌ളാഷ്‌. “Sasikala Kakodkar Chief Minister of Goa passed away” ഈ ഒരുവരി അടിച്ചുകഴിഞ്ഞിട്ട്‌ കൂടുതലായി ഒരു വരിയും വന്നില്ല. മഴയും കൊടുങ്കാറ്റും മൂലം ടെലിപ്രിന്റര്‍ ബന്‌ധം ഛേദിക്കപ്പെട്ടിരുന്നു. കൂടുതല്‍ വിവരങ്ങള്‍ക്കായി ഞാന്‍ യു. എന്‍. ഐ ഓഫീസുമായി ഫോണില്‍ ബന്‌ധപ്പെട്ടു. ലൈന്‍ തകരാറിലായതിനാല്‍ അവര്‍ നിസ്സഹായരായിരുന്നു. ഞാനാകെ പരിഭ്രമിച്ചു. ഏഴരയുടെ ആകാശവാണി വാര്‍ത്ത ശ്രദ്ധിച്ചുകേട്ടു. അതില്‍ ഇക്കാര്യം പറഞ്ഞില്ല. വീണ്ടും ഒന്‍പതുമണിയുടെ ഇംഗ്‌ളീഷ്‌ വാര്‍ത്ത ശ്രദ്ധിച്ചു. അതിലും പറഞ്ഞില്ല. ഒരു സംസ്ഥാനത്തെ മുഖ്യമന്ത്രി മരിച്ചാല്‍ ആകാശവാണി അറിയാതിരിക്കുമോ? ഗോവ മുഖ്യമന്ത്രി മരിച്ചതായ ഏജന്‍സി വാര്‍ത്ത നമ്മുടെ പത്രത്തില്‍ അച്ചടിക്കേണ്ട എന്ന്‌ ഞാന്‍ തീരുമാനിച്ചു. പത്തരയായപ്പോള്‍ എല്ലാ പേജും റിലീസ്‌ ചെയ്‌ത്‌ പത്രം അച്ചടിക്കാന്‍ തുടങ്ങി. എന്റെ ടെന്‍ഷന്റെ ഗ്രാഫ്‌ മുകളിലേക്ക്‌ മുകളിലേക്ക്‌ പൊയ്ക്കൊണ്ടിരുന്നു. ഒരുപക്ഷേ, ആകാശവാണിക്ക്‌ ആ വാര്‍ത്ത കിട്ടാതെ വന്നതാണെങ്കിലോ? ഒരു പ്രധാന വാര്‍ത്ത 'കേരളകൌമുദി' മിസ്‌ ചെയ്യില്ലേ? ഡല്‍ഹിയിലേക്ക്‌ വിളിക്കാന്‍ ഫോണ്‍ കണക്ഷന്‍ തരാറിലുമാണ്‌. മുഖ്യമന്ത്രി അച്ചുതമേനോന്റെ പ്രൈവറ്റ്‌ സെക്രട്ടറിയും എന്റെ അടുത്ത സുഹൃത്തുമായ കെ. ഗോവിന്ദപ്പിള്ളയെ വിളിച്ചുണര്‍ത്തി. പൊലീസിന്റെ വയര്‍ലെസ്‌ സംവിധാനം ഉപയോഗപ്പെടുത്തി ഡല്‍ഹിയുമായി ബന്‌ധപ്പെട്ട്‌ വിവരം അന്വേഷിച്ച്‌ തരാന്‍ ഞാന്‍ പറഞ്ഞു. അദ്ദേഹം കുറച്ചുസമയം കഴിഞ്ഞ്‌ എന്നെ വിളിച്ചു. ഡല്‍ഹിയില്‍ അങ്ങനെയൊരു വിവരം കിട്ടിയിട്ടില്ലെന്നു പറഞ്ഞു. ആകാശവാണിയും ആഭ്യന്തര വകുപ്പും അറിയാത്ത വിവരം അച്ചടിക്കാതിരുന്ന എന്റെ തീരുമാനം ശരിതന്നെ എന്ന്‌ സ്വയം ആശ്വസിച്ചു. എങ്കിലും ഞാന്‍ ഓഫീസില്‍ കാത്തിരുന്നു.
രാത്രി രണ്ടുമണി കഴിഞ്ഞപ്പോള്‍ ടെലിപ്രിന്റര്‍ ഉണര്‍ന്നു. ബെല്ല്‌ കേട്ട്‌ ഞാന്‍ ചെന്നു നോക്കിയപ്പോള്‍ “Kill Kill Kakodkar story” എന്ന്‌ (വാര്‍ത്ത തെറ്റാണെന്നും അതു കൊടുക്കരുതെന്നുമുള്ള മുന്നറിയിപ്പ്‌) തുടരെത്തുടരെ ടെലിപ്രിന്റര്‍ അടിച്ചുകൊണ്ടിരിക്കുന്നു. വാര്‍ത്ത തെറ്റായിരുന്നുവെന്ന്‌ വിശദീകരണവും വന്നു. പക്ഷേ സംഭവിച്ചതെന്താ? പല പത്രങ്ങളിലും ഒന്നാംപേജില്‍ ഗോവ മുഖ്യമന്ത്രി മരിച്ചു എന്ന പടം സഹിതമുള്ള വാര്‍ത്ത വന്നു!

യു.എന്‍.ഐയുടെ സര്‍വീസുള്ള സകലമാന പത്രങ്ങളും ഈ വാര്‍ത്ത ഫോട്ടോ സഹിതം പ്രസിദ്ധീകരിച്ചു. പിറ്റേദിവസം ഈ പത്രങ്ങളെല്ലാം യു.എന്‍.ഐയ്ക്ക്‌ പറ്റിയ പിശകുമൂലം സംഭവിച്ച തെറ്റിന്‌ വായനക്കാരോട്‌ ക്ഷമാപണം നടത്തേണ്ടിവന്നു. വാര്‍ത്ത കൊടുക്കാതിരുന്ന കേരളകൌമുദിയുടെ നിലപാട്‌ പരക്കെ ചര്‍ച്ചചെയ്യപ്പെട്ടു.

യു.എന്‍.ഐ പോലുള്ള ഏജന്‍സിക്ക്‌ എങ്ങനെ ഇത്തരത്തില്‍ ഒരു പിഴവു പറ്റി എന്നന്വേഷണമായി. അന്ന്‌ ഒരു തുമ്പും കിട്ടിയില്ല. പിന്നീട്‌ വിശദമായി അറിയാന്‍ കഴിഞ്ഞു. യു.എന്‍. ഐയുടെ ചീഫ്‌ ആയ മിര്‍ച്ഛന്ദാനി തിരുവനന്തപുരം സന്ദര്‍ശനത്തിനെത്തിയപ്പോള്‍ എം.എസ്‌. മണി അദ്ദേഹത്തിന്‌ വിരുന്നു നല്‍കി. എന്നെയും ക്ഷണിച്ചിരുന്നു. ഈ സംഭവത്തെക്കുറിച്ച്‌ ഞാന്‍ സ്വകാര്യമായി ചോദിച്ചപ്പോള്‍ മിര്‍ച്ഛന്ദാനി ആ 'കഥ' പറഞ്ഞു.

ഗോവയിലെ യു.എന്‍.ഐ ഓഫീസ്‌ ഒരു സംഘം വിദ്യാര്‍ത്ഥികള്‍ സന്ദര്‍ശിച്ചു. അവിടത്തെ ഉദ്യോഗസ്ഥര്‍ കുട്ടികള്‍ക്ക്‌ ഓഫീസിന്റെ പ്രവര്‍ത്തനം വിവരിച്ചുകൊടുത്ത കൂട്ടത്തില്‍ ഒരു പ്രധാന വാര്‍ത്ത ഉണ്ടായാല്‍ എങ്ങനെ അത്‌ യു. എന്‍. ഐ കൈകാര്യം ചെയ്യുമെന്ന്‌ കാണിച്ചുകൊടുക്കുന്നതിനുവേണ്ടി ഗോവ മുഖ്യമന്ത്രിയുടെ പിതാവും അന്തരിച്ച മുന്‍ മുഖ്യമന്ത്രിയായിരുന്ന കകോട്കര്‍ മരിച്ചപ്പോള്‍ വാര്‍ത്ത നല്‍കിയത്‌ Goa CM Kakodkar Passed away ന്ന്‌ ടെലിപ്രിന്ററില്‍ അടിച്ചു കാണിച്ചുകൊടുത്തു. പുറത്തേക്കുള്ള ലൈന്‍ ഓഫ്‌ ചെയ്യുന്നതിന്‌ ഓപ്പറേറ്റര്‍ മറന്നുപോയിരുന്നു.
പെട്ടെന്ന്‌ കൊടുങ്കാറ്റ്‌ മൂലം ടെലിപ്രിന്റര്‍ ലൈനുകള്‍ പോയി. ബോംബെ ഓഫീസ്‌ ഗോവ ഓഫീസിന്‌ തെറ്റുപറ്റിയെന്നു കരുതി അപ്പോഴത്തെ മുഖ്യമന്ത്രിയുടെ പേര്‍-ശശികലാ കകോട്കര്‍ എന്ന്‌ തിരുത്തി ച്ചേര്‍ത്ത്‌ മറ്റു സെന്ററുകളിലേക്ക്‌ വാര്‍ത്ത അയച്ചു. എല്ലാ ലൈനുകളും തകരാറിലായതിനാല്‍ രാത്രി 2 മണിവരെ ആര്‍ക്കും ഒന്നും തിരുത്താന്‍ കഴിഞ്ഞില്ല. ഇതാണ്‌ മിര്‍ച്ഛന്ദാനി പറഞ്ഞ കഥ. അതിന്‌ ഞാന്‍ അനുഭവിച്ച മാനസികമായ പ്രയാസം ഒരിക്കലും മറക്കുകയില്ല.

ശനിയാഴ്‌ച, മാർച്ച് 11, 2006

'ഓര്‍ക്കുക വേലുക്കുട്ടി അരയനെ'

'ഓര്‍ക്കുക വേലുക്കുട്ടി അരയനെ'
സ്വാമി ബ്രഹ്‌മവ്രതന്‍
ഡോ. വി.വി. വേലുക്കുട്ടി അരയന്‍ അക്ഷരാര്‍ത്ഥത്തില്‍ ഒരു സഹസ്രമുഖനോ ശതമുഖനോ ആയിരുന്നു എന്ന്‌ പറയുന്നത്‌ അതിശയോക്തിയാണെങ്കില്‍ കുറഞ്ഞപക്ഷം ഒരു ദശമുഖനെങ്കിലുമായിരുന്നു. ആ മുഖങ്ങളിലെല്ലാം തന്നെ അപാര ധീരതയുടെ തേജസ്സും അത്ഭുതകരമായ കര്‍മ്മണ്യതയുടെ ഓജസ്സും നിതാന്തകാന്തിയോടെ ഓളം തുളുമ്പിയിരുന്നു. ഒരു വൈദ്യവിദ്യാവിശാരദന്‍, നിഷ്‌പക്ഷമതിയും നിശിതധര്‍മ്മവ്രതനുമായ ഒരു പത്രാധിപന്‍, ഭാവനാസുന്ദരനായ ഒരു വരകവി. പിന്നില്‍ പ്രതിഭയും മുന്നില്‍ ശാസ്‌ത്രവൈദ്യവുമായി ശക്തനായി നിന്ന ഒരു നിരൂപകന്‍. ഔചിത്യബോധം അനുഗ്രഹിച്ച ഒരു അതുല്യ വാഗ്‌മി, അതികായനായ ഒരു സാഹിത്യകാരന്‍, സരസ സംഭാഷണചതുരന്‍ - എന്നു വേണ്ടാ, ആരായിരുന്നില്ല ഡോ. വേലുക്കുട്ടി അരയന്‍!
ഡോക്‌ടര്‍ ആദ്യമായും അവസാനമായും ഒരു സമുദായോദ്ധാരകനായിരുന്നു എന്നറിയുന്നവര്‍ 60 വര്‍ഷം മുമ്പുള്ള അരയസമുദായത്തിന്റെ സ്ഥിതി എന്തായിരുന്നുവെന്ന്‌ ചിന്തിക്കാറില്ല. ഒരു ഡോക്‌ടര്‍ കോമനോ, ഒരു റാവുബഹദൂര്‍ വി.വി. ഗോവിന്ദനോ, അങ്ങനെ സമുദായാന്തരീക്ഷത്തില്‍ അപൂര്‍വം അത്യുജ്വല ഗോളങ്ങള്‍ ഉണ്ടായിരുന്നു എന്നുള്ളതും സത്യം തന്നെ. പക്ഷേ, അവയുടെ പ്രകാശരശ്‌മികള്‍ "താഴെത്തമോഭൂമി" യിലെ അരയസമുദായത്തിന്റെ ഉറക്കമുണര്‍ത്തിയില്ല. ആ ഇരുളടഞ്ഞ നാളുകളില്‍ സമുദായാഭിമാനത്തിന്റെ തീപ്പന്തമേന്തിനിന്ന്‌ ആ സമുദായോദ്ധാരകര്‍ത്താവ്‌, നായര്‍ സമുദായത്തിന്‌ സി. കൃഷ്‌ണപിള്ളയും മന്നത്തു പത്‌മനാഭനും ഈഴവസമുദായത്തിന്‌ ഡോ.പി. പല്‍പുവും ടി.കെ. മാധവനും പുലയര്‍ സമുദായത്തിന്‌ അയ്യന്‍കാളിയുമെന്നപോലെയായിരുന്നു അരയസമുദായത്തിന്‌ ഡോ. വേലുക്കുട്ടി അരയന്‍. അദ്ദേഹത്തിന്റെ ദീര്‍ഘവീക്ഷണത്തോടുകൂടിയുള്ള സമുദായോത്തേജന ശ്രമങ്ങളില്‍ പലതിലും ഭാഗഭാക്കും പലപ്പോഴും ഒരു കര്‍മ്മസാക്ഷിയുമായിരുന്ന ഈ ലേഖകന്‌ പറയാന്‍ കഴിയും അക്കാലം അദ്ദേഹം ഭ്രാന്തിന്‌ മരുന്നുകൊടുക്കുന്ന ഒരു ഡോക്‌ടര്‍ ആയിരുന്നു എന്ന്‌.
സമുദായോന്നമനത്തിനുള്ള പ്രധാനായുധമായിരുന്നു സ്വന്തം ഉടമസ്ഥതയിലും പത്രാധിപത്യത്തിലും സ്വന്തം പ്രസില്‍ നിന്നും പ്രസിദ്ധീകരിച്ച " അരയന്‍"' പത്രം. വലിയ സമ്പന്നനല്ലായിരുന്ന ഒരു സമുദായപരിഷ്കര്‍ത്താവിന്റെ ആവേശോജ്ജ്വലമായ ധീരസാഹസികത മാത്രമാണ്‌ പ്രസിന്റെയും പത്രത്തിന്റെയും പിന്നില്‍ ജാഗരിച്ചിരുന്നത്‌. പത്രധര്‍മ്മം എന്തെന്നറിയാമായിരുന്ന പത്രാധിപര്‍ പത്രത്തിന്റെ പേജുകള്‍ അരയസമുദായ പ്രശ്‌നങ്ങള്‍ക്ക്‌ മാത്രമായി ഉപയോഗിച്ചിരുന്നില്ല.
ഈ ധീരനായ പടയാളിയില്‍ ഉന്നതനായ ഒരു സല്‍ക്കവിയുമുണ്ടായിരുന്നു എന്ന വസ്തുത അറിഞ്ഞവര്‍ കേരളത്തില്‍ എത്ര പേരുണ്ടായിരിക്കും? അദ്ദേഹം ഭാവനാ സമ്പന്നനായ ഒരു കവിയായിരുന്നു. പക്ഷേ, കവിയശഃ പ്രാര്‍ത്ഥിയായിരുന്നില്ല. "കാവ്യം യശസ്സേര്‍ത്ഥകൃതേ" എന്നിങ്ങനെ കാവ്യ കൃത്ഫലങ്ങളെപ്പറ്റി ശാസിച്ച ആചാര്യനെ നല്ലവണ്ണം പഠിച്ചിരുന്നിട്ടും സ്വാത്‌മ ചോദിതനായ ആ സാക്ഷാല്‍ കവിയഃശസ്സിനും അര്‍ത്ഥത്തിനുവേണ്ടി കളകോമളാംഗിയായ തന്റെ കവിതാ കാമിനിയെ നൃത്തം ചവിട്ടിച്ചില്ല. എന്നാല്‍, " സതതോത്ഥായിയും രസജ്ഞനു'മായ കവിയുടെ ഭാവനാസുരഭിലമായ കാവ്യകാരകത്തെ ഉള്ളൂര്‍ മഹാകവി, എത്ര ഹൃദയസ്‌പൃക്കായിട്ടാണ്‌ രേഖപ്പെടുത്തിയിരിക്കുന്നത്‌! 1120ല്‍, മഹാകവി കുമാരനാശാനോട്‌ ഡോക്‌ടര്‍ക്കുണ്ടായിരുന്ന ബഹുമുഖ ബന്‌ധത്തിന്റെ സ്‌മാരകമായി പ്രസിദ്ധീകരിച്ച ഒരു സമാഹാരമാണല്ലോ "പദ്യകുസുമാഞ്ജലി". ആ ഒരൊറ്റ കൃതി മതി, വിനയം തടസ്സമായി നിന്നിരുന്നില്ലെങ്കില്‍ തന്റെ സമകാലിക കവികളുടെ മുന്നില്‍ ചാടിക്കടന്ന്‌, അഗ്രിമ പീഠസ്ഥനാകുവാന്‍.
ഡോക്‌ടര്‍ അരയന്‍ ഒരു കവിയും അതേസമയം ഒരു നിരൂപകനുമായിരുന്നു. അതുതന്നെയാകാം അദ്ദേഹത്തിന്റെ കാവ്യകൃതികളില്‍ ആന്ദോളനം ചെയ്യുന്ന അവികല മാധുരിയുടെ കാരണവും. തകഴി ശിവശങ്കരപ്പിള്ളയുടെ 'ചെമ്മീന്‍" എന്ന കെട്ടുകഥയ്ക്ക്‌ ഡോക്‌ടര്‍ എഴുതിയ ഒരു നിരൂപണമുണ്ടല്ലോ. അതൊന്നുമതി ഡോക്‌ടറിലെ നിരൂപകന്റെ ഘനഗാംഭീര്യം വ്യക്തമാക്കാന്‍.
പദ്യകുസുമാഞ്ജലി, ശ്രീ ചൈത്രബുദ്ധന്‍, ചെമ്മീന്‍ നിരൂപണം, രസലക്ഷണസമുച്ചയം, ലഘുകഥാകൌമുദി, ഭാഗ്യപരീക്ഷകള്‍, ദീനയായ ദമയന്തി, മത്സ്യവും മതവും, ക്‌ളാവുദീയ അഥവാ ദിവ്യപ്രേമം, ഒരദ്ധ്യക്ഷ പ്രസംഗം, ശര്‍മ്മദ, ഒരിംഗ്‌ളീഷ്‌ ആഖ്യായികയുടെ സ്വതന്ത്ര വിവര്‍ത്തനം തുടങ്ങി നിരവധി ഗ്രന്ഥങ്ങള്‍ വേലുക്കുട്ടി അരയന്‍ എഴുതി.
പരേതനായ ഡോ. വി.വി. വേലുക്കുട്ടി അരയന്‍ ബഹുമുഖവിലാസം തികഞ്ഞ ഒരപൂര്‍വ്വ സിദ്ധിമാനായിരുന്നു എന്ന്‌ തീര്‍ച്ച.
(1976ല്‍ സ്വാമി ബ്രഹ്‌മവ്രതന്‍ എഴുതിയ ഒരു ലേഖനത്തില്‍ നിന്ന്‌)

കടപ്പാട്‌: കേരളകൌമുദി ഓണ്‍ലൈന്‍

ദേവദാരുപോലെ...

ദേവദാരുപോലെ...
പി.പി. ജയിംസ്‌

ഒരിക്കല്‍ വെള്ളയമ്പലത്തെ അരമനയിലിരുന്ന്‌ സൌഹൃദം പങ്കിടുകയായിരുന്നു. സ്വതസ്സിദ്ധമായ നിഷ്കളങ്കതയോടെ ആര്‍ച്ച്‌ ബിഷപ്‌ ഡോ. സൂസാപാക്യം പറഞ്ഞു : "മെത്രാന്‍ പദവി വലിയ അലങ്കാരമാണെന്ന്‌ പുറത്തുള്ളവര്‍ക്ക്‌ തോന്നും. ചിലപ്പോഴൊക്കെ സ്വര്‍ണക്കൂട്ടിലെ പക്ഷിയുടെ അവസ്ഥയാണ്‌. പരിമിതികള്‍ ഏറെയാണ്‌. ഏതെങ്കിലും കൊച്ചുഗ്രാമത്തില്‍ പാവപ്പെട്ട മനുഷ്യരോടൊപ്പം അവരുടെ വേദനയും സന്തോഷവും പങ്കിട്ട്‌ സാധാരണ വൈദികനായി കഴിയാന്‍ സ്വകാര്യമായിട്ടെങ്കിലും മോഹിച്ചുപോയിട്ടുണ്ട്‌." ഈ ആഗ്രഹപ്രകടനം ഭംഗിവാക്കല്ലെന്ന്‌ ഡോ. സൂസാപാക്യത്തെ അടുത്തറിയുന്നവര്‍ക്ക്‌ മനസ്സിലാവും.

മെത്രാപ്പൊലീത്തയുടെ അറുപതാം പിറന്നാളിന്റെ തലേന്ന്‌ കൂടിക്കാഴ്ചയ്ക്ക്‌ ചെന്നപ്പോഴും ഹൃദയവികാരം മറച്ചുവച്ചില്ല. ' എന്നെ ബലൂണ്‍ ഊതിവീര്‍പ്പിക്കുന്നപോലെ ഉയര്‍ത്തിക്കാട്ടുന്ന അഭിമുഖമൊന്നും പ്രസിദ്ധീകരിക്കരുതേ. ഷഷ്‌ടിപൂര്‍ത്തി ആരെയും അറിയിക്കരുതെന്ന്‌ മനസില്‍ കരുതിയതാണ്‌. സി. ജോസഫച്ചന്‍ പറ്റിച്ച പണിയാണ്‌. പത്രക്കാര്‍ വന്നു. ആരേയും പിണക്കിവിടാന്‍ എനിക്ക്‌ കഴിയില്ല.'

ഒടുവില്‍ ഹൃദയപരമായ സംഭാഷണത്തിന്‌ വഴങ്ങി. ഏതാനും ദിവസങ്ങള്‍ക്കു മുമ്പ്‌ സ്വന്തം മാതാവ്‌ തെരേസാമ്മ എന്നന്നേക്കുമായി വേര്‍പിരിഞ്ഞതിന്റെ ദുഃഖവും നഷ്‌ടബോധവും വിട്ടുമാറിയിരുന്നില്ല. 'വലിയ നഷ്‌ടമാണ്‌. ഇപ്പോള്‍ പ്രതീക്ഷിച്ചില്ല. അമ്മപോയശേഷം ഒരുതരം ശൂന്യത അനുഭവപ്പെടുന്നു. ഞങ്ങള്‍ അഞ്ചു സഹോദരങ്ങളെ ഒരുമിപ്പിച്ചിരുന്ന കണ്ണിയായിരുന്നു അവര്‍. അമ്മ ഏതു വീട്ടിലാണോ അവിടെയാണ്‌ ഞാന്‍ പോയിരുന്നത്‌. മറ്റുള്ളവര്‍ ഒത്തുകൂടും. ഇനി ആ കണ്ണിയില്ല' - ലൌകിക ലോകവുമായി തന്നെ ബന്‌ധിപ്പിച്ചിരുന്ന സുപ്രധാന കണ്ണിയാണ്‌ പോയതെന്ന്‌ ആര്‍ച്ച്‌ ബിഷപ്പ്‌ ഓര്‍ത്തു.
മാര്‍ത്താണ്‌ഡന്‍ തുറയില്‍ കടലിനോട്‌ തൊട്ടുള്ള ഓലമേഞ്ഞ വീട്ടില്‍ ദാരിദ്യ്‌രത്തിനു നടുവിലും അമ്മയുടെ സ്‌നേഹവാത്സല്യങ്ങള്‍ അനുഭവിച്ച ബാല്യകാലത്തേക്ക്‌ ഓര്‍മ്മകള്‍ പാഞ്ഞു. " പതിനൊന്നുവയസ്സുവരെ കടലിന്റെ തിരകളെ തൊട്ട്‌ നില്‍ക്കുന്ന ഓലമേഞ്ഞ വീട്ടിലായിരുന്നു താമസം. അമ്മ രാവിലെ എഴുന്നേല്‍പ്പിച്ച്‌ പ്രാര്‍ത്ഥന ചൊല്ലിത്തരും. പള്ളിയില്‍ കൊണ്ടുപോകും. ജീവിതഭാരങ്ങള്‍ക്കുനടുവില്‍ കണ്ണുമടച്ച്‌ പ്രാര്‍ത്ഥിക്കുന്ന അമ്മയെ ഞാന്‍ നോക്കി നിന്നിട്ടുണ്ട്‌. അമ്മ പകര്‍ന്നുതന്ന ദൈവാനുഭവമാണ്‌ വൈദികനാവാന്‍ പ്രേരണയായത്‌.'

വീണ്ടും ഓര്‍മ്മകള്‍ കുട്ടിക്കാലത്തേക്ക്‌. ' ഓലമേഞ്ഞ ഞങ്ങളുടെ വീടിന്റെ ഒരുഭാഗം പണ്ടകശാലയാണ്‌. അവിടെയാണ്‌ മത്സ്യം ഉണക്കാനിട്ടിരുന്നത്‌. അന്ന്‌ കട്ടിലൊന്നുമില്ല. കടലിന്റെ സംഗീതവും മത്സ്യത്തിന്റെ ഗന്‌ധവുമേറ്റ്‌ ഞാന്‍ പണ്ടകശാലയിലെ നിലത്ത്‌ ചുരുണ്ടുകൂടിക്കിടക്കും. ഇപ്പോള്‍ വിവിധ രാജ്യങ്ങളില്‍പോയി പഞ്ചനക്ഷത്ര സൌകര്യത്തില്‍ കഴിയുമ്പോള്‍ ആ നാളുകള്‍ ഓര്‍ക്കും. മത്സ്യത്തിന്റെ ഗന്ധമേറ്റ്‌ ചുരുണ്ടുകൂടി കിടക്കുന്ന കൊച്ചു ബാലന്‍ സുഖമുള്ള ഓര്‍മ്മയായി മനസില്‍ ഓടിയെത്തും. ആ സുഖവും സ്വാതന്ത്യ്‌രവും വേറെവിടെ കിട്ടും?

പാവപ്പെട്ടവരും വേദനിക്കുന്നവരുമായ എല്ലാ മനുഷ്യരുമായും ഹൃദയബന്‌ധം പങ്കിടുന്നതിലും അവരുടെ ആശ്വാസത്തിനായി ഒരുപാട്‌ പദ്ധതികള്‍ ആവിഷ്കരിക്കുന്നതിലും അതീവ തത്‌പരനാണ്‌ ഡോ. സൂസാപാക്യം. മത്സ്യത്തൊഴിലാളി കുടുംബങ്ങളുടെ പട്ടിണി നിറഞ്ഞ ജീവിതം അനുഭവിച്ചറിഞ്ഞ്‌ വളര്‍ന്ന പശ്ചാത്തലമാണ്‌ ഇതിന്‌ പ്രേരണയാവുന്നത്‌. മാര്‍ത്താണ്‌ഡന്‍ തുറയിലെ തന്റെ അമ്മൂമ്മ മരിയാപിള്ളയെ അദ്ദേഹം ഓര്‍ക്കുന്നു. കടകളില്‍ നല്‍കാന്‍ മത്സ്യവുമായി അമ്മൂമ്മ രാവിലെ പോകുമായിരുന്നു. അഭിമാനബോധം കൊണ്ടോ എന്തോ അമ്മയെ ഇതിനൊന്നും പറഞ്ഞുവിടില്ല. മത്സ്യം വിറ്റുകഴിയുമ്പോള്‍ അതേ കുട്ടയില്‍ ചക്കയും മാങ്ങയും വാങ്ങി അമ്മൂമ്മ വരുന്നതുംകാത്ത്‌ ഞാന്‍ ഇരിക്കും. വയര്‍നിറയെ ഇതെല്ലാം കഴിക്കുന്നത്‌ അമ്മൂമ്മ സ്‌നേഹത്തോടെ നോക്കിയിരിക്കും. ആ കാത്തിരിപ്പ്‌ തന്നെ ഒരു സുഖമായിരുന്നു.

കടല്‍ എന്നും സൂസാപാക്യത്തിന്‌ അത്ഭുതമായിരുന്നു. ചെറുപ്പത്തില്‍ കടലിന്റെ വിദൂരതയില്‍ നോക്കിനിന്ന്‌ ചിന്തിക്കുമായിരുന്നു. കടലിനുമപ്പുറത്ത്‌ എന്തായിരിക്കും എന്ന ആകാംക്ഷ മനസില്‍ നിറഞ്ഞുനിന്നു. എന്നെങ്കിലും കടലിനപ്പുറത്ത്‌ പോകാന്‍ പറ്റുമോ എന്നും മോഹിച്ചു. പിന്നീട്‌ മെത്രാനായി എത്രയോ തവണ കടല്‍കടന്ന്‌ വിവിധ രാജ്യങ്ങള്‍ സന്ദര്‍ശിച്ചു. വിമാനം കടലിനുമുകളിലൂടെ പറക്കുമ്പോള്‍ അപ്പുറത്ത്‌ എന്താണ്‌ എന്ന്‌ സ്വപ്‌നംകണ്ട കൊച്ചുബാലന്റെ ആകാംക്ഷ ചിലപ്പോഴൊക്കെ ഉണരും. തന്റെ ജീവിതത്തില്‍ വഴിത്തിരിവ്‌ ഉണ്ടാക്കിയ ഒരു സെമിനാരി സംഭവം അദ്ദേഹത്തിന്റെ ഓര്‍മ്മയില്‍ തെളിഞ്ഞുവന്നു.

സ്വതന്ത്രമായി കാറ്റുകൊള്ളാന്‍ ആരുമറിയാതെ പുറത്തുകടന്നു. അല്‍പം കഴിഞ്ഞപ്പോള്‍ വല്ലാത്ത ദാഹം. പാത്തും പതുങ്ങിയും ഭക്ഷണമുറിയില്‍ കയറി. സര്‍വത്ര ഇരുട്ട്‌. വെള്ളം എടുക്കുന്നതിനിടയില്‍ പ്‌ളേറ്റ്‌ തട്ടിവീണ്‌ ഉടഞ്ഞു. നിമിഷനേരംകൊണ്ട്‌ ആരും കാണാതെ ഇറങ്ങിയോടി. പാത്രം പൊട്ടിച്ചതിനെക്കുറിച്ച്‌ റെക്‌ടറച്ചന്‍ ഫാ. ജോണ്‍ കോയിപ്പറമ്പില്‍ അന്വേഷണമായി. ആരും തുറന്നുപറയാത്തതില്‍ അച്ചനും വിഷമം. രണ്ടു മൂന്നു ദിവസം മനസില്‍ കുറ്റബോധവുമായി നടന്നപ്പോള്‍ എനിക്കും ഭാരം. അറിഞ്ഞാല്‍ സെമിനാരിയില്‍ നിന്നു പറഞ്ഞുവിടും. ഒടുവില്‍ രണ്ടിലൊന്നു തീരുമാനിച്ചു. കുറ്റം ഏറ്റുപറയാന്‍ റെക്‌ടറച്ചന്റെ മുന്നിലെത്തി. ഹൃദയം പടപടാമിടിക്കുകയായിരുന്നു. ധൈര്യം സംഭരിച്ച്‌ കാര്യം പറഞ്ഞു. പ്‌ളേറ്റ്‌ കാലില്‍ വീണാണ്‌ പൊട്ടിയതെന്ന്‌ കേട്ടപ്പോള്‍ അച്ചന്‍ പതിഞ്ഞ സ്വരത്തില്‍ ചോദിച്ചു. 'മോന്റെ കാലിന്‌ വല്ലതും പറ്റിയോ?' കാലിന്‌ വേദനയുണ്ടെന്ന്‌ പറഞ്ഞപ്പോള്‍ എണ്ണകൊണ്ടുവന്നു തടവിത്തന്നു. ആ സ്‌നേഹവും കാരുണ്യവുംകണ്ട്‌ കണ്ണുനിറഞ്ഞു. വൈദികജീവിതത്തില്‍ അതൊരു വലിയ പാഠമായി.
ആദ്ധ്യാത്‌മിക ജീവിതത്തില്‍ സത്യസന്‌ധത പുലര്‍ത്തണമെന്ന തീവ്രമായ ചിന്ത ഉണ്ടായത്‌ ഈ സംഭവത്തില്‍നിന്നാണ്‌. തെറ്റു ചെയ്യുന്ന പാപിയോട്‌ ക്ഷമിക്കുന്ന കാരുണ്യവാനായ ദൈവത്തിന്റെ മുഖത്തിന്‌ എന്റെ മനസില്‍ തിളക്കമേറിവന്നു.

അറുപതു വര്‍ഷത്തെ ജീവിതത്തിലേക്ക്‌ തിരിഞ്ഞുനോക്കുമ്പോള്‍ താന്‍ സമൂഹത്തിനുവേണ്ടി അത്ഭുതങ്ങളൊന്നും ചെയ്‌തതായി ആര്‍ച്ച്‌ ബിഷപ്പിന്‌ തോന്നുന്നില്ല. എന്നാല്‍, ഹൃദയംനിറയെ സംതൃപ്‌തിയും സന്തോഷവുമുണ്ട്‌. പ്രതീക്ഷിച്ചതിന്റെയും എത്രയോ വലിയ ദൂരങ്ങളിലേക്ക്‌ ദൈവം തന്നെ വഴിനടത്തി.
പൊതുപ്രവര്‍ത്തനരംഗത്ത്‌ അനുഭവമുള്ള ആളായിരുന്നില്ല ഞാന്‍. കഴിവിന്റെ പരിമിതി നന്നായി അറിയാമായിരുന്നു. നാണം കുണുങ്ങിയും മിതഭാഷിയുമാണ്‌ ഞാന്‍. മെത്രാനായി നിയോഗിക്കപ്പെടുമ്പോള്‍ അല്‍പം ഭയപ്പാടുണ്ടായിരുന്നു. എന്നാല്‍, പതിനാറുവര്‍ഷം മെത്രാനായും മെത്രാപ്പൊലീത്തയായും പ്രവര്‍ത്തിച്ചതുവഴി പാളിച്ചകള്‍ക്ക്‌ നടുവിലും പരിധിവരെ സ്‌നേഹസമൂഹം കെട്ടിപ്പടുക്കാനായി. ആദ്ധ്യാത്‌മിക, വിദ്യാഭ്യാസ, സാമൂഹ്യക്ഷേമരംഗത്ത്‌ ഏറെ ചലനങ്ങള്‍ സൃഷ്‌ടിക്കാന്‍ കഴിഞ്ഞതില്‍ സംതൃപ്‌തിയുണ്ട്‌ സൂസാപാക്യത്തിന്‌.

ഇന്ത്യയെ പ്രതിനിധീകരിച്ച്‌ റോമിലെ രണ്ടു ഏഷ്യന്‍ സിനഡില്‍ പങ്കെടുക്കാന്‍ അപൂര്‍വഭാഗ്യം ലഭിച്ചിട്ടുണ്ട്‌ ആര്‍ച്ച്‌ ബിഷപ്പിന്‌. മാര്‍പാപ്പ ആദ്ധ്യക്ഷ്യം വഹിച്ച ഉന്നത സമ്മേളനങ്ങളില്‍ ലോകമെമ്പാടുമുള്ള ആത്‌മീയ പണ്‌ഡിതന്മാരെ അഭിസംബോധനചെയ്യാനും അവസരമുണ്ടായി. കടല്‍ത്തീരത്തെ ചേരിയില്‍ നിന്ന്‌ റോമിലെ ഉന്നതവേദികളിലേക്ക്‌ എന്നെ വളര്‍ത്തിയ മാതാപിതാക്കളെയും ഗുരുക്കന്മാരെയും അഭിമാനത്തോടെ ഓര്‍ത്തു.
കാലം ചെയ്ത ജോണ്‍ പോള്‍ രണ്ടാമന്‍ മാര്‍പാപ്പയുമായി ഹൃദയപരമായ അടുപ്പം സൂക്ഷിച്ചിരുന്ന ഡോ. സൂസാപാക്യത്തിന്‌ മാര്‍പാപ്പയുടെ ഓര്‍മ്മശക്തിയില്‍ അത്ഭുതമാണ്‌. റോമിലെ സന്ദര്‍ശനവേളയില്‍ ലത്തീന്‍ ബിഷപ്പുമാര്‍ക്ക്‌ മാര്‍പാപ്പ കാസ സമ്മാനമായി നല്‍കി. പ്രായംകുറഞ്ഞ ബിഷപ്പായതുകൊണ്ട്‌ അവസാനമാണ്‌ ഡോ. സൂസാപാക്യം സമ്മാനം വാങ്ങാന്‍ ചെന്നത്‌. അല്‍പനേരം തറപ്പിച്ചുനോക്കി. തിരുവനന്തപുരത്തെ ബിഷപ്പിന്‌ രണ്ടു കാസ കൊണ്ടുവരാന്‍ പറഞ്ഞു.

കാലുമുറിച്ച്‌ വിശ്രമത്തിലായിരുന്ന ബിഷപ്പ്‌ ജേക്കബ്‌ അച്ചാരുപറമ്പിലിന്‌ ഒരു കാസ സമ്മാനമായി നല്‍കാന്‍ പറഞ്ഞു. നാട്ടിലെത്തി അച്ചാരുപറമ്പിലിന്‌ സമ്മാനം നല്‍കിയപ്പോള്‍ മാര്‍പാപ്പയുടെ കരുതലും സ്‌നേഹവും ഓര്‍ത്ത്‌ ബിഷപ്പിന്റെ കണ്ണുനിറഞ്ഞു. എത്ര വലിയ പദവിയിലിരുന്നാലും മറ്റുള്ളവരോട്‌ കരുതല്‍ ഉണ്ടാവുക ആദ്ധ്യാത്‌മിക ആചാര്യന്റെ നന്മയാണെന്ന്‌ ഡോ. സൂസാപാക്യത്തിന്‌ അന്ന്‌ ബോദ്ധ്യമായി.

ഗാന്‌ധിയന്മാരുമായി പ്രത്യേക മമതയുണ്ട്‌ ആര്‍ച്ച്‌ ബിഷപ്പിന്‌. മണ്‍മറഞ്ഞ മന്മഥന്‍ സാറും കുമാരപിള്ളയും സാമൂഹ്യപ്രവര്‍ത്തനത്തില്‍ ഇപ്പോഴും തുടരുന്ന ഗോപിനാഥന്‍ നായരും സുഗതകുമാരിയും പ്രൊഫ. രാംദാസും അദ്ദേഹത്തിന്‌ പ്രിയപ്പെട്ടവരാണ്‌. അമ്മ മണ്‍മറഞ്ഞതിന്റെ നഷ്‌ടബോധത്തിനിടയില്‍ അറുപതാം പിറന്നാള്‍ വന്നണയുമ്പോള്‍ ഡോ. സൂസാപാക്യം മനസില്‍ ചിലതൊക്കെ തീരുമാനിച്ച്‌ ഉറപ്പിക്കുകയാണ്‌.
'ജീവിതത്തെ കൂടുതല്‍ ശുദ്ധീകരിക്കണം. പാളിച്ചകള്‍ മറികടക്കണം. ഈ ലോകത്തിനപ്പുറത്തുള്ള സ്വര്‍ഗ്‌ഗീയ ജീവിതത്തിനായി ഒരുങ്ങിത്തുടങ്ങണം. ആരെയും ഉപദ്രവിക്കാന്‍ പാടില്ല. ഹൃദയം തുറന്ന്‌ എല്ലാവരെയും സ്‌നേഹിക്കണം. ദൈവത്തെ പ്രാപിക്കാന്‍ ഏതു സമയവും തയ്യാറാവണം.' നല്ല മനുഷ്യരെക്കുറിച്ച്‌ എഴുത്തുകാരന്റെ ഒരു ഭാവനയുണ്ട്‌. 'ഏതോ വിശുദ്ധ പര്‍വതത്തിന്റെ താഴ്‌വരയില്‍ ദൈവം അലങ്കരിച്ച ദേവദാരുപോലെ'. ഡോ. സൂസാപാക്യത്തിന്‌ ഈ വര്‍ണന നന്നേചേരും.

കടപ്പാട്‌: കേരളകൌമുദി ഓണ്‍ലൈന്‍

വ്യാഴാഴ്‌ച, മാർച്ച് 09, 2006

നോവിക്കുന്ന വിട

നോവിക്കുന്ന വിട
എം.കെ. ഹരികുമാര്‍

സ്വന്തം പേരിലെന്നപോലെ ജീവിതത്തിലും അഭിനയത്തിലും എം.എസ്‌ മറ്റാര്‍ക്കുമറിയാത്ത വിലോലഭാവനകളെ കൂടെക്കൊണ്ടുനടന്നു. ആയിരത്തോളം നാടകങ്ങളിലും നാനൂറോളം സിനിമകളിലും അഭിനയിച്ച എം.എസ്‌ തന്റെ ജീവിതത്തെ നാട്യകലയുടെ ഒരു പാഠ്യഭാഗമാക്കിമാറ്റി. എം.എസിന്റെ വേഷങ്ങള്‍ നമ്മുടെ കലാരംഗത്ത്‌ ഒരു നൂതനമായ ശെയിലീവിശേഷമാണെന്നൊക്കെ പറഞ്ഞാല്‍, തെറ്റാകില്ലെന്ന്‌ കുറേവര്‍ഷങ്ങള്‍ കഴിഞ്ഞെങ്കിലും ബോദ്ധ്യപ്പെടും.
തൃപ്പൂണിത്തുറയുടെ ശബ്‌ദം ഘനഗംഭീരമായിരുന്നു. എം.എസ്‌ എന്ന നാടക, സിനിമാ, സീരിയല്‍ നടന്‍ തൃപ്പൂണിത്തുറയുടെ ശബ്‌ദവുമായി എത്രയോകാലം വിരാജിച്ചു. ഇനിയും അത്‌ തുടരും, അദ്ദേഹം അഭിനയിച്ച സിനിമകളിലൂടെ. മിമിക്രി കലാകാരന്മാര്‍ എപ്പോഴും അനുകരിക്കാറുള്ള ശബ്‌ദമാണ്‌ നസീറിന്റെയും ഉമ്മറിന്റെയും മധുവിന്റെയും. അക്കൂട്ടത്തില്‍ അവര്‍ പവിത്രതയോടെ കൈകാര്യം ചെയ്ത ശബ്‌ദമായിരുന്നു എം.എസിന്റേത്‌. എം.എസിന്റെ ശബ്‌ദം അനുകരിച്ചവര്‍ക്ക്‌ കിട്ടിയ കൈയടി, എം.എസിന്റെ ആരാധകരുടേതുതന്നെയായിരുന്നു എന്ന വസ്തുതകൂടി മനസിലാക്കണം.

തിക്കുറിശ്ശി, ശങ്കരാടി തുടങ്ങിയ നടന്മാര്‍ക്കുശേഷം മലയാള സിനിമയില്‍ നാട്യകലയില്‍ സ്വതസിദ്ധമായ അഭിനയശെയിലിയുടെ ചതുരവടിവ്‌ നേടിയത്‌ എം.എസായിരുന്നു. എം.എസ്‌ ഏത്‌ കഥാപാത്രത്തെ അവതരിപ്പിക്കുമ്പോഴും തന്റെ കോപിഷ്‌ടമായ ശെയിലിയെ അതിലേക്ക്‌ സന്നിവേശിപ്പിച്ച്‌ മനുഷ്യത്വപരമാക്കുക സാധാരണമാണ്‌.

ഹാസ്യവേഷങ്ങള്‍ എം.എസ്‌ അവതരിപ്പിക്കാറില്ല. എന്നാല്‍ അദ്ദേഹം ഗൌരവത്തോടെ ചെയ്തവേഷങ്ങളെ ആംഗ്യചലനങ്ങളിലൂടെയും ശബ്‌ദവ്യതിയാനങ്ങളിലൂടെയും സ്വാദിഷ്‌ടമാക്കുന്നത്‌, അതില്‍നിന്ന്‌ സ്വാഭാവികമായി ഉയിര്‍കൊള്ളുന്ന നര്‍മ്മഭാവനയാണ്‌. 'യോദ്ധ' എന്ന ചിത്രത്തില്‍ മോഹന്‍ലാലിന്റെ നേപ്പാളി അമ്മാവനായി അഭിനയിച്ചപ്പോള്‍ എം.എസ്‌ നല്‍കുന്ന ചില ശബ്‌ദസൂചികകള്‍ ആ കഥാപാത്രത്തിലെ ഹാസ്യഭാവത്തെ പുറത്തുകൊണ്ടുവരുന്നു. മോഹന്‍ലാലിന്റെ കഥാപാത്രം സ്വയം പരിചയപ്പെടുത്തുമ്പോള്‍ നീയാരാണ്‌. ഹു ആര്‍ യു, നിങ്ങളാരാണ്‌. നിങ്ങള്‍ക്കെന്തുവേണം വാട്ട്‌ ഡു യു വാണ്ട്‌ എന്ന്‌ വളരെവേഗത്തില്‍ എം.എസ്‌ ചോദിക്കുമ്പോള്‍, അത്‌ കണ്ടിരിക്കുന്നവരുടെ ചുണ്ടില്‍ ഒരു ചിരി പടര്‍ന്ന്‌ പന്തലിക്കാതിരിക്കില്ല.

ഒരു മിന്നാമിനുങ്ങിന്റെ നുറുങ്ങുവെട്ടം, പത്രം, അയ്യര്‍ ദ ഗ്രേറ്റ്‌, സാന്ത്വനം എന്നീ ചിത്രങ്ങളില്‍ എം.എസ്‌ പ്രധാന താരങ്ങള്‍ക്കൊപ്പം നിറഞ്ഞുനില്‍ക്കുന്നുണ്ട്‌. ചെറിയ വേഷമാണ്‌ അദ്ദേഹം ചെയ്തിട്ടുള്ളതെങ്കില്‍പ്പോലും അതില്‍ പൂര്‍ണത കണ്ടെത്താന്‍ ഈ കലാകാരന്‌ അത്ഭുതസിദ്ധികളുണ്ടായിരുന്നു.
ചങ്ങനാശ്ശേരി 'ഗീഥാ'യുടെ 'ജ്യോതി' എന്ന നാടകത്തിലൂടെ തുടക്കംകുറിച്ച എം.എസ്‌ ജ്യോതിഷം, പാചകം, ആയുര്‍വേദം, വൈദ്യം, പൌരാണിക ശാസ്‌ത്രം, സംഗീതം തുടങ്ങിയ മേഖലകളില്‍ നിന്നെല്ലാം ഒരു വിജ്ഞാനദാഹിയായി ആവോളം അറിവുസമ്പാദിച്ചു.

കര്‍ണാടക സംഗീതത്തില്‍ നല്ല അറിവുനേടിയ അദ്ദേഹം ഒഴിവുസമയങ്ങളില്‍ പാടുകയും മറ്റ്‌ സംഗീതജ്ഞരുടെ കച്ചേരികളെ നിരൂപണം ചെയ്ത്‌ സംസാരിക്കുകയും ചെയ്തിരുന്നു. ഇടക്കാലത്ത്‌ പാചകരംഗത്തും സജീവമായിരുന്നു. സിനിമയില്‍ തിരക്കേറിയപ്പോള്‍ മേറ്റ്ല്ലാം ഉപേക്ഷിച്ച്‌ അദ്ദേഹം അതില്‍ നിലയുറപ്പിച്ചു.
സിനിമയില്‍ കിട്ടിയ ഇടവേളകളിലാണ്‌ എം.എസ്‌ സീരിയല്‍ രംഗത്തുമെത്തിയത്‌. ഏത്‌ മുരട്ടുവേഷത്തെയും മനുഷ്യനെ സ്വാധീനിക്കാന്‍ കഴിവുള്ള കഥാപാത്രമാക്കി മാറ്റാന്‍ എം.എസിന്‌ അനായാസമായി സാധിച്ചു. ഇത്ര പെട്ടെന്ന്‌ അദ്ദേഹം വിടപറയരുതായിരുന്നു.

സീരിയല്‍ രംഗത്ത്‌ തന്റേതായ ഒരു ആരാധകവൃന്ദത്തെ തന്നെ സൃഷ്‌ടിക്കാനായി. വില്ലന്‍ സ്വഭാവമുള്ള പ്രൊഫഷനിലും ഹാസ്യത്തിന്റെ ഭാവന കലര്‍ത്തുന്ന പുതിയ ഒരു രസതന്ത്രം അദ്ദേഹം പരീക്ഷിക്കുകയും ചെയ്തു. 'കാവ്യാഞ്ജലി', 'മന്ത്രകോടി' തുടങ്ങിയ സീരിയലുകളില്‍ കുടുംബപ്രേക്ഷകരുടെ പ്രിയതാരമായത്‌ പെട്ടെന്നാണ്‌.

എം.എസിന്റെ ബാല്യകാല സുഹൃത്തായിരുന്ന വര്‍ഗ്‌ഗീസ്‌ കാട്ടുപറമ്പിലാണ്‌ അദ്ദേഹത്തെ നാടകരംഗത്തെത്തിച്ചത്‌. തൃപ്പൂണിത്തുറ അത്തച്ചമയാഘോഷത്തില്‍ നിശ്ചലവേഷങ്ങള്‍ ചെയ്യാന്‍ മഠത്തില്‍പറമ്പില്‍ ശേഷന്‍ വെങ്കിടരമണശര്‍മ്മ എന്ന എം.എസ്‌ വളരെ പണ്ടേ സമയം കണ്ടെത്തിയിട്ടുണ്ട്‌.
ഒരു കലാകാരന്റെ നിഷേധവാസനയും തീക്ഷ്‌ണബോധവും എം.എസിനെ എപ്പോഴും വ്യത്യസ്തനാക്കിയിരുന്നു. ഉള്ളിലുള്ളത്‌ തുറന്നുപറഞ്ഞിരുന്ന അദ്ദേഹത്തിന്‌ സത്യം എപ്പോഴും ഒന്നേയുണ്ടായിരുന്നുള്ളൂ. തന്റെ കലാജീവിതത്തിന്റെ ബാഹ്യമായ ആവശ്യങ്ങള്‍ക്കുവേണ്ടിപ്പോലും ഒന്നു മയപ്പെടാന്‍ അദ്ദേഹം കൂട്ടാക്കിയില്ല. തന്റെ ഉള്ളിലെ വന്യമായ പ്രതിഭയുടെ പ്രവാഹത്തില്‍ വെറുമൊരു സാക്ഷിയാകാന്‍ മാത്രമേ ശാരീരികമായി അദ്ദേഹത്തിന്‌ കഴിഞ്ഞുള്ളൂ.

നാടകത്തില്‍ അഭിനയിച്ച്‌ അദ്ധ്യാപക ജോലി നഷ്ടമായി
അടിയന്തരാവസ്ഥക്കാലത്ത്‌ നാടകത്തില്‍ അഭിനയിച്ചതിനെ തുടര്‍ന്ന്‌ സ്കൂള്‍ അദ്ധ്യാപകന്റെ ജോലി നഷ്ടപ്പെട്ട ആളായിരുന്നു എം. എസ്‌. തൃപ്പൂണിത്തുറയെന്ന്‌ പ്രസിദ്ധ നാടകകൃത്തും സംവിധായകനുമായ എ. എന്‍. ഗണേഷ്‌ അനുസ്‌മരിച്ചു.
കോട്ടയം നാഷണല്‍ തിയേറ്ററിന്‌ വേണ്ടി 'നിശാഗന്ധി' എന്ന നാടകത്തില്‍ നടന്‍ അബൂബക്കറിന്‌ പകരമായി യോജിച്ച നടനെത്തേടി നടക്കുമ്പോഴാണ്‌ ഒരു സുഹൃത്ത്‌ എം. എസ്‌. തൃപ്പൂണിത്തുറയുടെ പേര്‌ നിര്‍ദ്ദേശിച്ചത്‌. റെയില്‍വേയില്‍ ജോലിയുള്ള ഒരു തമിഴ്‌ ബ്രാഹ്മണ കഥാപാത്രത്തെയായിരുന്നു അവതരി പ്പിക്കേണ്ടിയിരുന്നത്‌. നാടകത്തെപ്പറ്റിയും കഥാപാത്രത്തെപ്പറ്റിയും എം. എസുമായി സംസാരിച്ചു. അഭിനയത്തോടുള്ള ഭ്രമം മൂലം ലീവ്‌ പോലും എടുക്കാതെയാണ്‌ എം. എസ്‌ നാടകത്തില്‍ വേഷമിട്ടത്‌. അടിയന്തരാവസ്ഥക്കാലമായിരുന്നു അത്‌. അതോടെ അദ്ദേഹത്തിന്‌ ജോലിയും നഷ്ടപ്പെട്ടു.
പിന്നീട്‌ തനതായ ശെയിലിയും സ്ഥിര പ്രയത്നവും കൊണ്ട്‌ എം. എസ്‌. തൃപ്പൂണിത്തുറ രംഗം പിടിച്ചടക്കുകയായിരുന്നു.
ആത്മാര്‍ത്ഥതയും അര്‍പ്പണബോധവും അദ്ദേഹത്തിന്റെ മുഖമുദ്രയായിരുന്നു. എം. എസിന്റെ മരണവാര്‍ത്ത ആദ്യം വിശ്വസിക്കുവാന്‍ കഴിഞ്ഞില്ല. - എ.എന്‍. ഗണേഷ്‌ പറഞ്ഞു.
എപ്പോഴും ചിരിച്ചും ചിരിപ്പിച്ചും
"ഞാനും തൃപ്പൂണിത്തുറയും തമ്മില്‍ 35 വര്‍ഷത്തെ പരിചയമുണ്ട്‌. എപ്പോഴും ചിരിക്കുന്ന പ്രകൃതമായിരുന്നു. ദേഷ്യപ്പെട്ടു കണ്ടിട്ടില്ല. എത്ര ഗൌരവമുള്ള പ്രശ്‌നത്തെയും അദ്ദേഹം ചിരിയോടെ നേരിടും", നടന്‍ ജനാര്‍ദ്ദനന്‍ അനുസ്‌മരിച്ചു.
പാചകവിദഗ്ദ്ധനായിരുന്നു അദ്ദേഹം. സദ്യകള്‍ക്കൊക്കെ ആളുകള്‍ അദ്ദേഹത്തിന്റെ അഭിപ്രായം ആരായുന്നത്‌ നേരില്‍ കണ്ടിട്ടുണ്ട്‌. പാചകത്തോട്‌ വല്ലാത്ത അഭിനിവേശമായിരുന്നു അദ്ദേഹത്തിന്‌. മറ്റുള്ളവരെ സഹായിക്കുന്നതിലും മുന്നിലുണ്ടാവും.
"എന്റെ ഭാര്യ മരിച്ചപ്പോള്‍ ആദ്യം വീട്ടിലെത്തിയത്‌ അദ്ദേഹമാണ്‌."- ജനാര്‍ദ്‌ദനന്‍ പറഞ്ഞു.
എന്തും വെട്ടിത്തുറന്നു പറയുന്ന പ്രകൃതമായിരുന്നു. റോള്‍ കിട്ടാന്‍ വേണ്ടി മറ്റുള്ളവരെ പ്രശംസിക്കാനൊന്നും അദ്ദേഹത്തെ കിട്ടില്ല. തനിക്ക്‌ പറ്റില്ലെന്ന്‌ തോന്നിയാല്‍ അക്കാര്യം തുറന്നുപറഞ്ഞ്‌ സ്ഥലം വിടും.
കണ്ടാല്‍ അല്‍പം പ്രായം തോന്നുമെങ്കിലും മരണം നേരത്തേയായില്ലേ എന്നൊരു സംശയം. തൃപ്പൂണിത്തുറയുടെ ആകസ്‌മിക നിര്യാണത്തില്‍ അഗാധമായ ദുഃഖമുണ്ട്‌, ജനാര്‍ദ്ദനന്‍ പറഞ്ഞു.

കുടുംബസദസ്സുകളില്‍ പ്രിയങ്കരനായ എം.എസ്‌
സീരിയലുകളിലൂടെ കുടുംബസദസ്സുകളില്‍ പ്രിയങ്കരനായ എം.എസ്‌. തൃപ്പൂണിത്തുറയുടെ 'കാവ്യാഞ്ജലി', 'മന്ത്രകോടി' എന്നീ പരമ്പരകള്‍ ഏറെ ശ്രദ്ധേയമാണ്‌. പൂഞ്ഞാര്‍ നവധാരയുടെ 'മോചനം' നാടകത്തിലെ അഭിനയത്തിന്‌ മികച്ച നടനുള്ള സംസ്ഥാന അവാര്‍ഡ്‌ നേടിയിട്ടുണ്ട്‌.
ഏലൂര്‍ ഫാക്‌ട്‌ സ്കൂളില്‍ ഗണിതശാസ്ത്ര അധ്യാപകനായി ഔദ്യോഗിക ജീവിതമാരംഭിച്ച എം.എസ്‌ നാടകത്തില്‍ തിരക്കേറിയതോടെ ജോലി ഉപേക്ഷിച്ച്‌ ഉത്തരേന്ത്യന്‍ നാടക ട്രൂപ്പുകള്‍ക്കൊപ്പം ചേര്‍ന്നു. അക്കാലത്തുതന്നെ കര്‍ണാടക സംഗീതത്തില്‍ പാണ്‌ഡിത്യം നേടിയിരുന്നു. കച്ചേരികളും പതിവായിരുന്നു. പിന്നീട്‌ സിനിമയിലെത്തിയതോടെ സംഗീതത്തോടു തല്‍ക്കാലം വിടചൊല്ലി. ജ്യോതിഷം, വൈദ്യം, പാചകം എന്നീ രംഗങ്ങളിലും എം. എസ്‌. തൃപ്പൂണിത്തുറ വൈദഗ്ദ്ധ്യം നേടിയിരുന്നു.
മൂന്നാം മുറയാണ്‌ ആദ്യ ചിത്രം. നമ്പൂതിരി വേഷങ്ങള്‍ തന്‍മയത്വത്തോടെ അവതരിപ്പിക്കുന്നതില്‍ അസാമാന്യ ചാതുര്യം പ്രകടിപ്പിച്ച എം. എസിനെ തേടിയെത്തിയതില്‍ ഭൂരിഭാഗവും നമ്പൂതിരിവേഷങ്ങള്‍ തന്നെയായിരുന്നു. യോദ്ധയില്‍ മോഹന്‍ലാലിനൊപ്പവും അയ്യര്‍ ദ ഗ്രേറ്റില്‍ മമ്മൂട്ടിക്കൊപ്പവും പ്രാധാന്യമുള്ള വേഷം ചെയ്ത എം. എസ്‌ മലയാള ചലച്ചിത്രരംഗത്തെ ഒട്ടെല്ലാ പ്രമുഖര്‍ക്കൊപ്പവും അഭിനയിച്ചിട്ടുണ്ട്‌.
ശങ്കരാടിക്കു ശേഷം സ്വഭാവ വേഷങ്ങള്‍ സമര്‍ത്ഥമായി കൈകാര്യം ചെയ്ത സഹനടനായിരുന്നു എം. എസ്‌. പൌരാണിക, ശാസ്ത്ര രംഗങ്ങള്‍ക്കൊപ്പം സമകാലീന കൃതികളിലും അവഗാഹം നേടിയിരുന്ന എം. എസ്‌. പ്രഭാഷണ കലയിലും ഒന്നാം നിരക്കാരനായിരുന്നു.
മിമിക്രി താരങ്ങള്‍ ഏറ്റവുമധികം അനുകരിച്ചുവന്ന ചലച്ചിത്രതാര ശബ്‌ദങ്ങളില്‍ ഒന്ന്‌ എം. എസ്‌. തൃപ്പൂണിത്തുറയുടേതായിരുന്നു. ഘനഗംഭീരമായ ആ ശബ്‌ദം കൊണ്ടു മാത്രം മിമിക്രി താരങ്ങള്‍ സദസ്സിന്റെ കൈയടി നേടിയിരുന്നു.

കടപ്പാട്‌ : കേരള കൌമുദി ഓണ്‍ലൈന്‍

ചൊവ്വാഴ്ച, മാർച്ച് 07, 2006

ചെമ്മനത്തിന് 'എയ്‌ററി പൂര്‍ത്തി'

ചെമ്മനത്തിന് 'എയ്‌ററി പൂര്‍ത്തി'
എം.കെ. ഹരികുമാര്‍
ചെമ്മനം ബ്രാന്‍ഡ്‌ ചിരിക്ക്‌ ഇന്ന്‌ എണ്‍പതു വയസ്‌ തികയുന്നു. അശീതി അഥവാ എണ്‍പത്‌ വയസ്‌ ചെമ്മനം ചാക്കോയ്ക്ക്‌ 'എയ്റ്റി പൂര്‍ത്തി' യാണ്‌. അവിടെയും ചെമ്മനത്തിന്റെ ഹാസ്യം വിടുന്നില്ല.

ജനാധിപത്യ സ്ഥാപനങ്ങളുടെ കാലമായപ്പോള്‍ സാമൂഹിക വൈകല്യങ്ങള്‍ വര്‍ദ്ധിക്കുന്നതായാണ്‌ അനുഭവമെന്ന്‌ ചെമ്മനം വിലയിരുത്തുന്നു. ഈ വൈകല്യങ്ങളാകട്ടെ, ഇപ്പോഴും തെളിഞ്ഞുകാണാം; ഓരോന്നിലേക്കും സൂക്ഷ്‌മമായി ദൃഷ്‌ടി പായിക്കുകയേ വേണ്ടൂ.
1947-ല്‍ 'വിളംബരം' എന്ന കവിതാ സമാഹാരവുമായി കവിതാ രംഗത്തുവന്ന ചെമ്മനം ചാക്കോ തലമുറകളെയാണ്‌, തന്റെ കനമുള്ള വിമര്‍ശന ഹാസ്യരചനകള്‍കൊണ്ട്‌ സംശുദ്ധമാക്കിയത്‌. ഇപ്പോള്‍ ഇരുപത്തിയൊന്ന്‌ കവിതാ സമാഹാരങ്ങള്‍ ചെമ്മനത്തിന്റെ ക്രെഡിറ്റിലുണ്ട്‌. അടുത്ത ഒരു സമാഹാരം പണിപ്പുരയിലുമാണ്‌.എങ്ങനെയാണ്‌ ഈ വിമര്‍ശന ഹാസ്യാത്‌മകത ജീവിതത്തില്‍ നിലനിറുത്തുന്നതെന്ന്‌ ചോദിച്ചാല്‍ ചെമ്മനം ഇങ്ങനെ മറുപടി പറയും. " എനിക്കിത്‌ ജീവിത ലക്ഷ്യംപോലെയാണ്‌. മാത്രമല്ല, കാലഘട്ടത്തിന്റെ അവശ്യവുമാണ്‌. എന്റെ മനസ്സാക്ഷിയുടെ യജമാനനാണ്‌ ഞാന്‍. രാഷ്‌ട്രീയ മതാധികാര സ്ഥാപനങ്ങളെക്കാളെല്ലാം ഞാന്‍ ഇതിനെ വിലമതിച്ചു. സാമ്പ്രദായിക സ്ഥാപനങ്ങള്‍ക്ക്‌ വെളിയില്‍ മൂല്യങ്ങള്‍ അന്വേഷിക്കുകയാണെങ്കില്‍, നമുക്ക്‌ പരിഹാസത്തിന്റെയും വിമര്‍ശനത്തിന്റെയും അനേകം വാതായനങ്ങള്‍ തുറന്നുകിട്ടും."

"കാലത്തിനൊത്ത്‌
നീ മാറേണ്ട തൂലികേ
കാലത്തെ മാറ്റുവാന്‍ നോക്കൂ." എന്ന ചെമ്മനത്തിന്റെ വരികള്‍ പ്രസിദ്ധമാണ്‌.ചെമ്മനത്തിന്റെ എണ്‍പത്‌ മലയാള സാഹിത്യത്തിന്‌ ഓര്‍മ്മയുടെ പൂക്കാലമാണ്‌ തരുന്നത്‌.വ്യക്തികളെയും കക്ഷികളെയും പത്രങ്ങളെയും വിമര്‍ശിച്ച ചെമ്മനത്തിന്റെ ഏറ്റവും വലിയ സവിശേഷത നിര്‍ഭയമായി എഴുതാനുള്ള സിദ്ധിയാണ്‌. പഴയകാല കവിതകളുടെ പാരായണം കൊണ്ടും പഠനം കൊണ്ടും അദ്ദേഹം സൃഷ്‌ടിച്ച സാമ്രാജ്യമാണ്‌ തന്റെ ഇരുപത്തിയൊന്ന്‌ സമാഹാരങ്ങളിലായി അടുക്കിവച്ചിട്ടുള്ളത്‌.

ചെമ്മനം തന്റെ കവിതയില്‍ തൂവിയിട്ടിരിക്കുന്ന സംഗീതവും പ്രധാനമാണ്‌. നാടന്‍പാട്ടില്‍ നിന്നും പ്രാചീനകലകളെ കാവ്യകൃതികളില്‍ നിന്നും ചീന്തിയെടുത്തതാണ്‌ ചെമ്മനത്തിന്റെ സംഗീതബോധം. അത്‌ വിമര്‍ശന ഹാസ്യത്തിന്റെ ലയാത്‌മകമായ അവബോധമായി പരിണമിക്കുകയും ചെയ്യുന്നു. "എന്റെ ഹൃദയത്തിലെ സംഗീതമാണ്‌ എന്റെ കവിതകളിലുള്ളത്‌. അത്‌ ഞാന്‍ കൊണ്ടുവന്നതാണ്‌. കൊണ്ടുനടക്കുന്നതാണ്‌ എന്ന്‌ പറയാം." - ചെമ്മനം പറയുന്നു.

1926 മാര്‍ച്ച്‌ 7-ന്‌ വൈക്കത്ത്‌ മുതുകുളത്ത്‌ ചെമ്മനം കുടുംബത്തില്‍ യോഹന്നാന്‍ കത്തനാരുടെയും സാറയുടെയും മകനായി ജനിച്ച ചെമ്മനം പിറവം, തിരുവനന്തപുരം എന്നിവിടങ്ങളില്‍ അദ്ധ്യാപകനായി പ്രവര്‍ത്തിച്ചു. 1968 മുതല്‍ 86 വരെ കേരള സര്‍വകലാശാല പബ്‌ളിക്കേഷന്‍സ്‌ ഡിപ്പാര്‍ട്ടുമെന്റില്‍ ഡയറക്‌ടര്‍ ആയി സേവനമനുഷ്ഠിച്ചു. 'ചെമ്മനം കവിത സമ്പൂര്‍ണ്ണം' എന്ന ബൃഹത്‌ സമാഹാരം ഏതാനും വര്‍ഷങ്ങള്‍ക്ക്‌ മുമ്പാണ്‌ പ്രസിദ്ധീകരിച്ചത്‌.

സ്വാതന്ത്യ്‌രാനന്തര കാലത്തെ നമ്മുടെ ഭരണ നിര്‍വഹണ രംഗങ്ങളെ ചെമ്മനത്തെപ്പോലെ കവിതയിലൂടെ കടന്നാക്രമിച്ചവര്‍ വേറെ ആരുമില്ല. നാം മനുഷ്യത്വ രഹിതമായി എങ്ങനെയെല്ലാം മാറിപ്പോയി എന്നതിന്റെ രേഖ കൂടിയായി ചെമ്മനം കവിതകളെ വിലയിരുത്താവുന്നതാണ്‌.
കൈക്കൂലിയും അഴിമതിയും നിറഞ്ഞ ഓഫീസുകള്‍, കോണ്‍ക്രീറ്റ്‌ സൌധങ്ങള്‍ വിഴുങ്ങിയ കൃഷിയിടങ്ങള്‍, ജനാധിപത്യ പരിഷ്കരണ സിരാകേന്ദ്രങ്ങള്‍ തുടങ്ങി ചെമ്മനത്തിന്റെ കവിതയുടെ കാകദൃഷ്‌ടി പതിയാത്ത ഇടങ്ങളില്ല.

കടപ്പാട്‌ : കേരളകൌമുദി ഓണ്‍ലൈന്‍.കോം

തിങ്കളാഴ്‌ച, മാർച്ച് 06, 2006

മടങ്ങിവന്നെങ്കില്‍

മടങ്ങിവന്നെങ്കില്‍
കെ.ആര്‍. മോഹനന്‍
(സംവിധായകന്‍)

"ഇവന്‍ യാരെന്നോ? സിനിമയുടെ മഹാഭാഗ്യമല്ലേ, നാളെയുടെ വലിയവന്‍; പേരും പെരുമയുമെഴുന്ന ചീട്ടല്ലേ തത്തമ്മ കൊത്തിയിട്ടത്‌!"ഞാനും ടി.വി. ചന്ദ്രനും മറ്റു സിനിമാസുഹൃത്തുക്കളും അടങ്ങുന്ന ഒരു സായാഹ്‌നസദസില്‍ വച്ച്‌ പവിത്രന്‍ തമാശ പൊട്ടിക്കുകയാണ്‌. വെറും തമാശ. മദ്രാസിലെ ഒരു വഴിയാത്രയ്ക്കിടെ പവിയും ചന്ദ്രനുംകൂടി കൈനോട്ടക്കാരന്റെ അടുത്തുപോയാലുള്ള ഫലിതദൃശ്യങ്ങളാണ്‌ അവതരിപ്പിച്ചത്‌. പവിത്രനെ ഞങ്ങളെല്ലാം 'പവി' എന്നാ വിളിക്കുന്നത്‌. പവിയുള്ള ഏതൊരു സദസും ഇതേപോലെയായിരിക്കും. ആ രൂപംതന്നെ വൈകാരികദൃശ്യമാണ്‌. വര്‍ത്തമാനങ്ങള്‍ മാത്രമല്ല ആംഗ്യഭാഷപോലും സിനിമയുടേതാണ്‌. സരസമായ നര്‍മ്മങ്ങളും കറുത്ത ഫലിതങ്ങളും നിറഞ്ഞ സംസാരം തുടങ്ങുമ്പോഴേ ഞങ്ങള്‍ സദസ്‌ അയാള്‍ക്കായി വിട്ടുകൊടുക്കും - ഇനി പവി സംസാരിക്കട്ടേ....'ഞങ്ങള്‍ ഒരേ നാട്ടുകാരായിരുന്നെങ്കിലും പരിചയപ്പെടുന്നത്‌ പൂനെ ഫിലിം ഇന്‍സ്റ്റിറ്റിയൂട്ടില്‍ വച്ചാണ്‌-'70ല്‍. അന്ന്‌ ഞാന്‍ ഇന്‍സ്റ്റിറ്റിയൂട്ടില്‍ പഠിക്കുകയായിരുന്നു. പവി അവിടെ ഗവണ്‍മെന്റ്‌ ലാ കോളേജിലും. ലാ കോളേജില്‍ ആണെന്നേയുള്ളൂ, ഹാജര്‍ അവിടെയും പഠനം ഞങ്ങളുടെ ഇന്‍സ്റ്റിറ്റിയൂട്ടിലും.

ഇന്‍സ്റ്റിറ്റിയൂട്ട്‌ കാമ്പസിലെ 'വിസ്‌ഡം ട്രീ'ക്ക്‌ ചുറ്റം ഞങ്ങള്‍ പഠനത്തിനിടെയുള്ള ചൂടുപിടിച്ച ചര്‍ച്ചകള്‍ക്കൊത്തുകൂടും. 'വിസ്‌ഡം ട്രീ' എന്നാല്‍ വെറുമൊരു മാവിന്‍മരം. പണ്ടാരോ അങ്ങനെ പേരിട്ടു എന്നേയുള്ളൂ. ലാ കോളേജില്‍ ഹാജര്‍ വച്ചുകഴിഞ്ഞാല്‍ പിന്നെ രാവോളം പവി ഇവിടെയായിരിക്കും. ഇടവേളകളില്‍ നാഷണല്‍ ഫിലിം ആര്‍ക്കൈവ്‌സിലെ എല്ലാ സിനിമകളും കണ്ട്‌, എല്ലാ ചര്‍ച്ചകളിലും പങ്കാളിയായി സിനിമയെ പ്രണയിച്ചും സ്വപ്‌നം കണ്ടും സിനിമയ്ക്കുവേണ്ടി പിറവി എടുത്തൊരു ജന്മംപോലെ അവിടെ ചുറ്റിക്കൂടും. ലാ കോളേജില്‍ പ്രവേശനം തരംപ്പെടുത്തിയതുതന്നെ ഇന്‍സ്റ്റിറ്റിയൂട്ടില്‍ എത്തിപ്പറ്റാന്‍ വേണ്ടിയായിരുന്നു. ഇന്‍സ്റ്റിറ്റിയൂട്ടില്‍ അപേക്ഷിച്ചെങ്കിലും അഡ്‌മിഷന്‍ കിട്ടാതെ വന്നപ്പോള്‍ ചെയ്ത പണിയാണിത്‌.

സിനിമയിലെ സാഹസികനായ ഒരാള്‍ക്ക്‌ ഒരു അക്കാഡമിക്‌ ബിരുദംകൊണ്ട്‌ എന്തു നേടാനാണ്‌? അതിന്റെ ശരിയായ ഒരു ഉത്തരമായിരുന്നു പവിത്രന്‍. '70കളില്‍ മലയാളത്തില്‍ നാമ്പിട്ട നവസിനിമയുടെ നേതൃപദവിയില്‍ ഒരാളായി മാറാന്‍ കഴിഞ്ഞതും അതുകൊണ്ടാണ്‌. സത്യത്തില്‍ പവിത്രന്‍ ആരാണ്‌?നിര്‍മ്മാതാവോ, സംവിധായകനോ ക്യാമറാമാനോ, സംഗീതസംവിധായകനോ അതോ ഡോക്യുമെന്ററിയുടെ ആളോ, അതോ രാഷ്‌ട്രീയക്കാരനോ....? 'സിനിമയുടെ എല്ലാം' എന്നേ പറയാന്‍ പറ്റുള്ളൂ. ആദ്യസംരംഭമായ 'കബനീനദി ചുവന്നപ്പോള്‍ എന്ന സിനിമയുടെ പിറവി അതു കൂടുതല്‍ വ്യക്തമാക്കുന്നുണ്ട്‌.

ഈ സിനിമയിലൂടെ താന്‍ ആരെന്നുള്ള പ്രഖ്യാപനമാണോ പവിത്രന്‍ നടത്തുന്നത്‌? അന്ന്‌ നക്‌സല്‍ പ്രസ്ഥാനം സജീവമായിരുന്ന കാലഘട്ടമാണ്‌. പോരെങ്കില്‍ '75ലെ അടിയന്തരാവസ്ഥയും. നക്‌സല്‍ പ്രസ്ഥാനംപോലുള്ള മുന്നേറ്റങ്ങളെ ഭരണകൂടവും പൊലീസും ചേര്‍ന്ന്‌ അടിച്ചമര്‍ത്തുകയും ആശയങ്ങള്‍ക്കും ആവിഷ്കാരങ്ങള്‍ക്കും സെന്‍സര്‍ഷിപ്പിന്റെ കര്‍ശന വിലക്കുകള്‍ ഏര്‍പ്പെടുത്തുകയും ചെയ്ത ഒരു ഇരുണ്ട കാലയളവ്‌. ഇവിടെയാണ്‌ പവിത്രനിലെ തിളയ്ക്കുന്ന യുവത്വം ശക്തി തെളിയിക്കുന്നത്‌. ഞാനും മാടമ്പുകുഞ്ഞിക്കുട്ടനും ടി.വി. ചന്ദ്രനുമൊക്കെ ഉള്‍പ്പെട്ട സദസുകളില്‍ പവി വിഷയം ഗംഭീരമായി ചര്‍ച്ച ചെയ്തു. "നിനക്ക്‌ എന്തുകൊണ്ട്‌ ഒരു സിനിമ എടുത്തുകൂടാ, നീ വിജയിക്കും" ഞാന്‍ അവനെ അത്യധികം പ്രോത്സാഹിപ്പിച്ചു. എല്ലാവരും ഒരേപോലെ പ്രോത്സാഹിപ്പിച്ചപ്പോള്‍ ഒരുപ്രശ്നം. സിനിമയെടുക്കണമെങ്കില്‍ പണം വേണം.

പവിത്രന്‍ ഗുരുവായൂരിലുള്ള തന്റെ കുടുംബവീട്ടിലേക്ക്‌ മടങ്ങി. കണ്ടാണശ്ശേരിയിലെ വീട്ടില്‍ അന്ന്‌ തന്നെ കൂടാതെ മൂന്നു പെങ്ങളുമാരാണുള്ളത്‌. അച്ഛനും അമ്മയും നേരത്തേ മരിച്ചു. പെങ്ങളുമാര്‍ക്കെല്ലാം ഉറ്റവനാണ്‌. പവി തന്റെ മോഹം പറഞ്ഞപ്പോള്‍ അവര്‍ എതിര്‍വാക്കൊന്നും പറയാതെ സസ്‌നേഹം കുടുംബസ്വത്ത്‌ വില്‍ക്കാന്‍ അനുമതി മൂളി. അങ്ങനെ ആദ്യസംരംഭമായി 'കബനീനദി ചുവന്നപ്പോള്‍' അഭ്രപ്രാളികളില്‍ വെളിച്ചംകണ്ടു.പി.എ. ബക്കറിനെയാണ്‌ സംവിധാനച്ചുമതല ഏല്‌പിച്ചത്‌. പേഴ്‌സണല്‍ ഫിലിം കാറ്റഗറിയില്‍ ഇന്ത്യയിലെ ശ്രദ്ധേയമായ സംരംഭമായി അക്കൊല്ലത്തെ അവാര്‍ഡ്‌ കമ്മിറ്റി ഈ ചിത്രത്തെ വിലയിരുത്തുകയും ചെയ്തു.ഇവിടെ ഒരു കാര്യം പ്രത്യേകം ഓര്‍ക്കേണ്ടതുണ്ട്‌. പ്രത്യേകിച്ച്‌ ഒരു കക്ഷിരാഷ്‌ട്രീയത്തോടും ആഭിമുഖ്യം പുലര്‍ത്താതെയാണ്‌ പവിത്രന്‍ എന്ന സിനിമാക്കാരന്‍ തന്റെ രാഷ്‌ട്രീയക്കാഴ്ചപ്പാട്‌ വെളിപ്പെടുത്തുന്നത്‌. അതു കുറച്ചുകൂടി ശക്തമായി അവതരിപ്പിച്ചത്‌ 'യാരോ ഒരാള്‍' എന്ന സിനിമയിലൂടെയാണ്‌. വ്യക്തിപരമായ ഒരു അന്വേഷണമായിരുന്നു ഈ ചിത്രം. ആദ്യമായി സംവിധാനം ചെയ്തതും ഈ സിനിമയാണ്‌. മരണത്തെപ്പോലും തമാശയായി ചിത്രീകരിക്കുന്ന ഇതില്‍ മരണത്തെ മറികടക്കാന്‍ വഴിയുണ്ടോ എന്ന ചിന്തയാണ്‌ വിഷയമാകുന്നത്‌.പിന്നീട്‌ 'ഉപ്പ്‌'ചെയ്തു. 1986ല്‍ സിനിമയ്ക്കുള്ള ദേശീയ അവാര്‍ഡ്‌ ഉപ്പിനായിരുന്നു. അംഗീകാരങ്ങള്‍ക്കോ അവാര്‍ഡുകള്‍ക്കോ ഒന്നും കാത്തുനില്‍ക്കാതെ സ്വയം തീരുമാനിക്കുന്ന ഘടനാവ്യത്യാസങ്ങള്‍ ചാര്‍ത്തി സിനിമയ്ക്കുവേണ്ടി ജീവിച്ചു. പ്രശസ്തിയുടെ ഉന്നതികളിലേക്ക്‌ പോകുമ്പോഴും സിനിമയെപ്പറ്റി കൂടുതല്‍ പഠിക്കാന്‍ വെമ്പുന്ന ഒരു വിദ്യാര്‍ത്ഥിയെപോലെ അവന്‍ ആശയങ്ങള്‍ പങ്കുവയ്ക്കുമായിരുന്നു. പിന്നെയും പിന്നെയും പഠിക്കുകയായിു‍ന്നു.

78ല്‍ ഞാന്‍ 'അശ്വത്ഥാമാവ്‌' സിനിമയെടുക്കുമ്പോള്‍ പവി എപ്പോഴും എന്റെ സെറ്റിലുണ്ടാകും. അന്ന്‌ അവന്‍ പ്രശസ്തനാണ്‌. പക്ഷേ, സെറ്റില്‍ കൂടക്കൂടെ ഓരോന്നു ചോദിച്ചുകൊണ്ടേയിരിക്കും.ഒരു സിനിമ കഴിഞ്ഞാല്‍ അടുത്തത്‌ എന്നൊരു ചിന്തയോ സിനിമയ്ക്കുവേണ്ടി നിര്‍മ്മാതാവിനെ തേടി അലയുന്ന ശീലമോ തീണ്ടാത്ത ഇയാള്‍ക്ക്‌ സിനിമ ഒരിക്കലും ഒരു കരിയര്‍ വര്‍ക്കേ ആയിരുന്നില്ല. അതേസമയം വഴിതെറ്റി വന്ന ഒരു നിര്‍മ്മാതാവോ, സംവിധായകനോ ആയിരുന്നില്ല. പ്രമേയത്തിലും സിനിമയുടെ രീതിയിലും എന്നും വ്യത്യസ്തത പുലര്‍ത്തിയിരുന്ന പിവത്രനെ എനിക്കെന്നല്ല ഒരു വാക്കു സംസാരിച്ചിട്ടുള്ള സുഹൃത്തുക്കള്‍ക്ക്‌ ആര്‍ക്കും മറക്കാനാവില്ല. സിനിമയുടെ ചരിത്രത്തില്‍ ഒരുനാളും മായാത്ത അടയാളം പതിച്ച അവന്‍ ദൂരെ എവിടേക്കോ യാത്രയായതുപോലെയാണ്‌ ഇപ്പോഴും എനിക്കു തോന്നുന്നത്‌. കുറച്ചുദിവസം കഴിഞ്ഞ്‌ പവി തിരിച്ചുവരും എന്നു വെറുതെ പ്രതീക്ഷിക്കുന്നു.

കടപ്പാട് : കേരളകൌമുദി ഓണ്‍ലൈന്‍

വ്യാഴാഴ്‌ച, മാർച്ച് 02, 2006

ബുഷ്‌ വന്നു - നിഴലുകള്‍ മായുമോ?

ബുഷ്‌ വന്നു - നിഴലുകള്‍ മായുമോ?
ജി. സുഭാഷ്‌

അമേരിക്കയുടെ നയങ്ങളെയും നിലപാടുകളെയും ചൊല്ലി ഇന്ത്യന്‍ ജനതയുടെ മനസില്‍ സംശയത്തിന്റെയും ആശങ്കയുടെയും തിരകള്‍ ഉയര്‍ന്നു നില്‍ക്കുന്ന വേളയിലാണ്‌ ഇന്നലെ രാത്രി അമേരിക്കന്‍ പ്രസിഡന്റ്‌ ജോര്‍ജ്‌ ബുഷ്‌ ഡല്‍ഹിയില്‍ വിമാനമിറങ്ങിയത്‌.
വന്‍ശക്തിരാഷ്‌ട്രത്തിന്റെ തലവനായ ബുഷിന്റെ ഇന്ത്യാസന്ദര്‍ശനത്തിന്റെ ലക്ഷ്യങ്ങളില്‍ ഇന്ത്യയുടെ ആണവപരീക്ഷണങ്ങള്‍ അമേരിക്കയുടെ നിയന്ത്രണത്തിലാക്കുക, ഇറാനെതിരായ നടപടിക്ക്‌ ഇന്ത്യയുടെ പിന്തുണ ഉറപ്പാക്കുക തുടങ്ങിയവയും ഉണ്ടെന്ന്‌ വിമര്‍ശകര്‍ പറയുന്നു. അമേരിക്കയുടെ ആഗോള പ്രമാണിത്തത്തിന്‌ ഇന്ത്യയുടെ പിന്‍ബലം ഉറപ്പാക്കാനും ചൈനയുടെ വന്‍ശക്തി സ്വാധീനത്തെ ചെറുക്കാന്‍ ഇന്ത്യയെ സാമ്പത്തിക, സൈനിക ബദല്‍ശക്തികേന്ദ്രമായി ഉയര്‍ത്തിക്കാട്ടാനും പദ്ധതിയുണ്ടെന്നതും രഹസ്യമല്ല.

അതിവേഗം വികസിച്ചുകൊണ്ടിരിക്കുന്ന ഇന്ത്യന്‍ സമ്പദ്‌വ്യവസ്ഥ ചൂഷണം ചെയ്യുക അമേരിക്കന്‍ കമ്പനികളുടെ ലക്ഷ്യമാണ്‌. ഐ.ടി, ബിസിനസ്‌ പ്രോസസിംഗ്‌ രംഗങ്ങളില്‍ കുറഞ്ഞ കൂലിക്ക്‌ അമേരിക്കന്‍ ഇടപാടുകള്‍ ഇന്ത്യയില്‍ നടത്തിയെടുക്കാമെന്ന സാദ്ധ്യത ഇതിലൊന്ന്‌. ജോലികള്‍ ഇന്ത്യയിലേക്ക്‌ പുറംകരാര്‍ നല്‍കികൊണ്ടു പോകുന്നതിനാല്‍ അമേരിക്കയില്‍ തൊഴിലില്ലായ്‌മ വര്‍ദ്ധിക്കുണ്ടെന്ന മുറവിളി ശക്തമായിട്ടുണ്ടെങ്കിലും ഇപ്പോഴത്തെ അവസ്ഥയില്‍ ഇന്ത്യയ്ക്ക്‌ ഏറെ പ്രതികൂലമായ നടപടി ഉണ്ടാവില്ലെന്ന്‌ പ്രസിഡന്റ്‌ ബുഷ്‌ കഴിഞ്ഞയാഴ്ച വാഷിംഗ്‌ടണില്‍ ഏഷ്യാ സൊസൈറ്റിയുടെ യോഗത്തില്‍ വ്യക്തമാക്കി. ഇന്ത്യയില്‍ തൊഴിലുകള്‍ ചെയ്യുന്നത്‌ ഇല്ലാതാക്കുന്നതിന്‌ പകരം അമേരിക്ക വിദ്യാഭ്യാസനയത്തില്‍ ഗുണപരമായ മാറ്റങ്ങള്‍ വരുത്തിവേണം പ്രശ്നപരിഹാരം കാണാനെന്നാണ്‌ പ്രസിഡന്റ്‌ ബുഷ്‌ പറഞ്ഞത്‌.

ഗതാഗത, ഊര്‍ജ്ജ മേഖലകളില്‍ ഇന്ത്യയ്ക്ക്‌ ആധുനിക അടിസ്ഥാനസൌകര്യങ്ങള്‍ ഒരുക്കിനല്‍കാന്‍ അമേരിക്കന്‍ കമ്പനികള്‍ക്ക്‌ അവസരം ലഭ്യമാക്കുക എന്നതും അമേരിക്കന്‍ അധികാരികളുടെ ബിസിനസ്‌ ലക്ഷ്യങ്ങളില്‍പെട്ടതാണ്‌.ലോക മുതലാളിത്ത സമ്പദ്‌വ്യസ്ഥയോട്‌ ഇന്ത്യന്‍ സമ്പദ്‌വ്യവസ്ഥയെ കൂട്ടിയിണക്കിവയ്ക്കുക, ഇന്ത്യയുടെ വര്‍ദ്ധിച്ചുവരുന്ന സൈനിക സന്നാഹശേഷിക്കുമേല്‍ നിയന്ത്രണം നേടിയെടുക്കുക എന്നതും അമേരിക്കന്‍ ലക്ഷ്യങ്ങളാണ്‌.

ഇന്ത്യയാകട്ടെ ആണവായുധശക്തിരാജ്യമെന്ന അന്താരാഷ്‌ട്ര അംഗീകാരം കിട്ടാന്‍ ആഗ്രഹിക്കുന്നു. യു.എന്‍ രക്ഷാസമിതിയില്‍ സ്ഥിരാംഗത്വത്തിനുള്ള ഇന്ത്യയുടെ വാദഗതിക്ക്‌ ബലം നല്‍കുന്നതാകും ആ അംഗീകാരം. അതല്ലെങ്കില്‍ ലോകശക്തി രാഷ്‌ട്രമെന്ന അംഗീകാരമെങ്കിലും നേടാനാകും.സിവിലിയന്‍ ആണവ ഊര്‍ജ്ജശേഷി വികസിപ്പിക്കാന്‍ വിടേശ സാങ്കേതികവിദ്യയും ഇന്‌ധനവും നേടാനും ഇന്ത്യയ്ക്ക്‌ താത്‌പര്യമുണ്ട്‌. അതിലൂടെ വിടേശത്തുനിന്നുള്ള എണ്ണ, വാതക ഇറക്കുമതി കുറയ്ക്കാനും കൂടുതല്‍ വിഭവശേഷി സ്വന്തം സൈനിക ഗവേഷണ, വികസന കാര്യങ്ങള്‍ക്കായുള്ള ആണവ പദ്ധതിക്കായി വിനിയോഗിക്കാനാകുമെന്നും കണക്കുകൂട്ടുന്നു.

കഴിഞ്ഞ ജൂലായില്‍ പ്രധാനമന്ത്രി മന്‍മോഹന്‍സിംഗ്‌ വാഷിംഗ്‌ടണ്‍ സന്ദര്‍ശിച്ചപ്പോള്‍ ഇന്ത്യ-യു.എസ്‌ ആണവ ഉടമ്പടിക്ക്‌ ധാരണയായിരുന്നു. ഇന്ത്യയ്ക്ക്‌ പുതിയ സിവിലിയന്‍ ആണവ സാങ്കേതികവിദ്യയും ആണവ ഇന്‌ധനവും ലഭ്യമാക്കാന്‍ അമേരിക്ക ആണവ വിതരണ സംഘത്തിലെ അംഗരാജ്യങ്ങളുടെമേല്‍ സമ്മര്‍ദ്ദം ചെലുത്തുമെന്നാണ്‌ ധാരണ. യു.എന്നിലെ അഞ്ചു സ്ഥിരാംഗരാജ്യങ്ങള്‍ക്ക്‌ ആണവായുധ കാര്യത്തില്‍ കുത്തകാധികാരം നല്‍കുന്ന ആണവ നിര്‍വ്യാപന കരാറില്‍ ഒപ്പിടാന്‍ ഇന്ത്യ വിസമ്മതിച്ചുനില്‍ക്കുന്നത്‌ അതിന്‌ വിഘാതമാവില്ല. എന്നാല്‍, ആ ഉടമ്പടി പ്രാവര്‍ത്തികമാക്കാന്‍ ഇന്ത്യ സിവിലിയന്‍, സൈനിക ആണവപദ്ധതികള്‍ വ്യക്തമായി വേര്‍തിരിക്കണമെന്നും ആണവപദ്ധതി അന്താരാഷ്‌ട്ര ആണവ ഊര്‍ജ്ജ സമിതിയുടെ പരിശോധനാ പരിധിയില്‍പെടുത്തണമെന്നുമുള്ള ഉപാധികൂടി അമേരിക്ക മുന്നോട്ടു വച്ചിരിക്കുന്നതാണ്‌ തര്‍ക്കവിഷയമായിരിക്കുന്നത്‌.

അമേരിക്ക ഫലത്തില്‍ ഇന്ത്യയെ സാങ്കേതിക, സൈനിക ആശ്രിത രാജ്യമാക്കുകയാണ്‌ ഇതിന്റെ ഫലം.ഇറാനെതിരായ നീക്കങ്ങള്‍ക്ക്‌ ഇന്ത്യയുടെ പിന്തുണ നേടാന്‍ അമേരിക്കയ്ക്ക്‌ യൂറോപ്യന്‍ യൂണിയനിലെ അതിന്റെ സഖ്യരാജ്യങ്ങളും ആണവ കരാര്‍ ആയുധമാക്കി സമ്മര്‍ദ്ദം ചെലുത്തുന്നു. ഇറാന്റെ ആണവ പദ്ധതിയെ അപലപിക്കാന്‍ അമേരിക്കയ്ക്കൊപ്പം വോട്ട്‌ ചെയ്ത്‌ ഇന്ത്യ ഉത്തരവാദപ്പെട്ട ആണവശക്തി രാജ്യമെന്ന്‌ തെളിയിക്കണമെന്നു അമേരിക്കന്‍ ഉദ്യോഗസ്ഥര്‍ പറയുന്നു. എന്നാല്‍, ഇപ്പോള്‍ ഇറാനെതിരെ സ്വീകരിച്ചിരിക്കുന്ന അമേരിക്കന്‍ നയം ഭാവിയില്‍ ഇന്ത്യയ്ക്കെതിരെയും പ്രയോഗിക്കപ്പെടാവുന്ന ആയുധമാണെന്നതാണ്‌ വസ്തുത.അമേരിക്കന്‍ബന്‌ധം സുദൃഢമാക്കാന്‍ മന്‍മോഹന്‍സിംഗും സോണിയാഗാന്‌ധിയും ശക്തമായി നിലകൊള്ളുന്നുവെന്നതിന്‌ തെളിവായി അമേരിക്കന്‍ ബന്‌ധത്തിനെതിരെ സംസാരിച്ച നട്‌വര്‍സിംഗിന്‌ വിടേശമന്ത്രിസ്ഥാനവും (ഇറാക്ക്‌ എണ്ണവിവാദത്തെച്ചൊല്ലി) മണിശങ്കര്‍ അയ്യര്‍ക്ക്‌ പെട്രോളിയം മന്ത്രിസ്ഥാനവും നഷ്‌ടമായി എന്നത്‌ വിമര്‍ശകര്‍ എടുത്തുകാട്ടുന്നു.


അഞ്ചാമന്‍

ഡ്വൈറ്റ്‌ ഡി. ഐസനോവര്‍, റിച്ചാര്‍ഡ്‌ നികസ്ണ്‍, ജിമ്മി കാര്‍ട്ടര്‍, ബില്‍ ക്‌ളിന്റണ്‍.... മുമ്പ്‌ ഇന്ത്യ സന്ദര്‍ശിച്ച യു.എസ്‌ പ്രസിഡന്റുമാരാണിവര്‍. ആ പട്ടികയിലേക്ക്‌ ഇപ്പോള്‍ ജോര്‍ജ്‌ ബുഷും എത്തി. ഇന്ത്യ സന്ദര്‍ശിക്കുന്ന അഞ്ചാമത്തെ യു.എസ്‌ പ്രസിഡന്റാണ്‌ ബുഷ്‌.1959 ഡിസംബര്‍ 10-ന്‌ ഐസനോവര്‍ക്ക്‌ ഡല്‍ഹിയില്‍ നല്‍കിയ വരവേല്‌പ്‌ അതിഗംഭീരമായിരുന്നു. അന്നത്തെ പ്രധാനമന്ത്രി ജാവഹര്‍ലാല്‍ നെഹ്‌റുവിന്റെ വാക്കുകളില്‍ 'ഞങ്ങളുടെ പ്രതീക്ഷയെയും അതിശയിപ്പിച്ച ഉജ്ജ്വല വരവേല്‌പ്‌.' അമേരിക്ക പാകിസ്ഥാനോടു കാട്ടുന്ന അമിത അടുപ്പവും ആ രാജ്യത്തിന്‌ ആയുധങ്ങള്‍ നല്‍കുന്ന നയവും ഇന്ത്യന്‍ താത്‌പര്യങ്ങള്‍ക്ക്‌ എതിരായിരുന്നെങ്കിലും ഇന്ത്യ-യു.എസ്‌ ബന്‌ധത്തില്‍ കാര്യമായ പുരോഗതിവരുത്താന്‍ ഐസനോവറുടെ ഇന്ത്യാസന്ദര്‍ശനം സഹായമായി.

1969 ആഗസ്റ്റില്‍ പൂര്‍വ്വേഷ്യാ സന്ദര്‍ശനം കഴിഞ്ഞ്‌ യൂറോപിലേക്ക്‌ പോകുന്നതിനിടെ ഒരു ദിവസമാണ്‌ പ്രസിഡന്റ്‌ റിച്ചാര്‍ഡ്‌ നിക്‌സണ്‍ ഡല്‍ഹിയില്‍ തങ്ങിയത്‌. വരവേല്‍ക്കാന്‍ ജനക്കൂട്ടം ഉണ്ടായിരുന്നെങ്കിലും അത്ര ഊഷ്‌മളമായിരുന്നില്ല സ്വീകരണം. ഇന്ത്യയുടെ പുരോഗതിക്ക്‌ സാമ്പത്തിക സഹായം നല്‍കുന്നതിനോട്‌ നിക്‌സണ്‌ എതിര്‍പ്പില്ലായിരുന്നെങ്കിലും അദ്ദേഹത്തിന്‌ ചായ്‌വ്‌ പാകിസ്ഥാനോടായിരുന്നു.

1978 ജനുവരി ഒന്നിന്‌ ജിമ്മി കാര്‍ട്ടര്‍ക്ക്‌ ഇന്ത്യയില്‍ ലഭിച്ചത്‌ മുമ്പ്‌ ഐസനോവര്‍ക്ക്‌ ലഭിച്ചതിന്റെയത്ര ഗംഭീരമല്ലെങ്കിലും ഉജ്ജ്വലവും ഊഷ്‌മളവുമായ വരവേല്‌പായിരുന്നു. 1974 ല്‍ ഇന്ത്യ ആണവപരീക്ഷണം നടത്തിയതിലുള്ള അനിഷ്‌ടം കാര്‍ട്ടര്‍ക്കുണ്ടായിരുന്നു. കൊക്കകോളയും ഐ.ബി.എമ്മും ഇന്ത്യയില്‍നിന്ന്‌ തുരത്തപ്പെട്ടതും അമേരിക്കന്‍ താത്‌പര്യങ്ങള്‍ ഹനിക്കുന്നതായി. പക്ഷേ, കാര്‍ട്ടര്‍ ഇന്ത്യാസന്ദര്‍ശനത്തെ അത്‌ പ്രതികൂലമായി ബാധിക്കാതിരിക്കാന്‍ ശ്രദ്ധിച്ചു. പ്രധാനമന്ത്രി മൊറാര്‍ജി ദേശായിയുമായി ചേര്‍ന്ന്‌ ഡല്‍ഹി പ്രഖ്യാപനത്തിലും ഒപ്പുവച്ചു.

പ്രസിഡന്റ്‌ പദവിയിലുള്ള അവസാനനാളുകളിലാണ്‌ 2000 മാര്‍ച്ചില്‍ ബില്‍ ക്‌ളിന്റണ്‍ ഇന്ത്യ സന്ദര്‍ശിച്ചത്‌. അത്‌ ഉത്സവമായി മാറ്റാന്‍ ഇന്ത്യയിലെയും അമേരിക്കയിലെയും പ്രചാരകരും പി.ആര്‍ വിദഗ്ദ്ധരും തന്ത്രപൂര്‍വ്വം കരുനീക്കി.
ഇന്ത്യന്‍ ജനതയുടെ പ്രീതി പിടിച്ചുപറ്റുന്ന സരസഭാഷണത്തിലൂടെ ക്‌ളിന്റണും അവസരത്തിനൊത്തുനിന്നു. പാര്‍ലമെന്റിന്റെ സംയുക്ത സമ്മേളനത്തില്‍ പ്രസംഗിച്ച്‌ കൈയടിനേടി. ഡല്‍ഹിയിലും ഹൈദരാബാദിലും മുംബയിലും തിരക്കിട്ട പരിപാടികളിലൂടെ വ്യവസായ, വാണിജ്യബന്‌ധങ്ങളും ദൃഢമാക്കാന്‍ ക്‌ളിന്റണ്‍ ശ്രദ്ധിച്ചു.

കടപ്പാട്‌ : കേരളകൌമുദി ഓണ്‍ലൈന്‍